حركة البيبي

السلام عليكم
بنات سؤال متي تحسون بحركة الياهل انا صارلي اسبوع من دخلت الخامس ولي الحين ما احس ابشي

ماني قادره اتذكر مته حسيت بحركة الياهل اتوقع اخر الرابع !!

بس يختلف لان الصبي حركته تحسين فيها بسرعه وقويه عكس البنت

عادي يا قلبي
انا مثلج بجر وما اعرف وكنت ميييييييييييييته من الخوف دخلت الخامس وماحسيت بسي
بقولون اللي مو بجر تحس اسرع من البجر

وحسيت بنونوي حبيبي يتحرك باخر الخامس صرت اميز حركته

والله يطمن قلبج على نونوووووووووووووووووج

انا بجر و حسيت فيها اخر الخامس صرت اميزها

هلا حبيبتي حركه الياهل تختلف من حرمه الى حرمه يعني انا حسيت فيها بنهايه الرابع بس ماهي حركه لا نغزات بسيطه مثل البوب كورن ليمن يستووي طق طق طق كذه ومع دخولي الخامس صرت احس بحركات بسيطه مع نص الخامس زادت بالترفيسات ونهايه السادس الله لايوريك شغلاااات حلووووة مره حاجه يمين تنغز ومره يسار ومره تحسين فيه واهو يتغلب ويتحرك بعد …

لاتحاتين يعني الحركه تختلف عن الحريم

انا بعد بجر وماحسيت فيه الا باخر الخامس وبالسابع كان المرافس موطبيعي مزعج

لاتحاتين لاني كنت احاتي والدكتور طمني

صح كلام البنات بالبجر كانت تقريبا اخر الرابع او بالخامس بس هال حملة اول الرابع حسيت فيها

مشكورين حبايبي بس انا موبجر علشان جذي فرق علي الوضح ابولدي ماشاء الله حسيت ابحركتة من نص الرابع بس هالحملة وايد فرق علي

انا حسيت فيها بنص الخامس تقريبا
لا تحاتين
ويقولون تفرق من حمله للثانيه

لاتخافين حبيبتي انا وبنت خالي حملنا مع بعض بس انا تحرك اول الرابع وهي حست بحركة البيبي بنص الخامس

وهذا اكبر دليل على ان حركة البيبي تفرق من وحده لوحده

كلشي بأوانه…..نصيحة كثري شوب السوائل يبين عندج (وتميزين) الحركة اكثر

عادي حبوبة لاحقة انشالله بتحسين فيها اهم شي يكون البيبي سليم ومافيه شي تصدقين عاد اذا قعدتي تنطرينها جنهم يدرون ايننونج على مايتحركون يعني انا مرات احس بحركات بس ابي اوري ريلي بطني شلون يتحرك تلقينه صخخخخ سكوت ولا حركة جنهم يدرون تنبط جبدي مرات واطلع مثل الجذابة خليها عالبركة فجأة بتحسين فيها صدقيني لا تترقبين يمكن يستحي