|
|
السلام عليكم شلونكم يا امهاااااااااااات
بسالكم ولدي اسمله عليه عمره سنه وطلع له من فتره حبتين حمر صوب العضو ماله على جنب وقلت يمكن شي طبيعي
بنات عقب يومين قعد يبجي من الحفاظه على بالي مخيس المهم يوم فجيتها انصدمت الا المنظقه كلها حبوب ويحكه حيل وحمر وعلى العضو نفسه بعد كسر خاطري وربي
صار نفور مو طبيعي بنات مو حفى حبوب وجنه الجلد متجعد
المهم وديته المستوصف صرفله كريمين خلط وقال تحويل جلديه
وجربت الكريمين ومافاد كلش الحبوب نفسها بس الحكه خفت
والله احترت بنات انشاالله بوديه الجلدية بس شنو تتوقعون .؟؟؟
وشنو الحل حطيت نشا ماكو فايده..
والله بنت عمي بعد ماتغير لطفلها الحفاظ.. تحط شوووويه ديتول مع مويه المطهر خفيف طبعا عشان مايسبب حرقان لطفلك..بعد كذا تسوي نشاء كانك تضعي له بودره…
ووحده من خالاتي استعملت الكريم دا مره مره مره كويس اسمه Daktacort للجلد …
وفيه خلطه تالته اللي هي تخلطين نشاء مع زيت زيتون يصبح مثل الفازلين وتدهني المنطقه.. والافضل تتركي طفلك بدون حفاظ شويه للتهويه عشان ماتلتهب المنطقه اكتر .. ..
والله يكون بعونك وعون طفلك …
ياليت تطمنيني علي لو استعملتي اللي قلتلك ..
وحركه الزيت زيتون والنشه حلوه وبطبقها
والديتول بعد ذكرتيني فيه انا استخدم صابونه ديتول العاديه بي الظاهر المطهر السائل افضل
والكريم اعرفه بس مو حق الحبوب للاحمرار اتوقع
وانشالله بجرب وابقولج
ماقصرتي ياحياتي
وأن شاء الله البنات يفيدونج
مره صار بولدي جذي عطوه كريم اعتقد مضاد حيوي من الاميري بس ناسيه اسمه (سوري )
حاولي تغسلينه بغسول وتمسحين المنطقه بشاش فيه منقوع المره انا جربتها لما طهرته ووايد فادته
وديته الهادي
عطاه مثل( ملح) بس لونه اسود
قالي نقعي منه جم حبه بطش ماي وحطي الولد فيه
وصج حطيته حتى لون الماي صار وردي مع الملح
والحمدلله صار زين
وحتى الصيدلاني قالي هذا الدوا(الملح) زين حتى الحريم يستخدمونه الظاهر حق عقب الولاده
مره ولدي طلع فيه كذا حبه … المستشفى عطوني كريمين ينخلطون .. حلو بس نتيجته مو سريعه … حطيت ميبو و الحمدلله راح
جربيه و ان شاء الله يروح
وديته السيف عند الدكتور حمدي عطاني كريمين خلطتهم وقالي خليه يتهوى (قطي البامبرز لو ساعه باليوم)
تقريبا من اول استعمال خف و3 ايام راح ولله الحمد والمنه