حسبي يالله ونعم الوكيل تجربتي مع الدكتور علي صفر

اشلونكم بناات

ما ادري وين ابتدي ، بقولكم تجربتي مع دكتور علي صفر

تجربتي المأساوية

انا سويت عمليتي شهر 2 للأسف استعيلت على العملية
معني كنت ابيها عند اريك بس خلاص هذا قدري ومكتوب

وما شفت تجربة العضوة دريمي الا متأخر لطبيعة دراستي
وتتدرون تلاهي الدنيا وما ادش المنتدى وايد

كانت عندي انحراف شديد في الحاجز الانفي ووبلاوي

بعد العملية كنت احس بصداع يروح ويرد علي وكنت اقول حق الدكتور راسي يبي ينفجر يقولي من انيميا اخذي فيتامينات وانا التهيت مع الكلية ما سويت تحليل دم

ليمة شهر 9 بينت مضاعفات العملية قمت اطيح غشيانه كل يومين ، والله لا اتشوفون حالتي من عيادة ليه عيادة ومن مستشفى لي مستشفى بدرجة طحت غشيانة بالكلية

رحت عنده على اساس اهو اللي يعالج الصداع قالي فيج ضغوط نفسية واسترس وعطاني مسكنات

اقوله دكتور قمت اطيح غشيانه سول لي اشعه ابي اعرف شنو صاير ما اقتنع ، بس قالي عشان تتطمنين هاج وصفة نوع الاشعة وسويها وتعالي ، وحسيته خايف حيل

رحت سويتها بنفس برج مزايا بس الدور الثاني وقالوا لي احنا راح نطرش التقرير حق دكتورج في الدور 13

بعد يومين رحت له يقولج اشعتج نظيفة اقوله دكتور فيني شي ، قلت له ممكن اشوف التقرير ما رضى يعطيني ياهم قالي ما فيج شي ولا اتوسوسيين ، وقالي التقرير بالانجلش وما راح تفهمين ، قلت له مو مشكلة ممكن اقراه ما رضى

وحضرته قالي راجعيني بعد شهر لاني بروح الحج وعطاني مسكن اقوى منه

مع الايام زاد الألم علي وظليت اطيح غشيانه واهلي يسعفوني ، ولا اتشوفون الدكاترة اشلون كانوا يشخصوني كل واحد من تأليفه واشكثر ادوية بدون فايدة ، واللي قال ورم بالمخ واللي واللي

اخر شي صليت الفير وطلبت من ربي انه يوجهني لاني وصلت لمرحلة الالم قاعد يزيد براسي مو قادرة حتى امشي ، وحلمت سبحان الله شي عن دكتور علي والتقارير ، ويوم الثاني طلبت نسخة من التقارير والاشعة ما رضوا وما عندنا نسخ ، وقالوا لي لازم تعيدينها ، قلت يلا العن ابو الفلوس وخل اعيدها

المهم بعدها بيومين استلمت التقرير طلع فيني التهاب حاد في الجيوب الانفية وصاير مزمن واحتمال كبير من مضاعفات العملية بس الحين من كثرة الالتهابات مو عارفين اذا احتاج عملية ثانية حق الحاجز الانفي ،

رحت عند استشاري ثاني يقولي الاكسجين مو قاعد يوصل عدل حق الراس

والله بنات لا اتشوفون حالتي النفسية حييل تحطمت وغير الادوية القوية اللي قاعدة اخذها ومن الالم حتى مو قادرة اسجد بصلاتي

×××××××××××××××××××××××××××××××
×××××××××××××××××××××××××××××××
××××××××××××××××××××××××××××××××

والله بنات انا حتى عمري ما اشتكيت من نشله والحين فيني جيوب ، حتى اغلب عمليات الجيوب مو ناجحة ،

واللي تقول الجيوب سهلة وشي عادي ومو مرض ، اقولها غلطانة وربي متعبة اتحسين راسج يبي ينفجر ومو قادرة اتصلين ولا تسجدين ولا اتسوقين سيارة واذا في مكان في تكييف قوي خلاص تروحين فيها من الالم

حبيت انقل تجربتي لاني شفت وايد بنات حاجزين عنده حق التجميل وما ابي يصير فيهم مثل ما صار فيني وصار في دريمي ووايد بنات .

ونصيحة لوجه الله حق كل بنت تبي اتسوي تجميل ، ما فيها شي تتدفعين غالي 3000 دينار حق دكتور بريطاني او امريكي ولا تستخسرين على صحتج لان الصحة اذا راحت ما تتعوض

والله لا اتشوفون نفسيتي والعيد قرب وانا طايحة بالفراش واتألم ، قلت لازم انقل تجربتي لان وايد بنات قاعدين يسألوني على الخاص واحس اني محاسبة جدام ربي

اسفة طولت عليكم بس وربي نفسيتي تحت الصفر وابي احد يسمعني

ودعواتكم لي بالشفاء العاجل والله يبعد عنكم الشر وحسبي يالله على كل ظالم

وفي النهاية ادري موضوعي راح ينحذف بس ابي ابري ذمتي

حبيبتي ماتشوفين شر
وخطاج السوء ان شاءالله
ودكاترة الكويت معروفيين يالله من فضلك
اسعار خياليه ونتايج مأساويه

ماتشوفين شر حبيبتي وليش موضوعج ينحذف بالعكس تجربتج مهمه ولازم الكل يعرفها لي متى الوحده تسكت على ابوانها ماتبي تقطع رزقه والله لو صادفني هالشي لا اتكلم لان لو كل دكتور ينفضح جان كل واحد اجتههد وخاف على شغله ونفسه وسمعته واشتغل بضمير

الله يشفيج

للرفع
امبيه!! شكثر بنات امدحوه بالانستقرام!! …. شي يخوف … لاتشوفين المدح للي قريته عنه
المهم
بدعيلج من قلبي يا غلا الايام في صلاتي عسى الله يشافيج ويشافي كل بنت انخدعت وانجرت ورا المدح
والله بياخذ حقج من الدكتور ومن كل بنت نافقت وجذبت
قولي امين
منهم لله كلهم
والله حدي مقهورة عليج .. احط نفسي مكانج اموت قهر …
الله يعينج بس

لا اله الا الله لي هالدرجه الناس صارت ما تخاف من الله يخش عنج تقرير مثل هذا !!
الله يشافييج حبيبتي
و ميزان حسناتج نبهتينا
وصاجه الصحه ما تعوض

عآد أنا عندي نفس مشكلتج وكنت ناويه اسويهآ
والله هونت الحمد الله ع النعمه

ماتشوفين شر حبيبتي
الله يشفيك ويخفف عنج
صج ترى انا مجربة التهاب الجيوب الانفيه حيل قويه حتى السجود ماقدر اسجد او اناظر تحت
بس الحمدلله كلها اسبوع مع الادويه وكل شئ زين

الله يشفيج
ويكفينا شرهم

الله يشفيج ويأخذ حقج منهم

لاحول ولاقوة الا بالله

سلامتك حبيبتي ماتشوفين شر

كان عندي موعد اليوم عند د.خالد الصبيح

وقعدت اسولف مع وحده

ونفس الحال عند د. علي صفر

ومسجينه مخرب خشمها حتي الفتحات حيل صغيره شلون تتنفس!

الله يكون بالعون

منو هذا الدكتور اللي مخرب خشمج

الله يرفع عنك الببلا يارب ويقومك بالسلامه

شوفي دام معاكي التقارير ارسليها لدكاتره شاطرين وشوفي وش يقولون اشتري سبري للانف الي فيه نسبه خفيفه كرتزون حلو لزي حالتك وكمان اشتري سبري موية البحر

الشر ما ييج حبيبتي اي والله صدقتي
والله شقولج كنت اقنع نفسي ان تنفسي نوعا ما زين وطافتني سالفة الصداع اللي بدت معاي من بعد العملية

انا اقولج ليش ينحذف لانه اهو يتابع المنتدى واي وحدة تذمه
دايركت ينحذف موضوعها ، بس يرجع من الحج بتشوفين موضوعي راح ينحذف وما اقول الا حسبي يالله ونعم الوكيل

اي والله صدقتي ما ادري ليش امسوين له صيت وشهرة
ودعاية على الفاضي ، وربي يمي وحدة بعيادته تقولي صارلي
سنة عنده اتنفس من فتحة وحدة ويبي يسويلها رتوش

اي ديري بالج اذا عندج انحراف في الحاجز الانفي دوريلج
دكتور شاطر والافضل يكون بريطاني ، ولا اتخلين احد يلعب فيج