|
|
خواتي كويتيات …منورين المنتدى
بصراحة عندي مشكلة كبيرة ومحتاجة رايكم ونصيحتكم لان من صجي متحطمة وصار فيني تبلد مشاعر تجاة زوجي بعد ماعرفت انه كان يحب وحدة كانت وياة أيام الدراسة كلم اهله وما رضوا انه يتزوجها …
صارلي سنة من زواجي حملت بسرعة وانشغلت بدراستي
بس الله يشهد اني ما قصرت معاه بشي هدايا وحركات و غزل حبيته من كل قلبي وخصوصاً انة بيصير ابو عيالي
لكن الحبيب للأسف حن للحب القديم كان يكلمها وقرر انه يتزوجها
كلم اهله لكنهم مازالو معارضين بشدة و كلهم واقفين معاي وانا يا غافلين لكم الله ماأدري عن السالفة…
بعد تفكييير تركها وفضل رضا امه وابوه و حياتي معاه
بس انا بموت من التفكير يقول انه ندمان لكن احس اني مجروحة جرح عمييييييييييييق ما ظني يلتئم …
اتخيل كل كلمة حلوة يقولي ياها يقصدها !!
ثقني فيييييه انهزت !!
ما ادري شلون اتعامل معاه !؟
مع العلم ان كان عندي احساس انه كان يحب وسألته أيام الملجة بس أنكر …
عورتي قلبي والله
مالج الا رب العالمين ادعي ادعي على كثر ماتقدرين ويااارب ينساها
وبعدين ابيج تثقلين جدامه لا تبينين له حبج بزيادة
عطيه اشوية زعل بسيط ومن غير لا اتحسسينه شنو السبب تغيري عليه بشكل بسيط يعني وقفي كلمات الغزل عنه
سوي نفسج لاهية اشوي عنه
يمكن يفقدج ويحس بقيمتج
الله يوفقكم ويهنيكم ويبعد عنكم اعيال الحرام
والله ما ادري شقول لج بس لازم تنسين او تتناسين خلي كل همج انه اهو ريلج وحبيبج وابو اعيالج واللي فات مات مثل ما يقولون
لا تحريين نفسج بس المهم انج تهتمين فيه لمن تكونين له كل تفكيره يعني كثر ما تقدرين تنسينه حبه القديم ومن رايي لا تفتحين معاه موضوع حبه عشان لا يرد بذكرياته .. الله يعينج وصبر قلبج
والله يعينج 
وحاولي تنسين السالفة و لا تذكرينه فيها و ادعي ربك ينساها و ضحكي معاه و لا تبينين زعلك
لأن الريال ما يحب النكد
و كل انسان يغلط
و لااااااااا تذكرينه فيها وتسئلينه عنهآ ..
خليج انتي دايما اللي جدامه واللي على بآله ..
وكثري من الاستغفآر .. وادعي وآآآآآآيد ..
واكييد ربي ماراح يرد طلبج ~
قال تعالى : " انا عند حسن ظن عبدي بي "
بس أهو أعترف بغلتطه والمفروض أنتي تسامحينه وتفتحون صفحه جديده وحاولي تنسينه هالحب وكوني أنتي بعينه كل شي يعني لا تخلين هالسالفه تخرب عليج ومافي أحد معصووم من الخطأ
الله يهديه لج يااارب …
والله يعلم اني ما لجأت لكم بعد الله الا لانكم مثل خواتي
والله يصبر قلبي ويمسح على قلبه
بس بقولج شيء حطيه في بالج كل ماتذكرين السالفه اللى سواها فيج قولى لكل جواد كبوه واقعدى عيديها وحاولى تفهمينها اكيد راح تغير نظرتج للسالفه
الله يمسح على قلبج وعلى قلب كل وحده مجروحه من اغلى انسان
حاااولي اتغاضين عن اللي صار قبل وعطيه فرصه
يمكن صج متحسف ويبي يعوضج لاتكسرين مجاديفه
والله يحنن قلبه عليج وترجع اياامكم كلها عسل بعسل
وماايشوف بنت احس منج
وبعدين مع هالرياييل شنو يبون انسويلهم
مانقصر معاهم بشي والاخ الله يحفضه حن حق حبه القديم
وشنو تسوي زوجته
لاحول ولا قوه الا بالله
انا وريلي تزوجنه عن حب
وقبلها سالته وكان مع علاقه بوحده وخطبها نفس اللي صار مع ريلج واهلها مارضوا
ريلي قالي ان اللي خطبها قبل اكسرت فيه بشغلتين طبعا هالكلام قبل خطبتنا ب3 سنين
رحت انا وسويتهم لريلي قبل الخطبه بجم يوم
والله والله ان لي يومج هذا مو مصدق ان سويتله له
وخليته ينساها ولا يدري عن هوى دارها
والله يتمم علينا انشالله
ابي اسالج ريلج شنو طبعه عصبي ولا طيب ولا شنو ؟
في رياجيل شكثر نفس زوجج
لا تبيعين حياتج و ولدج عشانها، مرده بينساها
توكم بأول المشوار و هو ماعرفج عدل عشان يحبج
حاولي تعدلين بكل شي>> لا تحبينه حيل ولا تكرهينه حيل
خليه هو اللي يحبج
في موضوع عن الغلطات الزوجية وحده حاطته بالقسم
اقريه راح تستفيدين
الله يجملج بعين زوجج