|
|
انا بصراحه بتكلم عن قصتي الي ابي كل بنت تاخذ العبره منها … يوم كنت بنت عمري 20 سنه و من اول ما بلغت كان صدري صغير و الكل من بنات خالاتي يعيب علي من صوب .. لانه اهما ما شاءالله متعافين ..
للاسف انا ماكانت عندي ثقه بنفسي و كان يضيق خلقي وايد و كانو يقولون مقاسج مقاس يهال كنت البس 32 بي 
مع الايام شفت اعلان عن تكبير الصدر من زين الاتات و انه اعشاب و آمن نتايجه مضمونه قلت يلا خل اجربه اذا ما نفعني ما يضرني … لانه اعشاب …
رحت و شريت الكريم و استخدمته مثل ما قالولي و حسيت انه صج صدري انتفخ و صار احلى .. شوي شوي شهر بعد شهر قمت البس مقاس 34 بي … 
مع الوقت وانا مستانسه على نفسي كان ايلي حرقه في صدري و يعورني و كنت اشتكي حق امي تقولي عادي عادي ..
مره من المرات حسيت انه صدري يطلع منه ماي و لما شفته وفحصت عمري كل ما اضغط على صدري تطلع افرازات بنيه على اخضر .. هم قلت حق امي تقولي عادي عادي هذا وصخ يتيمع و يطلع مو مشكله وانا مصدقتها…
لين ذيك المره الي رحت فيها حاضره بالصدفه وكانت فيها دكتوره تتكلم من الثدي و سلطان الثدي الله يكافينا شره
فقلت لها الاعراض الي ظهرت معاي استغربت و قالت ضروري اروح اسوي سونار حق صدري!!
واهني الصدمه انه صدري لما اتنفخ و كبر كان السبب اورام ليفيه حميده و تليفات داخل صدري وداخله لين انابيب الحليب و التغدد كان واضح .. والسبب من هذا الكريم الاعشاب ..
الحين انا الحمدالله غدا شري بعد ما طمنوني وايد دكاتره بس انا مابي يتكرر في اي احد ثاني سالفتي لا تقولون اعشاب ما تضر ترا حتى الاعشاب تتعامل مع الجسم مثل الادويه و اكثر ساعات
هذا نصيحتي لكم و اتمنى منكم الاستفاده
وماتشوفين شر يا الغاليه..
الله يكافينا شر الأمراض
ترا هذولا نصابين
زين ليه مارفعتي عليهم قضيه
والله اطربق محلهم
لاحول ولا قوه الا بالله
حمد الله على سلامتج وعساج ماتلاقين شر مره ثانيه
تحياتي
وحدييي متفشلة منه
ماعندج شي يكبره طبيعيا؟؟
مشكوووووووووره على التنبيه ياقلبي وزين الاتات اكبر نصاب
وماتشوفين شر
أشوف الممثلات الاجانب ياحلو أشكالهم مجكنمات لاعقد ولا معاير مثلنا اهني
الحمدلله على أي حال
وزين بغتينااا وجعله الله في ميزاان حسناتك ؟
وجزاج الله خير على التوضيح
و شكرا على النصيحه