حزب النصايح بقسم الزوجيه حياكم

احب افيد غيري بشي يمكن اتكون غافله عنه
واشيل الهم من قلب وحده من خواتي
واساعدها واخذ بخاطرها

سبحان الله هذي فطرة في الإنسان اللي هي الإنسانية

لو يرجع الانسان لطبيعته الاصليه بتلاقينه يحب يساعد و بنقذ اللي يقدر بنقذه من غير مقابل

ودينا عمن وايد يحفزنا ان احنا نقوم بعمل الخير و بالتالي تاخذ الاجر

انا من ناحيتي احب انصح اذا صج عندي خبره بالموضوع او على الاقل اقول وجهة نظري ومابي غير الاجر من ورا النصايح هذي

الصراحة احس اني فعالة
وان مني فايدة خاصة اني استفيد قبل ما فيد الي حاطة الموضوع

انا اموت بهالقسم حب لاخيك ماتحب لنفسك احب اساعد العضوات بحل مشكلتها او اساعدها بشئ انا قادره عليه واعرفه وساعات تمر مشاكل للعضوات تكون مرت على وعرفت اتصرف فيها تقدرين من هالقسم تاخذين خبره لوووووووووووول لحياتج المستقبليه شلون تتعاملين مع الزوج واهله والله لايغير عليهم يارب

انا احب اقول نصيحتي بناءا على تجربتي او تجارب غيري من اللي اعرفهم بحياتي

ومو كل المواضيع لها حل عندي

يعني مرات من كثر ما المشكله صعبه وتعور قلبي ما اكتب رد
لان جد ماعندي لها حل ولا اقدر احط مكاني بمكان صاحبة المشكله

انا من زمان احب انصح و رفيجاتي واللي قريبين مني
يقولون لي مشاكلهم واحاول اني احلهم

حب لأخيك ما تحب لنفسك
كافي اذا قدرت احل مشكلتها راح تكون سعيدة

ومانبي غير الدعوات الطيبة

انا احب انصح في حدود تجربتي الزواجية ان كنت اقدر طبعا
وهالشي يعتبر تفريج كربة لاي اخت محتاجة النصيحة

وربي يسعد الكل ويهنيهم

جزاج الله خير حبيبتى ع المرور

شاكره لكم حبيباتى المرور

وربي يجازيكم خير ع التقديم النصيحه .. واحبكم في الله

وليش أبخل على الناس بكلمة قد تحل مشكلتهم وتفرج همهم ألم يحثنا رسولنا الكريم صلى الله عليه وآله وقال من فرج عن مسلم كربه من كرب الدنيا فرج الله عنه كربه من كرب يوم القيامه

وهل من حقي أصلا أن أمنع الخير عن الناس ؟ أو من حقي أن أحتكر نعمه من نعم الله علي لنفسي وهي نعمة العقل ولا أشاطرها أحد؟؟

والامام علي عليه السلام يقول

عجبت لمن يرجو فضل من فوقه كيف يحرم من دونه

اذا كنت نفسي أنا أطلب الهداية والارشاد من الله فكيف نحرمها الناس؟؟

وأخر شي أختم كلامي بكلام رسول الله صلى الله عليه وآله

أنما الدين نصيحه

الكلمه الحلوه تجبر الخاطر
وطبعي اني احب اساعد الناس على قد ما اقدر
لأن من فرج على مسلم كربه فرج الله عنه كربة من كرب يوم القيامة
والنصيحه والكلمة الطيبة حلوه فليش ما نساعد الناس
دام بإيدنا نساعدهم

عسي الله يدوم عليكم هلروح الطيبه ..

يعطيكم الف عافيه حبيبات قلبي .. شاكره لكم مروركم

هذا الي وجبا علينا دينا احنا مسلمين وعرب واهذي طبايعنا روحي الغرب لو يشوفون جثه مرميه على الارض تقعد ايام ماحد يقرب يمها ولا يبلغون عليها السلطات لانه ماعندهم مروه ولا نشامه هاذي طبايع العرب النخوه والمروه