|
|
السلام عليكم ورحمه الله وبركاته
الله يعطيكم العافيه
حبايبي الى عندها خبره اتساعدني !!
ولدى اسمله عليه يعاني من حساسيه بصدره ( بلغم فى الصدر )
وطبعا هالشي اخليه دائما يكح ورجع ، طبعا انا استخدمله علاجات كثيره مفيده وقت ما استخدمها ، بس اوقفها ترجع الحاله ، اقصد الادويه والكمام ،
واستخدم عسل معجزه الشفا دايما والبابونج يشربه ،
بس ايضا ما تغنيه عن الادويه ،،، بالمختصر المفيد ولدى ياخذ الدوا بشكل يومي دون توقف ، وأنا خايفه من تاثير الدوا !
منو مر عليها مثل حالتى واستخدمه شي طبيعي غير الادويه وياب نتيجه؟
واللــــه يشافيهم ويعافيهـــــــم…….
واول مايبدى الطفل بالتحسن على طول تستخدم الوقائى اللى اهو الزيرتك وفى انواع ثانية
طبعا الوقاية خير من العلاج المفروض على الام انها تحمى ولدها من الجو البارد وماتغسل ويهة بدون ماتنشفة عدل واذا كان الطفل يسعبل لازم تحطلة الصدرية عشان مايحوش صدرة الهوا
وتبعدة عن البخور والعطور
انا حاولت اجرب كل شى طبيعى من كراوية وعسل وبابونج الخ00000 ولاشفت نتيجة ترضى
اللة يشفى اعيالنا ويحفظهم
شوفي حبيبتي … انه انصحك تلاحظين اكله … لانه بعض انواع الاكل تسبب الحساسيه و تهيج حساسية الصدر مثل الفراوله الكاكاو المشمش
وتبعدين الطفل عن العطور و البخور لانها تهيج الكحة و نصيحتي روحي للدكتورة سعاد البصيري ترى ماكو عليها بعلاج الحساسية
حتى تعطيج قائمة بالممنوعات خلال فترة العلاج من اكل و غيره .. انه جربت سناء معروف بس كانت من تشوف ان الطفل يكح و بلغم على طوووووووووووووووووووووول تعطيه ابر لمدة ثلاث ايام كل يوم ابرتين و كمام و الصراحة انه ما عجبني هالشي 
… شنو كل يوم و الثاني اقزز ولدي بهالابر لا ما تحملت ,,, رحت حق سعاد البصيري و الحمدلله وااايد ارتحت معاها صج انه كله زحمه بس اخذيلج رقم و ردي البيت و كل شوي دقي عليهم و شوفي رقمج متى يوصل ,,, وانشاء الله ماعليه شر
عندج الحلبة مفيده جدا جدا
تسوينها مثل الشاي ويشربه ما عليج من الريحه اهم شي صحته
واذا ما حبها ممكن تخلطينها مع عصير او اي شي
تراه وحده بوحده ماشالله …. مجرب
انا راجعت فيها بولدى وغيرت حليبتة وضعف الولد حيييييييل وتعب ازيادة وادويتة ماغيرتها كل شهر نفس الموال ومرات لى رحت المستشفى الحكومة قالولى على اساس تغيرة لة الحليب والادوية ماسارت تنفعة
كل شهر نفس الادوية والولد كل مالة يتعب ولاقالتلى يحتاج تنويم ولاشى
وديتة مستشفى الراشد وقالى دكتور اختى لاتتعبين نفسج الادوية ماراح تجيب نتيجة هذا يحتاج ابر كورتيزون ومضادات قوية لحقى علية وودية المستشفى لازم يتنوم وفعلا ركض على الحكومة قالولى اشلون كنتى ساكتة عن حالتة وقعد بالمستشفى وبعدها باسبوع الحمداللة تحسن ولدى وتبت اروح لها
واهيا فلسطينيه واحسها ادرى ابهالسوالف !!
انا راجعت عند سعاد البصيرى وصاجه الاخت ما اتغير ادويتها فماقامت اتييب نتيجه !!!
وراجعت عند سناء معروف دايما تستخدم جهاز شفط البلغم واحس انه اعذب الياهل ومالى قلب اشوف ولدى جذى بصراحه !
وراجعت عند محمد سعيد وريم قنواتى وعفاف الرومي وقطب بالحكومه والمواسات وعند الدكتور ياسر الكل يعطينى ادويه اتييب مفعول فى وقتها بس بمجرد ما اهدها ترجع الحاله
طبعا كل شى بيد الله والحمد لله على كل حال اللهم لا اعتراض !
والله يشافى اعيالنا يا رب
نفس المشكله عندى مع ولدى من يوم عمره سنه ليما الحين 13 سنه
خالد بوحيمد ممتاز علاجه بس مو متخصص بالربو 000 محمد سعيد نهبنى بالفلوس كان زين يوم كان بالواساة بس الحين زفت000
استقريت على الدكتور ناصر بهبهانى ولله الحمد
بس هالايام موسم حساسيه فاكيد بيتعبون اعيالنا
ومشكووووووورين وما تشوفون شر
بس بنات دربالكم من الحلبه ماتصلح للكل انا تنك ولدي ووديته المستشفى طلعت ماتناسبه وانا حيل اعطيه منها..
ومثل ماقالو البنات كل الدكاتره الي كتبو اساميهم مريت عليهم.. وكل شي بيد الله