|
|
مساء الخير ورضى الرحمن
انا من قبل لا اتزوج كنت ادري انه ريلي بخيل كلمت اهلي بهالموضوع واوهموني انه بعد الزواج بيتغير وان المره بيدها كل شي بعد الزواج انصدمت انه اهو اهو موراضي يتغير تعبت بالكلام الحلو بالسياسه بالكلام الطيب بالتفاهم بكل الطرق بس خلاص لي متى انا جذي زهقت وتعبت حتى وظيفه موراضي انزين بالله منو اللي بيصرف علي؟؟؟؟ .gif "Eh S(2)")
ادري غثيتكم معاي بس الله شاهد علي من حر مافيني مصروف 60 ومو دايم واغراض البيت بالقطاره يا اييب يا خلاص راحت علي اقسم بالله والله شاهد علي شهرين ماحط بالبيت شي لا ماجله ولا اللي احتاجه معتمد اني ساكنه عند اهله واذا ابي شي اروح اخذ منهم بس انا اهلي ماربوني على الطراره كانوا موفرين لي اللي احتاجه وشغله ثانيه كل شي اتناقش فيه معاه يروح يستفسر من اهله سواء طلبت شي والا ادناة الدون اهله كل شي يعرفونه ويتدخلون برضاه ومن وراي يسألهم عني شسوت شماسوت لبش قاعد يصير فيني جذي
تكفون قولولي شسوي والا ادعولي ولكم بالمثل انشالله
اقسم بالله تعـــــــــــــــــــــــــــــــبـت
يتراوالي البخل ماله علاج
وانتي لما يحكيلك روحي اطلبي الغرض من اهلي .. ما تجيبي الشي واقعدي بدون الغرض اسبوع اسبوعين ولما يطلب احكيلو ماعنا
خليه يحس بالمسؤوليه اكتر اتجاه بيته //
البخل ما له حل ..
وتعوذ الرسول الكريم من البخل ..
والبخيل ما يقدر يغير طبعه مستحييييل !!
والله يعينج على الجعص .. حياتج خسارة ..وايامج ضايعه وياه!
بس انا فرق يعطيني 60 او 70 حقات الحكومه كل شهر
واغراض الجمعيه كان معتمد على اهله الحين شالوا
وهم كنت نفسج استحي اطر
وهو يبيني غصب اطر
بس الفرق
انه امه تقول اخذوا مني مو لازم تشترون قصدها عيش وسكر
اما خبز وشغلات ثانيه القى خبزة خبزتين ولهم حقهم مايعطون
ماني عارفه شسوي
ومستحيل بيحب قلبه جان من زمان حن علي الا الفلوس لا اييب طاريها يتكهرب يستخف
انتي صاحبة حق
مصروفج كل شهر حق الحكومه 70
+
ماجلة البيت غصبن عنه
يا يقوم فيج يا يخليج تعيشين
هذي مو حياة
ودخلي اهلج واهله
وياله يارب يوافق حزتها ديري بالج تسمحين له ياخذ راتبج لانج راح يزيد على حالج انج تكرفين طول الشهر بلاش
الله يعينك ونصيحة كوني قوية واخذي حقك منه بالغصب دام الطيب مو نافع معاه
والله البخل ماله حل
ياما حالات طلاق صارت بسبب بخل الزوج
اذا عندج عيال اهو مجبور يصرف عليهم واهو يتحمل مسؤوليتهم
وانتي اصبري وقدمي تنازلات عشان تستمر الحياة بدون مشاكل