|
|
السلام عليكم
الحين انا من خذيت حبوب الفيتامينات وحاشني كل انواع العذاب الامساك وعوار وحاله ووقفتهم
يضر هالشي ولا لا وشنو البديل عنه الي عندها الي فكره تجاوبني لو سمحتوا
وشكرا 
عن تجربه
وخصوصا الحديد ترا هو الي يسبب الامساااك بس تحملي شوووي احسن لج
بس وزعيهم بين الثلاث وجبات
انا اتذكر بحمالتي الاولى كنت آكل الكالسيوم ورا الريوق
والحديد بنص الغداااا اح يخف عوار البطن يعني اكلي لقمتين وابلعي الحبه وكملي غداج
وبالليل ورا العشاااا آكل الفيتامينات وبس
الحمد لله عدت
بس اذا مو مرتاحتلهم خلي دكتورتج تغير النوع
انا كنت آخذ حبوب pregna plan (مجموعة فيتامنات) بس ماوالمتني .. كنت ارجع واتعب حيل
قلت حق دكتورتي وعطتني نوع أخف بس ارتحت وايد عليه ولحين آخذ منها اسمها materna
والحديد اذا مافيج شي والدكتورة ماوصفتلج ياه ماله داعي تاخذينه .. يعطونه حق آخر شهرين بس لأن البيبي يقوم يسحب كمية حديد من جسم الام اكثر ..
واخذي الحبوب عموما ورا أي وجبة .. لاتاخذينهم ومعدتج خالية
فاحاول ااكل الاشياء اللي ما اتييب امساك عزكم الله .. لان انه سوابق كان فيني بواسير بحملتي اللي طافت فاحاول ان ما يصير فيني امساك ولا اضغط حيل وانا بالحمام عزكم الله ..