* * حكايتي مع عملية تجميل الانف

المهم رجعت ع البيت ودورت عليه بالنت وشفت ما شاءالله الكل بيمدحو
وسالت عنو حكولي هو عامل منخار نانسي عجرم ..

سو الماما كانت معي وحكتلو انو انا بشوف حجم منخارها مناسب لوجها
انت شو رايك؟
قلها بدو شوي ..انا ما راح اعملو صغير لانو ما بيناسب شكلها
قال انو راح يعمل شي بيناسب وجهي وما بيبين انو تجميل
وقال انو العمليه بتكلف 24 الف درهم ومدتها ساعه و 10 دقايق
قلي لو بدك تعملي العمليه بهل يومين ع راحتك نسقي مع الاسستنت
قلتلو انو بدي بشهر 6 لانو عندي دوام
قال ع راحتك

طبعا انا كتييييير كتييييير ارتحتلو
المهم صار شهر 6
وقرب موعد العمليه بس اهلي حكولي خلينا نسافرواعمليها بعد السفر
قلتلهم ماشي بس انقهرت شوي
سافرنا ورجعنا كان موعد عمليتي ب 21-7
كنت مريضه عندي حراره وكحه
سو حكولي صعب تعميها رح تتعبي كتير
المهم اجلتها ع 15-8

عملت تحليل الدم قبل شي اسبوع من العمليه واخدولي صور
وعطوني التعليمات قبل وبعد
صار تاريخ 15 رحت ع المشفى قبل ساعتين من العمليه
اجت الممرضصه قاستلي الضغط والحراره وعطتني تياب المشفى وعطتني حبتين
بعدين اجا دكتور غابرييل حكى معي وقلي شو رح يعمل وسالني كم سؤال صحي
فوتوني ع غرفة العمليات وبعدين ما حسيت حالي الا وانا بغرفة الانعاش لوول
وزي ما حكى بالزبط ساعه و 10 دقايق
بعدين جاب اللحميه وقلي انتي كيف كنتي بتتنفسي؟؟ قد ما كبيره لول
كنت بالاول ع المغذي واستنو 6 ساعات بعد العمليه وحكولي شو بدك تاكلي؟؟
قلتلهم ما بدي غير ماي لول
سو شربت مي وبعدين كان بلعومي بيوجعني كتير حكيتلهم بدي شاي
سو جابو شاي وبسكت وبعدها جابو عصير
طلعت ع البيت المغرب وكنت كتير تعبانه من التنفس بس من تمي لانو
رجعت نمت شوي واشتركت بهل منتدى
طبعا ما قبلت شوف حالي بالمراي
بس كانو اهلي بياخدولي صور وشفتن رابع يوم
تاني وتالت يوم شكلي بيخوووووووف من الورم والالوان اللي فيه وما كنت شوف منيح من الورم
بعدها شوي شوي بلش يخف وهلئ اصفر تحت عيني وفي لون غامق شوي فوق عيني
ومنخاري لساتو واااااارم ايمتى بدو يخف ما بعرف
رابع يوم رحت ع دكتور غابرييل شالي الفتايل
بيموووتوو صرت ابكي من دون صوت يعني بس دموعي بينزلو وهو يحكيلي ما تخافي
وبدي شوفك ع زيارتي الجايي ..قال انو منخاري رح يطلع بيجنن
قلتلو ان شاءالله يسمع منك لول
سابع يوم رحت كان موعد شيل الجبيره والغرز
سو شافني دكتور تاني لانو دكتور غابرييل منو موجود
هالدكتور حكالي انو عم حس العظم عم يتحرك
سو حطلي الجبس مره تانيه وقلي خليه شي يومين وعطاني موعد مشان يشوفو
قلي منخارك فيه شغل كتير لانو
والله يستر لانو عنجد كتير خفت

كانو حكيت كتير ما؟؟
لوووووول