|
|
انا مثل ما بعضكم تعرفني متزوجه من سنتين ونص حملت بداية زواجي واجهضت على
الشهر الرابع وتعبت بعدها حيل وجات من الله رحمة لي تأخر حملي الثاني بدون سبب.
من له الحق يحاسبني ومن يعطي نفسه الحق كل يوم والثاني يسأل زوجي هل أنت ندمان
على زواجك من فلانه وهل ناوي تتزوج عليها او تتركها ؟
ها ماحملت فلانه للحين ؟ ماجاك مولود ؟
ليش كل هذا والله العظيم ان وصلت فينا انا وزوجي انا نتمنى الحمل بس عشان نسكت الناس
ونكف شرهم عن بيتنا وحياتنا لانا متمسكين ببعض وخصوصا انا تزوجنا عن حب 4 سنوات
صرت احس بالحزن عشان زوجي والناس اللي تضايقه واللي تقول له انت ماتعرف ، مع ان
زوجي عنده انا وبيتي خطوط حمراء مو مسموح حق اي احد مهما كان يتعداها …
انا عن نفسي فوضت امري لله واستودعت بيتي وحياتي عنده وهو اللذي لاتضيع ودائعه
وكلي ثقة بان الله بيرزقني قريب واني بفرح بشوفة ضناي قريب بإذن الله
(إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ) لكن زوجي صارت كل ماتنزل الدوره
يتعب نفسيا مع اني اسمعه يقول الحمدلله لكن اشوف الحزن في عيونه وخوفه من السؤال
امس يحكي لي يقول تصدقين انا قطعت علاقتي ببعض الاشخاص وابتعدت عنهم عشان مايسالوني
طيب سؤال لكل شخص يسال انت وش مستفيد ؟ ترتاح لو زعل الرجال مع زوجته
لو لاسمح الله انفصلوا ؟ لو تزوج عليها انت بتكون مرتاح …
يارب اكفنيهم بما شئت …
وكلي ثقة بان الله بيرزقني قريب واني بفرح بشوفة ضناي قريب بإذن الله
(إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ)
يا بعد عمري والله حاسه فيج وتبين الصج بجاني موضوعج بس اللي ذكرتيه وقلتيه طمني عليج
ماعليج من احد واهم شي ايمانج بالله وزوجج مبين عليه ريال طيب من كلامج
الله يخليكم حق بعض ولا يغير عليكم
وحسبي الله ونعم الوكيل على هالناس اللي مو تاركين احد بحاله
لا تعبين ولا تتضايقين يا مسك ابيض وفعلا انتي مسك ابيض والله بيرزقج ان شاءالله وخلي املج عند الله كبير
ارد واقول ماعليج من احد يااقلبي كفاية الواحد عليه اهمووومه وبعد هالناس يزيدونه طنشي والله يسر لكم امييييييييييين
سبحان الله لو ثابت الياهل وطلع معاق او فيه عاهه بتكرهين نفسج . وبتتنقلين معاه من مستشفى للثاني . وتدعين الله انه يريحج .
بس سبحان الله مرات الله يبعد عنا شغله لانه يدري ان الضرر منها كبير .
ادري بإحساسج لاني نفسج سقطت مرتين وكنت بالشهر الثاني ويطيح البيبي بروحه من غير سبب !
وتعبت من أسئله العالم والناس . بس شنقول غير صبرا جميل وبالله المستعان ..
خليج مع الدعاء ( ربي لا تذرني فردا وانت خير الوارثين )
وعسى الله يرزقج يااااارب
شوفي ترى الناس مالهم غير الظاهر .. ادري الموضوع يعور حيل بس هذا كله بيد ربج ..
لكن نبقى بشر ونتأثر بأي شي
لكن الناس تبي اي شي تسولف فيه ترى اذا مالقوا شي يعلجون فيه يقومون يعلجون بنفوسهم ..
قلبي .. عندي بنت عمي ماحملت فترة رغم انها تعالج وكانت تحمل اول بس فترة من الله مماحملت
راحت وقامت تقرا البقره كااامله اربعين ليله وسبحان ربي من عليها بالحمل
اطلب ربج بحسن نيه .. انج انتي تبين العيال ومتشفقة عليهم مو عشان ترضين الناس
وقعدي مع زوجج اخذيه بحظنج قوليله ترى اذا انت بتتضايق عشان هالناس تراهم مادروا عنك كاهم عايشين حياتهم ..
ابتسمي ولا تشيلين هم يالغالية
هالاشكال وايد بالمجتمع .. يعنى مايرتاحون لين يقطون كلام عليج
مع انه لو حملت بيبين على .. شحقه الاسئله الماصخه اللى مامن وراها اللى عوار القلب
اسأل الله انه يرزقنا ويرزقج وجميع بنات المسلمين ( ما ابى اقول محرومات ) لان ربى مايحرم احد ) بالذريه الصالحه المعافاه عاجلا غير اجل
وربي الناس ماوراهم شغل الا تنبش الحجي
مايخلون الوحده بحالها اذا ذبحوني بالاسئله ماحملتي يننوني وانا مثلج كنت حامل وقاطه عوار بس مو لازم اقول والله يسالون امي وخالتي وخالاتي خوات امي وعماتي حتى الي بالصالون كل مارحت له سالت شكو….. والله لاتحطين في بالج اهم شي انج مرتاحه مع ريلج واليهال ربي بيرزقج فيهم ان شاءالله عليج بالدعاء والاستغفار وان شاء الله نسمع عنج كل خير
الله يرزقك الذريه الصالحه قولي امين
و انشالله عن قريب تفرحينه
عليج بالاستغفاااااااار والله *** .. لكل شي ,, اسأألي مجربه ..
وماعليكم من كلام الناس
من تبع كلام الناس ضااااع
انا مثلج كنت احمل واجهض والحين سنة ماحملت
وصارلي 4 سنوات متزوجة
الله يرزقج يارب وفك عوقج آمين