|
|
^
^
^
قوة بناات .. اليوم بكتبلكم مشكلتي اللي حيل متعبتني و اتمنى تساعدوني
بس حبيت انبه ان هذا مو نكي ، Sarooii رفيجتي الله يخليها لي سمحت لي اكتب موضوعي فيه
انا متزوجة صارلي سنه و نص تقريبا و الله ما رزقني بعيال للحين .. و الحمدلله انا مو مستعيله بهالشي عادي عندي انطر ، بس عندي مشكله .. ريلي من اول ما خذيته و اهوا ما يرفضلي طلب و الصراحه يحبني حييل و مو مقصر عليي بشي! يمكن تكون هذي مشكلته؟؟ تخيلوا بناات احس شي مو طبيعي امبيييه ! انا البنت اللي مفروض اكون حساسه و احبه و اهتم ما صرت جذي .. تخيلوا اني لو زعلت منه و قعد يراضيني و ما سامحته بسرعه يبجي!! علي ابسط المشاكل يبجي .. انقهر والله ، يبجي اكثر مني و واااايد حساس .. حتى لمن يعصب عليي و يشوفني ازعل يبجي!! يعني حتى ساعات اقوله سوالف غشمره ابي يغار شوي يتنرفز و يبجي .. والله يبط جبدي قمت اراجع كلامي الف مليون مره قبل لا اقوله .. و ما اخذ راحتي افففف!
انا كنت اعرفه قبل ما نتزوج و كان عنده ربع حيل وياهم .. من اول ما تزوجنا نسااااهم خلاص! صار كل وقته يبيه وياي؟ يعني انا ابي فجه شوي بزور اهلي بطلع مع رفيجاتي .. ابي اشبك ادش ايميلي بسوي شي بروحي موو قادره
بنات انا ادري نصكم بيقولونلي حمدي ربج ريلج يحبج و يهتملج و انا ادري و الصراحه احمد ربي ،، بس والله وااايد متعبني بهالشي .. يعني حلو ان يكون يحبني بس بحدود المعقول!!
غير جذي ما يبيني اسولف و لا اهوا يبي يسولف بس يبي كلام حب و كلام اخر الليل!! و الصراحة شي ينرفز .. يعني ساعات ابي اشكيله ما يخليني ابي اقوله شغله تحوس بقلبي ماا يبي بس يبي احبج و احبك و من هالسوالف
و لا تقولونلي كل هذا بس عشان توكم متزوجين و ما تعودتوا على بعض لان احنا نعرف بعض من زماان وايد
و اول ما تعرفت عليه كانت علاقتنا صداقة و ظلينا اصدقاء لمده سنه كامله و الصراحه انعجبت بشخصيته حيل حيل حيل و يااا ريت يرد يسولف و يصير نفس قبل لمن كنا بس فرندز ، لانه الحيين صار غييييير
شوروا عليي بنات تهقون شنو لازم اسوي؟؟ و الله يجزاها الف خير اللي ترد علي
و حبيت ارد اكرر و انبه ان هذي مو نكي و اسفه عالاطاله
ان زوجي يطلع نفسه بالرومانسيه والجنون فيني *
ههههههههههه ماشالله تبارك الرحمن اللهم لاحسد ربي يتمم عليكم
ومع الوقت صدقييييني بيمل وبيتغير ماكو شي دايم*
انتي عطيه كل شيييي يبيه لا تنفسين ولاترفعين نفسج عنه عشان مايتعلق اكثر عرفتي*
خليه يمل كل شي يبيه ياخذه وبس*
وفهميه قوليله ابي وقت لي ابي اقعد مع نفسي*
قوليله تحبني ماتبي راحتي ؟
عطني فجه*
بس انتم تحتاجون جلسة صراحه مع رياييلكم صارحوهم شالمشكله وحطوا النقاط على الحروف ,, بس خوفج لاقلتي له يبجي بعد هههههههه
الله يهديه ويخليكم لبعض
الله يوفقكم
|
المشاركة الأصلية كتبت بواسطة bnt elm6airy
 قولي امين عفيه*
ان زوجي يطلع نفسه بالرومانسيه والجنون فيني * ههههههههههه ماشالله تبارك الرحمن اللهم لاحسد ربي يتمم عليكم ومع الوقت صدقييييني بيمل وبيتغير ماكو شي دايم* انتي عطيه كل شيييي يبيه لا تنفسين ولاترفعين نفسج عنه عشان مايتعلق اكثر عرفتي* خليه يمل كل شي يبيه ياخذه وبس* وفهميه قوليله ابي وقت لي ابي اقعد مع نفسي* قوليله تحبني ماتبي راحتي ؟ عطني فجه* |
حبيبتي انشالله ريلج يطلع رومانسي و يحبج و يموت فيج .. بس بحدود!
اي مو هذا اللي قاعده احاول اقنع روحي .. انه بيمل و يتغير بس ماني شايفة شي
والله ماادري شالحل 
مشكووره حبيبتي جزاج الله الف خير على ردج
يبا مرده يمل بس لاتستعجلين
|
المشاركة الأصلية كتبت بواسطة al_kadee
والله مادري شقولج انتي نفس اختي تقريبا بس اختي مايبي منها كلام حب ولا يزعل بسرعه بس 24 ساعه مجابلها لدرجة انها ماتقدر تسوي شي بروحها ولاتقدر تسولف معانا بالتلفون كل ماندق عليها إلا هو عندها ولا بديوانية بيتهم حتى مرات تقول له ودي اطلع مع اهلي ولا بنات عمي يقول لها انا ريال قاعد بالبيت وانتي تبين تدوجين مع رفيجاتج ,,يعني معروف البنت لها نشاطات تبي تسويها بروحها أو تبي تسولف بالتلفون مع اهلها تقووووول اووووف حتى لا قعدت احط مكياج واقف على راسي ويعلق ويعيب خخخخخ حسيتج مثل معاناتها
بس انتم تحتاجون جلسة صراحه مع رياييلكم صارحوهم شالمشكله وحطوا النقاط على الحروف ,, بس خوفج لاقلتي له يبجي بعد هههههههه الله يهديه ويخليكم لبعض |
وااااي جملتج الاخيره بتخليني انا ابجي كنت مفكره صج اكلمه بس امبيي اذا هذي ردة فعله خلااص يبه بطلنا
و اختج صج الله يعيننا انا وياها ،، و يخليلها زوجها و يوفقنا اجمعين
كرز حالي. : مشكووره حبيبتي اجمعين انشالله
ماشالله للمره الاف
ما عندي غير هالكلام
و لفت انتباهي اللي تحسين فيه
هذا بالضبط اللي يحسه المعرس الجديد تجاه زوجته اللي تحبه في بداية زواجهم
ينقلب ضدة …
قوليله انج معزوومة واذا رحتي طولي مو تردين بسرعه عشانه .. اشوي اشوي تلقينه يفج … كشتي فيه حتى لو يبجي لا تعطينه ويه هديه وروحي بالغرفه … عشان لا يتمادى ..
والله يوفقج حبيبتي …
مشكووريين واايد وايد كلكم ، صدقوني والله انا احمد ربي اللي رزقني ريل مثله و الصراحه انا تقريباً مرتاحه وياه بكل شي غير هالشغلتين اللي ذكرتهم .. و انشالله بحاول اسوي جم شي من اللي قلتوهم و ياا رب يفيد وياه
جزاكم الله مليووون خير بنات .. صج ريحتوني و ذكرتوني بالنعمه
بس تحسون طبييعي يصير جذي؟؟
بنات بلييز ابي رايكم
هو مايجي إلا وقت الإجازات ولما يجي يحكرني وقتها لاشوف أهل ولاصديقاتي
ولا أطلع من البيت
مقابلني حتى فالمطبخ والله ضيق علي لكن شسوي مضطرة أتحمله
هاااااا بس لازعل زعلا ولا الدنيا كلها تراضيه