\. حـسـبـي يـالله ونـعـم الوكـيل فـي هـالـمراهـقات .\

سلام عليكم ورحمة الله وبركاته

حسبي يالله ونعم الوكيل في هالمراهقات

بنات بقول لكم القصه بالمختصر المفيد
شلون اهيا تحرق القلب السالفه

رفيجتي انخطبت واهيا اولى جامعه
وخطيبها متخرج من البحريه وناطر الوظيفه
المهم املجوا على بعض
وقالوا العرس اول مايتوظف الولد

وصارلهم سنه مع بعض وماوصل اسمه بالديوان للتوظيف

واكيد خلال هالسنه تصير مشاكل بينها وبينه
وكانت تشتكي حق رفيجتها اكبر منها بسنه
رفيجتي عمرها 20 ورفيجتها 21

وعادي الميانه طايحه بينها وبين ريلها ورفيجتها
يعني لم ادق رفيجتها عادي ريلها يرد عليها ويطفرها وعقب يعطيها التلفون

وتمر الايام والايام
وساعات لم يطلعون ادق على رفيجتها تقول لها تعالي مريني اخذييني ريلي بيطلع
لان رفيجتها الروح بالروح

خل نفترض رفيجتي اسمها مها
ورفيجتها اسمها عنود
علشان تفهمون السالفه العدل

مها راحت بيت عنود وعنود كانت تتسبح
مها صعدت وقعدت بغرفتها
ورن تلفون عنود ؟ ولا مها تشوف رقم ريلهاا ؟
طنشت
ومها سوت روحها نايمه على الفراش لين ماتخلص عنود
وطلعت عنود من الحمام تكرمون
وشافت تلفونها وصكته لان مها عندها والي داق ريل مها
وعنود سألت مها : شفتي تلفوني منو داق
جان تقول لا تلفونج وايد بعيد وانا منسدحه
عنود سوت نفسها ان تلفونها انصك مافيه شحن
رجعت مها بيتهم
وشافت تلفون ريلها من غير لا يدري
ولا في فولدر مكتوب رجال العمل
فتحته
ولا كلا مسجااااااات من عنووووووود

مهاااا ينت طبعا وعقلها طااار من مخهاااااااااا
مسكينه اسكتت

ماتدري شتسوي كلمت عنود قالت لها علميني بسوي ايميل
قالت لها عنود اخذي ايميلي اانا ماشبك كلش
ولم مها دشت ايميل عنود
وقرت ايملات واااايد من ريلهاااااااااا
ان عنود كانت لها علاقه بريل مها من اول ماتزوجوا

ومسكينه رفيجتي اليوم اليوم درت بالسالفه الايميلات
مسكينه شتسوي ؟
اكلمها وميته من البجييييي
وانا ابجي وياها لان حرقة قلب والله
بنات مسكينه شتسوي ؟
تقول صارلي سنه وياه
والحين اطلب الطلاق ؟ واهد عنود
مسكييييييييييينه
حسبي يالله ونعم الوكيل في هالزمن
لا رجال مخلص ولا بنت وفيه وتستحي على ويهاااااااااااااا

السالفه ماخلصت يابنات

لم كانت مها تصير لها مشاكل ويا ريلها
تشتكي حق عنود

وعنود تنصحها وتقول لها ميخالف ومن هالسوالف

وبنفس الوقت لم مها كانت تبجي من المشاكل
وتصبر ريلها

ريلها شكان يسوي
كان يتكدر

ويدق على عنود يقول لها طولي بال مها ومادري شنو

عنود شتسوي ؟
تضحك وتفرفش ريل مها
علشان تنسيه الي صار

لين خلته يتعلق فيها

طبعا لان تضحكه في هالوقت واهوا متضايق
ومها تكون تبجي ومتضايقه من الي صار لها وريلهاااا

انا دخلت ايميل عنود وقريت الكلام ريل مها

والله يابنااااااااااات
يعووووووووووووووور القلب
والله يعور القلب
تخيلوا يتغزل ويتمدح في هالبنت
؟ واذا عاجبتك عنود ؟
لييييييييش كملت علاقتك في هابنت المسكينه
الي حبتك وعاشت وياك ؟

واقهر ان عمره 25 سنه
متخرج من هندسيه بحريه
يعني قهررررررر حراااااااااااااااااااااااام

شي يقهر والله
وعنود مو شايفه خير اللى راحت تحوس عند ريل رفيجتها
ستغفر الله
قالوها قبل
خاويني واخاويج واخذ ريلج واخليج

والله تكسر الخااااااطررررر
مسكينه
لا من رفيجتهاالي وياها عمررر
ولا من ريلها الخاين
وتخيلي مادري شلون هانت عليه عشرة العمرررررر ؟؟؟؟؟

مسكينه شتسوي
بس تبي تطلب الطلاق
واهيا وايد هاديه ومسكينه ومظلومه
تعور القلب تقول شسوي شسوي

اسمحيلي رفيجتج غلطانة لانها كانت تدخل رفيجتها بمشاكلها مع ريلها

الناس تقول لاتدخلون اهلكم بينكم هالدور غرب !!!

حسبي الله عليهم بنات ابليس … شلون تخون رفيجة عمرها

هذي مورفيجه هذي حيه
حيه تلف على رقبتها المعفنه !!!!

الحين بدلزج فاكس

لاحول ولاقوة الا بالله

الحين البنات مو شايفين خير حتي زوج رفيجتها تخطفه

والله البنات ينخاف منهم وهم الرياجيل ينخاف منهم

لو كنت منها ما اخليه حتي يعرف اسم رفيجتي :@

في مثل يقول صاحبيني واصاحبج اخذ ريلج واخليج
الله يصبرها المفروض تقطع علاقتها بهالبنت
وتواجهها وتواجه ريلها
وتمشي حياتها ويكون درس لها

الحمدلله
مسكينه هالبنت

اخخ يا شندوووووووخ
حده شي يقهرررر
مسكينه والله البنت
قطعت قلبي
حسبي يالله ونعم الوكيل فيهم

عفوا رفيجتج اهيا الغلطانه ، شكو امدخله رفيجتها بالنص ، اشهالخرابيط ؟ عمرنا ما تدخلنا بين الحريم ورياييلهم ، اشهالهلاقه ؟ حتى لو رفيجتي انا شكو ابريلها ؟ رفيجتج غلطانه انها اسمحت ابهالوضع يصير جدامها ! هذي نتيجه متوقعه ، لان الشيطان شاطر ، وهذا ثمن غباء رفيجتج وتساهلها ، رفيجتها ما تحل لزوجها اشلون اتخليهم يحاجون بعض ؟ الريال شاف رفيجتها تضحك وتستانس و مرحه شحليلها لان ما قعد وياها وعرفها ولا صات بينه وبينها مواقف ، وعشان جذي حبها لانه ماشاف منها مشاكل .
ختواجه ريلها وتقوله واتحاول اتحل الموضوع بينه وبينها ، وتطلق رفيجتها بالثلاثه لانها اهيا اللي وزته ، اهيا الخاينه ومالها سماح ابد ، وخل تطلب السماح والتوبه من رب العباد ، اما ريلها فهو ضحيه للعقربه ، فختقوله انها اعرفت عن كل شي ، وان لو في رفيجتها خير جان ما خانت صداقتها ، بس اهيا اتعرف معدنه الطيب وانها شيطانه وزته على هالشي ، وانها راح اتسامحه ابشرط انه يخلي هالشيطانه ، وهالايام ايام ربنا المباركه ، وانها مرته على سنة الله ورسوله ، و واجبه ناحيتها انه يخلص لها ويحافظ على بيته ، وصدقوني انه هالشي ما يصير الا في العوايل المتحرره ، اللي ما يفصلون بين الريال والمرأه خصوصا اذا كانوا غرب ، فحطوا بالكم على بيوتكم ، احنا نختلط مع الاهل بس مو بين الأغراب . اذا الأهل صاروا عقارب شنتريا من الاصدقاء ، اذا الاخت تبوق ريل اختها ؟ شتتوقعون من الغرب ؟ خناسكت احسن
الله يوفقها ويهديها و يهدي زوجها يارب

سوبر ماركت
البنت مسكينه والله
وحيدة بين ثلاث صبيان
وابوها متوفي من ثلاث او اربع سنين
وامه لا حول ولا قوة
كانت رفيجتها حسبة اختها
اهوا الي كان مايستحي على ويههه
يشوفها طيبه وكل شي
بس رفيجتها فرفوشيه وحبوبه وااااايد
ورفيجتي مسكينه والله طيبه
وشوفي هالماتستحي وهالي مايخاف من الله
شسوا في هالمسكينه

تخيلي حسبتها اختها الا صارت خاينتها
كل هذا علشان تبي ريل؟

صدقتي يايمه مني
وصل الفاكس ياقلبي
مشكووووره

اي والله
بنات هالزمن
مو هامهم الا الزوااااااج
ياربي مادري شفيهم

وهالبنت مسكينه ماعندها خوات
ورفيجتها هذي مثل اختها
بس شوفي
كانت تبيها عون
صارت لها فرعون

واي شنو هذا لهدرجه ماكو صداقه بهالزمن!!!

حسبي الله عليهم
بس صج قالوها خاويني واخاويج واخذ ريلج واخليج..
والله يعينها مهااا