حبوب منع الجمل و اعراضها

سلام شلونكم بنات بليز اذا اي وحده عندها خبره بالنسبه حق حبوب منع الحمل تساعدني انا اول مره احذهم و نصحتني الصيدلانيه ان اخذ حبوب منع حمل ياسمين خذيتهم اول يوم دوره و صارلي الحين اسبوعين للحين ينزل علي دم شسوي ؟؟ احس روحي تعبانه منهم ودي اقطع و ما اكملهم بس قالولي ينزل عليج دم بعد صج ؟؟ اي وحده عندها خبره تساعدني بليز

حبيبتي انا جربتهم ,,

اول مرة اسنعملتهم نزلو علي دم ,, طووول الشهر

وبعد ما خلص الشريط بجم يوم نزلت الدورة ,,

واستعمالي للشهر الثاني كان من 5 يوم الدورة والله الحين صارلي سنــه وجم شهر عليها والحمدالله حدي مرتاحــة ..

وايد حلوين وخفيفه وماتسوي اعراض او اعصاب او اي شي من هالقبيل

مشكوره حبيبتي

الصراحه ياسمين عجيبه بس يمكن ماتصلحلج

انا جربتهم كم شهر لما كنت عروس وتركنها حملت على طول والحين بعد ماولدت برجع لها بس حلوه

انا جربتهم ومانسبوني صح مانزل دم بس تعبت من الام بالبطن وظهر ونفسيتي حدها تعبانه

آنه استخدمهم الحين سنه ونص ومن قبل 3 سنوات بدون توقف والحمدلله ما صارلي شي وحبوب ياسمن أحسن من غيرهم بس انتي استشيري دكتورتج أحسن وإذا ناويه تستمرين استمري حتى إنتهاء آخر حبة وعدي 8 أيام يعني يوم 8 تآكلين الحبة حتى لو عليج دم

انا بصراحه ما جربتهم
بس صديقتى كانت تاخذهم
كانت تقول ان انتفخت
و الاعراض هذه تختلف من وحده للثانية

ياسمين شريتها و ما جربتها
قريت النشرة اللي معاها و اخترعت
الحين آخذ Cerazette و مرتاحة الحمد الله
بس مو اي شي يناسبج ممكن يناسب غيرج …… انتبهي

انا استعملت يسمين بعد ولادتي الاخير وكانت زينه ووقفتها بعد 3 شهور لان الطبيب قال لى لا تستمري اي اي حبوب منع حمل اخذي ووقفى وارجعي بعد شهر
لما حاولت استعملها بعد فتره تعبت صار قيئ وتعبانه فوقفتها للابد
المشكله فى حبوب ياسمين واعتقد كل حبوب منع الحمل بس تختلف من شخص للتاني المشكله انها تخلي خلقك ضيق وعلطول معصبه واوقات تنفخ بسيط
ربنا معاكي حبيتبي ويوفقك ان شاء الله

ديانا احسن منهم