حدددي خايفه من الطلق الصناعي

السلام عليكم
اشلونكم بنات
انا بخلص الشهر التاسع والدكتور قالي فاتحه صبع واحدوليلحين ماكو شي
عقب الفحص قام اييني عوار قلت اكيد بولد بس ماكو شي والدكتور قالي اذا خلصتي شهرج بحط لج طلق صناعي وانا يومين واخلص شهري وحدددي خايفه من الطلق الصناعي بنات بسألكم يعور الطلق الصناعي وشلون راح اطول بالولاده اذا حطولي الطلق
ترى انا بجر وما اعرف شي عفيه قولولي وطمنوني تكفون

مادري والله بس حبيت ادعيلج الله يعينج ان شاءالله ويسهل ولادتج يارب

مادري والله بس حبيت ادعيلج الله يعينج ان شاءالله ويسهل ولادتج يارب

حبيبتي مشكوره على الدعوه الحلوه والله يسهل عليج انتي بعد

رفع

حبيبتي امشي وايد شربي دارسين سوي شي طبيعي لأني مجربة الصناعي يذبح إلا اذا بتاخذين ابرة ظهر ما تحسين والله يهون عليج آمين

حيااتي انزين دام جذي اخذي ابرة ظهر عشان لا اتحسين بشي

الكل يمدحها وانا هم بجر و ودي استمتع بلحظه الولاده واجوف كل شي .. عشان جي بقول لدكتورتي ابي ابرة ظهر

عسى الله يهون عليج الطلق .. وسبحان الله بيوم وليله ترا يتغير كل شي

يارب ماتحتاجين طلق صناعي ان شاءالله

والله الطلق الصناعي بصراحه فلفل

بس احسن من القيصريه ع الاقل

شربي حلبه .. وايد يمدحونها ، نقعيها جم ساعه و شربيها تساعد .

والله يسهل عليج و علينا يااااااااااااااارب.

حبيبتى انا بصراحه مجربه الطلق الصناعى وانا بجر مثلج
والله العظيم ماكو احلى من الطلق الصناعى اتمنى عيالى كلهم طلق صناعى
انا تميت التاسع واخذ ت , 5 ايام من العاشر وماولدت , عطتنى الدكتوره طلق وهو عباره عن تحاميل تنعطى بالرحم بس والله ماحسيت بشى ومشى الطلق بعد 7 ساعات جبت احلى ولد بالدنيا والحمد لله

انا بكل ولاداتي اخذ طلق صناعي وبكل اشكاله
عادي والله بالعكس تدشين المستشفى وانتي مستعده على راحتج
غير لمن تروحين متدودهه ونازل عليج ماي بالبيت او فيج عوار
يزهبونج ويعطونج الطلق الصناعي وطلبي ابرة الريلاكس او اخذي كمام
والله يسهل امورج يارب
وبعدين الطلق والعوار هذا اهو لازم باييج طلق وتتعبين شوي عيل شلون بيطلع الياهل؟؟
واسلسا الحين بسرعه ينزلون ماي الياهل وسبحان الله الطلق على طوووول يحمى وكلها ساعتين بالكثير وتولدين انشالله
توكلي على الله ولا تخترعين

وااااااااي بنات انا مت من الخرعة حتى انا مادري شسالفة الطلق الصناعي لأني كنت والد قيصرية. الله يسهل علينا انشالله

سؤال نفيشة؟؟؟؟؟؟
ابرة الريلاكس غير عن ابرة الظهر؟؟؟ اول مرة اسمع فيها

الله بسهل عليج حبيبتى
انا والدة مرتين واثنينهم طلق صناعي
اول شي ماراح تحسين بعوار الا لما يفتح الرحم تقريبا 5 او 6 سانتي يعني اخر كم ساعة والحمدالله مع الكمام والابر اللي راح يعطونها لج ماراح تحسين بالعوار 100 بالمية يعني عوار تقدرين تتحملينه وكل مافتح الرحم كل مازاد العوار بس مثل ماقلتلج عوار تقدرين تتحملينه
ثانيا اول ماتدخلين الوضع وقبل مايطون لج الطلق الصناعي اطلبي منهم الكمام عشان تنامين وماتحسين بالطلق
ثالثا اكلي تمر على طول سبحااان الله له فايدة كبيرة وادعي على طووووول ان الله يسهل ولادتج وحطي في بالج ان الولادة سهله باذن الله وعلى فكرة حبيبتى اغلب الحريم الحين يولدون بطلق صناعي

بعد عمري مشكورين بنات ان شاء الله سهاله انا مابي اخذ ابرة الظهر اخاف
وان شاء الله مع الكمام كل شي يصير ok
انا وايد اخاف حييل اذا الفحص قعدت ابجي اشلون بالولاده الله يستر ويسهل علي وعلى كل حامل يارب

بعد عمري مشكورين بنات ان شاء الله سهاله انا مابي اخذ ابرة الظهر اخاف
وان شاء الله مع الكمام كل شي يصير ok
انا وايد اخاف حييل اذا الفحص قعدت ابجي اشلون بالولاده الله يستر ويسهل علي وعلى كل حامل يارب

ابرة الريلاكس يحطونها بالدريب غير عن ابرة الظهر بس تريح وايد
و وقت الفحص اخذي الكمام ماتحسين بالفحص غير لمن يكون الفحص بالمراجعة او العيادة
بغرفة الولادة تقدرين تاخذين الكمام وقت الفحص