حسبي اللة على حمويني حسبي اللة ونعم الوكيل

واللة يا بنات احس الي صار اليوم خلاني ابكي واحس الدنيا مافيها خير اسمعو السالفة خالتي ام زوجي عايشة في بيت اجار وكل مايجي وقت الاجار تصير سالفة لان محد يدفع الابطلعة الروح حمويني اربعة وزوجي الخامس زوجي اول واحد يدفع واذا مادفعو يكمل اهو الاجار وكل مايجي وقتالاجار زوجي يفتشل من حركات اخوانة تخيلو ي اثنين عايشين معاها واحد متزوج وطالعة وبييت مللك حسبي اللة عليها اللة لايهنية في بيتة لاحد تقول مايجوز الله مايرضى باالظلم تخيلو خالتي تكلمة تقولة ياوليدي ابي منك تجيب فلوس عشان راعي البيت يبي الفلوس تخيلو شيقول واللة ماعدي فلوس حتى اجيب خضرة لبيتي لاتكلميني ماعندي والثاني الي ساكن عندة بي يصك الاربعين عمرة 38تخيلوسيقولة ماعندي فلوس حتى اجيب سجائير يعلة تولع فيك انشاالله والصغير يقولة ماعندي يااللة ادفع اقساط السيارة والي قاهرني ان الصغير والكبير عايشين عندة ومايبون يدفعون الاجار بقى واحد من حمويني هذا متهاوش مع امة من زواجي من 4سنين تخيلو اليش عشان راحت تصلي صلاة العيد واللة اهل زوجي ماشفت مثلهم حمدالله رب العالمين شفت منهم عجب العجاب المهم بقا زوجي هو الي دفع جزء من الاجار والباقب معين والريال يبي فلوسة تخيلو الكبير حماي يقول لخالتي اتصلي بفلا ن الي هوزوجي وابجي وبينكسر خاطرة وبيدفع كاما يجي وقت الاجار يقولة جذي وهل المرة زوجي معاند وقال للخالتي يمة ان عايش بع باجار لا واجارنا وراء بيت خالتي حتى ماحب هل الوقت الناس تصيف وتستانس واحن نجمع فلوس الاجار المهم حماي الكبير يقول للخالتي طبعا كل مايجي وقت الادجار يقولة نفس الشي اقعدي ابجي عند فلان وقولي ببيع ذهبي مايدري خالتي كلشي تقول حق ريلي حت من تزوجت تقولي ريلي عندها غيييييييييير اقول بيني وبين نفسياكيد غير محد مدلل خالتي غير المهم قال زوجي قوليلة خلاص بيييع ذهبي عشان نكمل الفلوس تخيلو اسمع اليو م زوجي يصارخ وهو يكلم امة اقولة شفيك يقولي وداها وباعت الذهب والله انصددددددددددددددددددددددددددددمت وحسيت ان لو هذاولدي كان تبريت منه اقسسسسسسسسم بالله العظيم ان الي كتبت صار ومابالغت باالعكس والله لو اقولكم بيصكم راسكم قبل كم يوم جت فاتورة الكهرباء خالتي تكلم زوجي تقولة ادفع الفاتورة وعندة ريايل في البيت اثنين في البيت وتكلم زوجي لا لو اقولكم تخيلو الاسبوع الي طاف اختربت مكيف حماي الكبير وهو صغير بنضري حيل علا فكر بنضر الناس المهم خالتي كلمت زوجي عشان يصلحة عشان خايفة يجاس دارة لان يدخنوماتبي المهم ارسل زوجي عامل وصلحة الي صار الحييييييييييين ارتفع ضغطي وتهاوشت مع ريلي اقولة هذيك اليوم مر قدامك باالصالة وماسلم اي واللة يابنات ماقال السلام مايكلم ريلي تدرون ليش عششششششان يوم ملجتنا كلمة ريلي وماجاء ريلي اخذ على خاطرة وبعدة عادي كلما ريلي يكلمة مايعطية ويه يعدين وصلت حتى السلام مايسلم المهم الحين ان متهاوش معريلي اقولة ليش تدفع انت اوحيد ةوالباقي مايدفعون وهم الي ساكنين في البيت لا وبعد تصلح المكيف اة ليششششششش وفوق هذا كلة مافي لا تقدير ولا احترام والله يابنات احس ودي اصرخ حتى النفس مني قادرة اخذ ة اقول احنا نحاول نقتصد ونوفر وبعدين يروحون حق ناس مايستاهاون وهل السنة اقولة ودي اسافر يقولي مااقدر مضغوط بنات والله ماهمني السفر بس ليش ريلي اهو الي يدفع والباقي لا والي قاهرني اليوم خالتي تقولي حماي يسال ليش تاخرو وين الفلوس وريلي يصرخ يقولة ليش مليبي يدفع تقول يقول ماعندي ريلي يصرخ قولة بس عندة يروح المغرب تخيللللللللللو واللة ارتفع ظغطي حق الخرابيط عندة بس حق سكن لة ةلامة ماعندة بنات شوروا علي صار لي يومين متهاوشة مع ريلي ومالي خلقة ولمن اناقش يقولي عشان امي خايف على امي يجية ضغط ولاشي واللة انا الي رفعو ضغطي تخيلو توني والدة ولا واحد طل بوية الياهل والله صدق الي سماهم يهود حسبي اللة عليهم ساعدوني شوروا علي احس اني مخنوقة سامحوني طولت لو انتو مكاني شسوون على فكرة قلت لريلي جيب خالتي تعيش عندنا وريلي الي اقترح وشجعت بس خالتي مارضت لو انتو مكاني شلون راح تتصرفون

افففف الله يعييينكم الصراحه صج عديمين حساس …. انا اقول حاولوا كثر ماتقدرون تييبون خالتج عندكم هذا الحل الوحييييد وخل ايقولها يمه والله تعالي عندي ولج غرفه لج خااصه وهدوووء ونخدمج ونحطج فووق راسنا يالغاليه ولاا منة افلان ولا علان ولا تحطين شي بالبيت لا اجار ولا شي وعيشي مدلله يالغاليه وخلينا بعااد عن هسوالف سوالف اجاار وفاتوره وغيره وغيره …والله ماني عيزان عنج ولووو تبيني ادفع ماوراي ودوني حااظر علشانج كل شي يرخص افا عليج بس انا ايحز بخااطري من تصرف خواني بهسالفه … وانا ماحب اضايقج بس انتي قاعده تتضايقين وقاعده تصير سوالف وانقهر من داخلي بسبتهم .. ولي ايعافيج يمه تعالي عندنا فتره بس خل ايحسوون بالمسؤووليه وبعدها اذا ماشفتي راحتج عندي ردي ومكانج موجود بس انا ابي اعلمهم درس ويحسوون بالمسؤوليه …وانشالله بتقتنع

ريلج حنون خليه ياخذ امه عنده وذا ارفضة لا يدفع لهم شي
وانتي دايمن اضغطي عليها وقولي لها حرام الي فيج طيب تسوين فيه جذيه
وعلميها في سوالفه الي يقولها لج عن قهره وان نفسيته تعبانه وهي بتحن وبتجي عندكم
ولا لا يدفع ريلج من الاخر واذا قطو عفشهم في الشارع خوذي امه عندكم

لاحول ولا قوه الا بالله
على شنو اسمهم رياييل
وماشاء الله عليج فكرتج حلوه ان خالتج اتيي عندكم ماكو غير هالحل اكلها وشربها مقدور عليه
والرياييل كبار كل واحد مسؤل عن نفسه خل يتحملون مصاريفهم ريلج مو مجبور يدفع شغلهم وتصليحاتهم واهم يشتغلون
حاولي في خالتج تسكن عندكم وقنعوها ماعتقد في حل ثاني
واللله يعينج

اختي الله يعينج على مصيبتج وصدقيني الناس ماهم سوا لازم نصادف حالات قشره ترفع الضغط بس حاولي ياوخيتي تحطين نفسج في مكان زوجج حرام تتجمع عليه هالامور فوق راسه لا بيوم بينفجر يحط حرته فيج او يحوشه بلى تفقدينه حاولي تخففين عنه حرام ومن كلامج عنه هذا اجودي حافظي عليه لاتفقدينه وهو صغير واذا امه مارضت تروح معاكم عاد شبيدج تسوين اطلعوا وتوسعوا واذا هي حست بقيمتكم يمكن تهج عندكم بس قولي انشالله محد يلحقها

انا اقول دام انتو عايشين بأجار وخالتج بأجار وريلج اهو اللي يدفع لها

اخذولكم شقة كبيرة او دور يكفيكم واخذي خالتج عندج ضفيها دام ريلج بار بامه وحنون لج الاجر ان شالله

وخلي حموانج يطقون راسهم بالطوفة هذا احسن حل حزتها راح يحسون بالمسؤولية

اوكي توني اقرا كلامج عدل

دام ان ريلج اقترح على امه ومارضت خل يروحلها يكلمها بوقت تكون بروحها وحموانج طالعين ويقولها ظروفه ويمكن اهي ما تبي تضيق عليكم وشايفة ان مكانكم صغير وعندكم عيال قولولها بنغير وناخذ مكان اكبر يكفينا

ويفهمها ان اهو ملزوم يدفع حق امه بس مو ملزوم يدفع حق ريياييل دام انهم بصحتهم ويشتغلون ومو يكلمه مرة وحدة ويسكت لا يكلمه مرة وثنتين وثلاث وعشر لين تقتنع

لام صعبة عليها تطلع من بيتها ومكانها وتروح تعيش ضيفة عند احد حتى لو ولدها ومرت ولدها زينين ومبين عليها خالتج مغلوب على امرها
لانها رضت تبيع ذهبها عشان الاجار

الله يعينج

لا والله مهم ريايل حماي الكبير خالتي بتروح تخطب لة وقالت ابيك تروحين معاي استانست هل الكلام اول ماتزوجت ريلي قال لا ماتروحين استغربت قلت لية ريلي مايبي يتكلم عن اخوانة لا تروحين وخلاص المهم امن قالتلي خالتي تعذرت ولمن تناقشت مع ريلي قتلة واصريت قلي عشان محد لراح يعطية وربي صح محد عطاة

هذا فكرة ريلي ناخذ دور بس مارضت

كلامك بشرح الصدر مشششكورة المشكلة خالتي ماهي هينة

مشكورررررررررررين والله انكم هونتو علي

اختي
خلي زوجج يحاول مع امه عساس تسكن معاكم ويقنعها
هذا هو الحل الوحيييييييييييييييييييييييييييييييييييييييييييييي يييييييد

الله يعينج ويباركلج بزوووجج ياا ااااااااااااااارب

صج صجح رجال ماشاء الله ولا تتخلين عنه ابدا بهالوقت

وحسبي الله ونعم الوكيل

وصج اقنعي خالتج انتي و زوجج وكلميها بنفسج وقولليها انا ودي تكونيين عندنا

الله عيييييييييييييييييييييييييييييييييييينج ياررب

حسبي الله عليهم موقادرين تقاططون ويحلون ها الزمه كله على رجلج الله يعينج

اى حلال عمك لا يهمك مالج الا تقنعين خالتج تجي عندكم على الاقل تكسبين فيها الاجر مو مستغلين رجلج على بنه طيب

ومايخلينا احنا اخوانه لا حبيبتي انتو هم عندكم مسؤاليه خلي خالتج تجي عندكم وافتكوو من سالفت ها الاجار