حلال على الريال و حرام على المرا ؟؟ :@@@@@@

اولاا شلووونكم بتزوجااات …

عندي موضوع رافع ظغطي و سببه تفكير مجتمعنا

و محد فكر يشوف رأي الشرع اولا

اولا الريال اذا خان زوجته عادي المرا تحملي صبري عليه
المرا اذا خانت زوجها على طووول طلاق و يشهر فيها عند الاكو و الي ماكووو

انا اشوف في ظلم … الخاين خاين و الزاني زاني كلهم مثل الشي اساسا عقابهم الموت و مصيرهم جهنم

و اذا الريال مو قادر يعيش مع زانيه
حتن المرا لازم ما تصبر على انسان نجس و خاين و زاني
و ماتصبر عليه و تطلق اشرف لهاااا

و بحكم انه الريال مستانس و عبالها كلشي حلال عليه و حرام على المرا

و مايعرف بالدين غير هالجمله (( الله حلل لي اتزوج 4 ))

و ماعلي كلام اذا انا سويت حرام مع بنت و حملت عااادي اتزوجها و ما يمس شرفي شي .. و اصحح غلطتي

بس المشكله انه هالفكرررررره غلللللط

شوفوا ليش ..!

تخيلوا معاي (( ريال ازنى مع حبيبته .. و حبيبته حملت .. __ المجتمع يقول له عااااادي يبا تزوجها زواج مخافر و تصحح غلطتك !!! ))

انزين في احد فكر شنو الحكم زواج الزانيه من زانيها و شنو مصير ولد الحرام الي في بطنها ؟؟

بدليل أن عمر بن الخطاب فصل بين رجل تزوج امرأة أثناء عدتها ثم قال : (لا يجتمعان أبداً) ، ودليل آخر ثبت عن علي وعائشة والبراء بن عازب بأنه (من زنى بأمراه ثم تزوجها فهما زانيان أبداً)

و مصير الطفل : فلا يحل للرجل الابن ولا صلة شرعيه له

بـ معنى انه الياهل يحرم على الريال الزاني .. يعني لو الياهل طلعت بنت ,, لمن تكبر لازم تتحجب منه

دام الله حلل له يتزوج 4 ليش يسون بالحراااااااام ليش
يبا انا عندي ريال يتزوج علي ولا يزني

سؤالي الحييين لكل المتزوجات

1_ شرايكم بتفكير مجتمعنا .. ريال خانج صبري عليه و مرا خانت زوجها يلعن خيرها و يشهر فيها و يطلقها ؟؟

2_ لو زوجج لا سمح الله زنى و خانج … تصبرين عليه
ولا تطلقين و تربين عيالج معززه مكرمه بعيد عن الريال النجس الخاين ؟

كلولولولووووش نزل الموضوع و كله بدليات لول

[color="rgb(221, 160, 221)"][color="rgb(221, 160, 221)"][col[color="rgb(221, 160, 221)"]or="rgb(221, 160, 221)"]شنسوووووي وشنقووووووول هاااذي عقلياتهم ماراح اتغيييير لو شيصير واغلب الريايل لو عنده ملكتة جمال وقايمه بواجبه وكل شي تزوغ عينه حت ع الخدامه لاتقول لا الااذا المره مقصره بحقه والله هالريايل نفووسهم صارت حييييل دنيه بس الله يغفر ويستر وموضوعج حلوو ويستحق مناقشه بس ويي انا بنامولا جان بدعت بالحجي لووووول يسلمووو[/color][/color][/color][/color]

طاااااااع الكلاااام كله خراابيط لووول شسووي فيني النوووم اعذريني

صاجة حبيبتي
الغلط غلط سواء من الريال او المرة

كلامج عدل بس هذا حال مجتمعنا ذكوري ويغفر زلة الريال

الزمن مايعدل بس الله يعدل وكل واحد رح ياخذ جزاه ان شاءالله

الريايل احنا الي خلينا عقليتهم جذي والله …لانه نصبر نصبر و نغطي عليهم و نقول يمكن يعقل !

و نقول ريال مايعيبه شي !!

هذااااا غلط واللللله غلط ….. لازم نوقفهم عن حدهم ! و الغلط غلط و المنكر منكر … و الكل يتحاسب سواسيه

يالله حياتي قومي من النوم كملي كلامج طلعي حرتج لوووول

ايه هذا الي انا ابي اوصله ابي الحريم يفهمون

مثل ما الريااال مايطوف الغلط على المرااا كلش حتن لو غلط تافهه او بسيط يسويها مشكللللله !

حتن احنا لازم اذا الريال غلط ما نظوف له و نخليه ياخذ درس لا ينسى
و يتعلم انه هالغلطه ما تنعااااد و اذا انعادت له كلام ثاني

كل الريايل عبالهم اذا غلطوااا ! نغفر لهم بكل سهوله و هذا الشي خلى الريال يتمادى بالغلط

لو زوجي خااين ما اتطلق صرااحه !

احنا الي وصلنا المجتمع لي هالحاله !

مثل ما الله بيحاسب الكل سواسيه الغلط غلط

حتن احنا لازم نعامل الكل سواسيه سواء ريال او مرا

دايما اقول المراه اهم من الرجل في البيت

كثير يقول المراه نصف المجتمع وانا اقول

المراه كل المجتمع في العصر هذا

العيال منو يربيهم حقيقه ؟؟؟؟

الام لانه 24 ساعه معهم

والتربيه هي غرس الاخلاق في نفوس الابناء

فكيف الام تغرس اخلاق وقيم وهي لا تملك الاخلاق والقيم

*********************

لاحظي لو الزوج توفي البيت ممكن يمشي حاله ويتربون العيال ويكبرون في ظل الزوجه العاقل

ولكن لو الزوجه تتوفي ………..غالبا ما يتزوج الزوج امراه اخرى تقوم بمهمه تربيه الابناء

**************************

ارجع واقول المراه كل المجتمع اذا فسدت ………..ضاع المجتمع

*******************************

فوفو

بس شلون بتتصرفين ؟ اذا زوجج زاني
شلون تعاقبينه و تخلينه يتوب

لانه اذا المرا سكتت عن الغلط راح ينعاد و يتمادى الريال

و خاصة الساكت عن الغلط شيطان اخرس

الزنى مو شويه ! منكر ! ليش متساهلين جذي

مو شرط طلاق بس لازم يتعاقب

صح لسااانج فوفوو

فوق هذا المرا خلت الريال يفكر انه معصوم من الغلط

منو ربى الريال غير المراا منو زرع هالفكره براسه غير المراااا

ترى الكبائر اللي يسويها الزوج الزاني

ربي يحاسبه مو زوجته

له عقوبه بالدنيا
وحساب بالاخره

وهو يعلم تماما ما يفعله انه حرام

مش المجتمع سهل له الطريقه

ولكن احنا يا امهات زدنا الفتن بالشارع

لو كل ام مسكت بناتها وعيالها وربتهم على الدين الاسلامي الصحيح

لخفت المشاكل بنسب كبيره

فوفو