حساسية الجسم ذبحتني تكفووون الفزعه

السلام عليكم
شلونكم خواتي
عندي مشكله لها تقريبا شهر باديه فيني وهي حساسيه بالجسم والمشكله اني مو عارفه السبب هل هو الاكل والا شنو
تصير نفس البقع ومنفخه شوي ولونها احمر وحااره اذا لمستها وتحكني حييييييييييل حتي جلدة راسي تحكني تخيلو انا للحين ما رحت الا للمستوصف وعطاني ابرة كورتزون لان يومها حتي شفايفي انتفخو

تكفون اللي عندها حل او علاج او مر عليها هالشي تقولي لاني اول مره بحياتي يصيرمعاي جذي

الله يديم عليكم الصحه والعافيه

واااااااااااي حتى انا ذابحتني هالحساسيه ومافي شي ينفع
ااااااااااااااب لعيونج

الله يشافينا وياج ياغاليه مشكوره فديتج

؟؟

ناطره الفززززززززززعه

ياقلبي ابتعدي عن العطورات و البسي قطن خصوصا البجامات وحاولي تتجنبين الاكل اللي تحسين يسبب لج حساسية وراجعي الطبيب والله يشفيج ويشفيني ياااااااااااااارب

الحساسيه معروفه لازم الادويه فيها كورتزون الله يعينج
بس مثل ما قالت العضوه اللي قبلي بس الاكل يزيد الحساسيه مثل الفراوله
وعسى الله يشافيج

حبيبتي هذي اسمها ارتيكاريا مو حساسيه
وابر الكورتيزون تخففها بس ماتخليها تروح
واي شي فيه بذور انحاشي عنه مثل الفراوله اوالبيديان ان شاء الله فدتج!

اي بالضبط هذي اسمها ارتكاريا او hives
و الحل ادويه ضد الهستامين
و ترا الارتكاريا سببها اكل معين
مو العطور و الميك اب و الملابس هذي مالها شغل بالارتكاريا..
انا فيني,و الحل انج تعرفين شنو الاكل اللي يسبب لج الحساسيه و تتجنبينه

في دوا واااايد زين و حتى موجود بالصيدليه بدون وصفه اسمه
aerius
نفس مفعول الزيرتك بس ما يسبب نعاس

هلا وغلاا خواتي
مشكورين وما قصرتو
فعلا اهي اسمها ارتيكاريا لاني سويت بحث عليها ولقيت صور حق اشخاص مصابين فيهم نفس الطفح اللي يطلع فيني
بس المشكله مو عارفه شنو يسبب ساعات اقوم من النوم مو ماكله شي وجسمي قااااب !!!

الغاليه بحر الرمال الدوا اللي ذكرتيه هو اللي قاعده استخدمه الحين بس احس يكسر جسمي ويخليني تعبانه حيل وما لي خلق اتحرك في نوع جربته احسن منه حق الحساسيه بالصدفه جربته مفعوله اسرع من الحبوب والله نسيت اسمه راح اجيب لكم اسمه مره ثانيه واكتبه هنبه ,,

الله لا يهينكم ويشفي كل المسلمين

حياتي

نفس المشكله اعاني منها بس من مده طويله رحت لدكاتره جلدية بس احس ما عرفو يصنفونها لاني إلي يصير معاي مو من الاكل او العطورات كلش ..

وعلى فكره حساسية الجلدية انواع كثيره واغلبها ما لها علاج نهائي يالله المستعان

هو يطلع من نفسه ويروح من نفسه بعد و انا تقريبا من خمس سنين او اكثر والله ناسية كنت اعالجه بكريمات بوصفة من الدكتور

وتالي ما طلعلي مده طويله لدرجة اني نسيته وبدايت هـالسنه طلعلي مره ثانية ومارحت لدكاتره تجاهلته و ما المسه ولا افكر فية وراح بس حسبتها ظل ملازمني حوالي 10 ايام

بس ديري بالج اذا طلع بايدج لاتنقعينها بالماي البارد هذي غلطتي لما اول مره جاني انتفخت ايدي وصار تحت الجلد ماي لاني كنت منقعتها وهذا غلط حبيبتي اكتشفته بعدين

الله يشافينا ويشفيج يارب

واحتسبي الاجر من الله ان شاء الله

نسيت اقولج تجنبي قد ما تقدرين عن الكرتزون لانه مضاره اكثر من منافعه

الله يشااافيج يااارب
وللرفع لعيووونج

ياليت تكتبين اسم الدوا الثاني عشان اجربه
و دوا الايروس زين بس فيه شي واحد كريه انه يسبب جفاف بالحلق اذا انوخذ على فتره طويله

اسمه لورادي loraday عطونياه مستشفي الصباح وهو مفعلوه نفس الزرتك حتي حق الاطفال يعطونه وفي منه اظن على حبةب بس الشراب عندي اسرع ,,