حريم فصخات الحياء

السلام عليكم ورحمه الله وبركاته

خواتي العزيزات عندي مشكله اتمنى تساعدوني وتشورون علي
مشكلتي هي انا ساكنه بمدينه بعيده جدا عن اهلي وجماعتي وصديقاتي وسكنت مع زوجي وبهالفتره عرفني على حريم خوياه
عشان اكون صدقات جديده واسير واروح واجي تعرفت على اربعه ثلاثه منهم قروب مع بعض ووحده كبري وحياويه تستحي والثلاث فسخات الحياء كل سوالفهن وسخه عن الجنس وازواجهن
وهن اكبر مني وانا اكره السوالف ذي لاني اخاف اقابل الله سبحانه بوجه اسود وهذول يعتبرون اصدقاء سوء شرايكم اقطعهن ولا اعزم وحده وحده ببيتي لانهن لاجتمعن اعوذ باالله سوالف وسخه شرايكم شالحل
وشكرا مقدما

انتقديهم جدامهم واذا سالوج قولي ما احب اتكلم عن هالامور الخاصه

الكلام عن الجنس اذا كان فيه افاده وتعلم ما اشوفه عيب هذا شي يدرس بالمدارس ويتناقش بالتلفزيون و بالنت اما اذا كانو يطلعون اسرار غرف نومهم واسرار ازواجهم فهذا حرام ولا يجوز ولازم تنبيهم عن هذا الشي

ماعليج منهم اذا تكلموا لا تتكلمين معهم سكتي واذا اسالوج. قولي هذه اشيا خاصه. وماعليج ذنب اذا ما شاركتيهم. واذا مو مرتاحه لهم لا تتزاورين معهم تركيهم

شي راجعلج اذا اذا انتي مو مرتاحه تركيهم واذا تبين صداقات خلج معاهم بس انصيحهم وبيني لهم انج ماتحبين مثل هيك مواضيع

ما اجوف قالوا شي وصخ لانهم متزوجات وطبيعي يتكلمون بهالسوالف

استغفر الله ماحب الناس اللي جذي احسهم تافهات وسطحيات وتركهم احسن وابرك
والله الافضل تعيشين بروحج بعالمج الخاص ولا تعيشين مع ناس جذي
ونصيحتي ابتعدي عنهم لان الصاحب ساحب
والصاحب ان كان بالعالي سحبج وياه فوق وصرتي تتكلمين بطريقته واسلوبه وان كان في النازل نزلج فالافضل تحسنين اختيار الصداقات ووحدة تكفي عن الكل
ولا ممكن ان زوجج بس يغنيج عن العالم كله
الله يسخر لج زوجج ويبارك لج فيه ويجملج بعيونه وتعيشين مرتاحة وياه العمر كله يا رب

انا اكره شي عندي اتعرف على زوجات ربع زوجي

نااادرا ما اقابلهم

بس عموما خلج مع الزينه ومو شرط الوسخات
حاولي تنقزين وقولي دعاء ختم المجلس

انتي مو مرتاحة لهم من الاول و طلعو فعلا مو كفو
ابتعدي عنهم احسن و حتى لو زينين لا يتعزمين صديقات في بيتج اكبر غلط هذا
تعرفي على ناس جديدة مو شرط يكونون حريم ربع زوجج
مثلا جارات او معرفة احسن

اذا مومرتاااحه معاهم اتركيهم مومجبوره فيهم واذا زوجك سألك ليش ماتعزمينهم وتزورينهم
صارحيه وقوليله عن سوالفهم

انا معااااي بالدوام شوووووووووووفي سوالف المتزوجات حدث ولا حرج
من اطلع من الدوام انساااهم ومااعزمهم

اتركيهم

الله يهديهم يارب

ماحب هالنوعيه ماعندهم سوالف غير يعني

لا حبوبه عيب ومليون عيب ان يتكلمون عن حياتهم الخاصه مع ازواجهم وحرام شنو استعراض ريلي سوالي وسويت له
في حديث عن الرسول صلى الله عليه وسلم عن هالشي

كل وحده تسولف بتفاصيل حياتها الجنسيه مع زوجها وتستعرض جدام الكل هذه فيها احساس بالنقص وتفااااهه بنات فقر الي يستعرضون ماصدقوا يحصلون ريل شنو مو شايفين خير وكلهم جذااااباااات

حاولي تغيرين الموضوع معاهم

شوفي اذ اهما من النوع الى يوصفون العلاقه الجنسيه بينهم وبين ازواجهم انا اقووول لج قطي عللاقتج هالشي معروف حراام
اما اذا سوالف عاديه وخبال حريم عادى