|
|
مسااااااء الخير والاحساس والطيبه
بنات تونا متيمعين وطرينا سالفة الولد اللي لقوه اهله بالمدرسه
ولا مرت عمي تقول رفيجتي مدرسه روضه وقبل كم سنه قالتلي ان عندها طالبه كل يوم تداوم بيدها لعبه يا باربي يا سياره يا حلاو يعني كل يوم شكل بس المشكله ملابسه وشعرهامبهذلين تقول انا شكيت بالموضوع ودقيت على امها وطلبتها تقول يوم جت الام قلت لها يا ام فلانه انا عندي طلاب بس نفس بنتج ما شفت قالت ليش قلت لها كل يوم جايتني بلعبه شكل بس ملابسها مبهذله قالت الام شلون انا كل يوم البسها وامشطها ووديها بيد السايق تقول يوم نادينا البنت وقلنالها فلانه منو موصخ ملابسج جان تقول فلان السايق كل يوم يوديني البر ويعطيني لعبه يوم ودوها الطبيب ولا البنت منتهيه كلش نفس المره المتزوجه ياحرام 
عاد طرت على بالي سالفة مرت ولد عم ابوي تودي بناتها الصغار لبيت ابوها بيد السايق لمن زفوها حمواتها بطلت
عشان جذي حطيت الموضوع ابي اللي عندها نفس هالسوالف تحطها هني يمكن اللي يامنون للسايق يحسون على دمهم ويبطلون
يعني الموضوع للعضه والعبره*
اعوذ بالله من هالشكال
يممممه زمن يخوف ..
الله يعز امي وبطول عمرها الغالية
وانا ابي اصير مثلها ماخلي عيالي مع السايق باذن الله
انا لمن تزوجت وانا ما اروح مع السايق بروحي ومازلت لي الحين انا اسوق بس اذا بطلع مع السايق اخذ واحد من اخواني ببيت اهلي واذا ببيت زوجي اخذ خالتي
حيل قلبي عورني عليهاااا..قلت ياربي وين امهاااا شلون مخليتهاااا مع السايق..فعلا هذا تنبيه للامهات ترااا عيالناااا امانة..
الله يحفظ عيالناااا وبناتناااا من كل مكروه يارب..
في وحده رايحه لعرس ومعاها بنتها اللي بالروضه ولما وصلت الصاله ولا البنت نايمه جان تقول للسايق ودها البيت عند الخدامه ولما
رجعت الام من العرس بالليل ما مرت غرفة بنتها وفي الصبح راحت بتقوم البنت للروضه ما لقتها وسألت الخدامه وقالت لها انا من امس
ما شفتها ولما سألو السايق قال لهم انا دخلتها البيت ورجعت الصاله حق ماما وما ادري عنها ولليومج هاذا والبنت ما يدرون عنها
شئ والله يستر على بناتنا وعيالنا
الله يستر علينا