حضانة كويت بلو سكاى للاحتياجات الخاصه

السلام عليكم
خواتى الله يشافي عيالكم اجمعين يا رب بغيت اسال عن حضانة كويت بلو سكاى اللى بعبدالله المبارك
شرايكم فيها ؟ ولو اليهال عمره سنتين ونصف ياخذونه ولا ما ياخذونه؟خصوصا اذا كان فيه سمات توحد
ابى ارائكم جميعا بسرعه الله يعافى عيالكم جميعا

وايد حلوة و عندهم امانه لاتختفين عليه والله يشافيه انشالله

الله يكرمك حبيبتى
انتى تعرفى احد من الابلات فيها او شئ؟
مشكوره على الرد حبيبتى الله لايحرمك الاجر

وينكم خواتى ؟؟؟؟؟؟؟؟؟
شدعوه ؟ ماحدا يعرف عن هالحضانه شئ؟؟؟؟؟؟؟

والله ودي أساعدج …بس آنا مثلج سمعت عنها ….

بس أنشاءالله البنات يفيدونج

فى انتظار الخوات يفيدونا

للرفع

حضانة لذوي الإحتياجات الخاصة (https://www.q8yat.net/showthread.php?t=320398

مشكوره اختى الصابرة لكن ودى اعرف اكتر شنو المميزات والعيوب فيها الله يكرمك ويجازيكى كل الخير

العفو عزيزتي
حاطين السايت مالهم فياليت تطلعين عليه أو تقومين بزيارة لهم وهذا الأفضل

مشكورة حبيبتى على الرد اليوم رفيجتى راحت وتقول انها قعدت مع ابله وارتاحت لهم وايد وشافت الحضانه زين وتمدح فيها وايد الله كريم وربنا يعينا جميعا

الحمدلله الله يطمنج أكثر وأكثر وان شاء الله يرتاح لها الطفل وموفقه ياعمري

انا ولدي فيهااا والحضانه جدا ممتازه وتطور ولدي بفضل رب العالمين بعد ماسخر هالحضانه سبب
وروحي وانتي مطمنه لاني كنت اروح مع ولدي صحيح مااحضر بس كنت ملاحظه اهتمامهم بالاطفال والسؤال عنهم

واللهم سخر لابناءناا سبل الشفاء

للأمانه حبيت أقول اني جربت هذي الحضانه وما أنصح فيها نهائيا لأنهم نصابين يهمهم الفلوس قبل الياهل وخاصه ان ولدج كبر ولدي راح تدفعين انتي مو المجلس الأعلى للمعاقين، أهملو ولدي وخلوه يتردى بدال لا يتحسن، انا ولدي فيه سمات توحد، يخلونه يوعان النهار كله ما يعطونه أكله مع انه أكله في شنطته وحليبته معاه، ولما قلت لمديرتهم قالت طفل التوحد ما ياكل! شنو يعني ما ياكل؟ يموت من اليوع عندكم يعني؟ فقير لما يرد البيت يكون ميت من اليوع، والأبلات الله بالخير ما تسمعين لهم صوت بس تسمعين اليهال مساكين يحنون ويبجون ولما سألت المديره تقول احنا تعليمنا أكاديمي، انزين وين التعليم اذا ما اسمع صوت المدرسه أصلا، والحالات مخلوطه البسيطه مع الشديده، يعني لو الولد ما فيه شي يتطبع منهم وياخذ من حركاتهم، وحاطين للولد بالجنطه دفتر ملاحظات تتواصلين فيه مع المدرسه مالته، الله وكيلكم مطنشيني ما يردون علي ولما قلت للمديره تقولي أصلا هذا الدفتر المفروض ما يكون محطوط في جنطته قلتلها ليش حاطينه عيل؟ تقول عشان اهو يعرف انه في دفتر في جنطته!!! شوفي التناقض بالكلام، واذا مو مصدقيني سألي عنها في المجلس الأعلى للمعاقين، زوجي لما راح هناك قالتله الموظفه ان هذول نصابين وانه اهمه سكرو حضانتهم اللي بحولي وردو فتحوها باسم شخص ثاني، نصاااااااااابين لا تستاثمين بالولد وتحطينه عندهم انا نصحتج وانتي كيفج

هلا كشمشة وحياج الله بينا: ترى أصابعج ماهي سوا وفيه الزين وفيه الشين ويعل ربي يشفي وليدج ويعافيه اللهم آمين