حركة البيبي غريبة

مرحبا ياحلوات

عندي سؤالين>>طمااااااعه>> وياليت محد يطنش
المهم أول شغلة منو تعرف الدكتورة مي اللي بدار الشفا ..؟ وشلون معاملتها والأهم ولاداتها وخياطها….؟؟؟؟

وثاني شغلة والأهم منو فيكم يصير فيها نفسي….اذا نمت على جنبي اليسار تزيد حركة البيبي لدرجة اتضايق منها واذا قلبت على جنبي اليمين يصير الوضع طبيعي….مع العلم انا بالثامن

[B]وااااي بنات شسالفة 8 ادخلوا ولاردوا… مايصير والله سببتوا لي احباط كل ما اكتب موضوع بس تطلون وتمشون…..ترى صج والله احتريت:

الله يسهل عليج….

الله ما ادري شنو اقولج بس ادعي لج انج تقومين بالسلامه و تكون ولادتج سهله سهله سهله باذن الواحد الاحد

اعتقد هذا الشي عادي بس انتي عشان تطمنين كلمي الدكتور احسن ….

حبيبتي لان الوضعيه اليسار افضل وضعية للنوم للحامل لان اليسار ياقلبي يزيد من ضخ الدم للمشيمه وهذا شيء زين لاتخافين….
واليمين يخف الضغط يمكن علشان جذيه تحسين البيبي يهدا …
الله يسهل عليج ويقومج بالسلامه…

والله ما عندي فكره

اللة يسهل عليج انشااللة وتولدين بالسلامة ولاتحاتين ماكو الا العافية

يمكن اهو وضعه بالبطن جذي فانتي اذا نمتي على جنبج اليسار تضايقينه فيتحرك ينبهج لمن تقلبين يرد مكانه عادي ماكو شي يضايقه ويرتاح

يمكن البيبي متكود بجنبج اليسار فلي نمتي عليه يتضايق

أنا جذي أتقلب اتقلب لمن اشوف البيبي حركته خفت أثبت على الجنب اللي ايريحه أهو مو أنا لوول

يقولون مي وايد زينه و خياطها زين علشان جذي يمكن اغير دكتورتي , انا دكتورتي معصومه هم زينه

حدي محتاره , بشوف مي بعدين اقرر انشالله

انا مع الاخت عروسة وكلامها صح لانة نفس كلام الدكتورة

انا مع كلام العروسه
الوضعيه اللي ينصحون فيها الدكاتره هي النوم علي الجنب اليسار
لان الوضعيه هذي تساعد علي تغذية الجنين عن الطريق المشيمه
وهذا كلام الدكاتره
الله يسهل عليج لاتحاتين

الله يسهل عليج

حبيبتي ماعندي فكره والله بس اتوقع نفس كلام عروسه لان جم مره قاريه بالنت انه الوضعيه الصحيحه للحامل اهياا اليسار