حبوب الفوليك اسد؟!

مساء الخير حبيباتي عضوات منتدى كويتيات الغاليين ..

بغيت استفسر عن حبوب الفوليك ..

الي اعرفه انه هالحبوب تقوي الدم وتمنع التشوهات وخذيتها يوم كنت حامل على بنتي الله يخليها لي يارب

الحين ابي اعرف اذا الوحده تبي تحمل هل هذي الحبوب تساعدها ولا لأ ..

والي عندها اي معلومات تفيدني جزاكم الله الف خير

اللي تبي تحمل تاحذهم قبل 3 اشهر

بس ما تساعد على الحمل

هذي الحبوب تاخذها الوحده قبل لا تحمل انا خذيتهم على بنت حبيبتي لاني يبت ولدي في ورم بظهرا وماي في راسه وكنت اخاف احمل د. ناهده قالتلي اخذي هالحبوب تمنع التشوهات الخلقيه

الله يعطيكم العافيه خواتي بس ابي بعد ردود تفيدني ..

اهي فعلا ناخذها قبل 3 اشهر وهذا كلام اكثر من صيدلاني وصيدلانيه ..

بس على كلامهك تنظم الدم وتزيد الشغلات الناقصه بالجسم وتساعد على الحمل !!

بليز بنات فيدوني

اللي تبي تحمل تاخذهم قبل ..
وموضوعج مكانه بقسم الحمل

مشكوره اختي على الرد وانا يوم دشيت قسم الطفل نسيت عبالي قسم الحمل

لا اهيه ما تساعد على الحمل بس انا سمعت انها تمنع التشوهات لا سمح الله , انا دكتوري كتبلي عن كبسولات يقول احسن اسمها ( برجنا بلان) و تحتوي على الفولك اسد ضمن الاشياء الثانية اللي فيها و اهيه حق الحوامل و المرضعات يعني من تحملين مو قبل

و الله انا اخذهم لانه الدكتورتي تقول وايد مهمين لانه منتي عارفه يكون عند كل رجل نسبه من الحيوانات المنويه المشوه فه تمنع انه تصير البويضه مشوه وهي ضروري عشان جذي لازم كل وحد تاخذهم اتمنى اني افتج

تهيئ الرحم للحمل

ابدا ماتساعد على الحمل بس تهيئ الرحم وتنظف الدم وتساعد على منع تشوهات للبيبي

وانا نصحوني فيها بمستشفى اجنبي خارج الكويت

نصيحه لا تاخذين فيتامينات اول 3اشهر من الحمل
بس اخذى حبوب الفولك اسيد بدون ان يكون معاها اي فيتامين ثاني (( انا افضل حبوب المستوصف الصفر لانها بس فولك اسيد))

يعطيكم العافيه حبيبات قلبي ..

انزين شنو اهي الحبوب او المقويات الي تساعد ..

مع العلم انا عندي بنوته الله يحفظها ويخليها لي يارب ..

بس الحين فكرت بالحمل لكن ليلحين ماصار اي شي وقاعده اخذ حبوب الفوليك صارلي اسبوعين ..

عشان اتهيأ ..

وحملت بدون علاج الحمدلله والشكر لك يارب ..

لكن ابي شي يساعدني ويقويني ..

بشنو تنصحوني خواتي العزيزات

راجعي دكتوره طالعيها شنو تشور عليج

ان اخذهم من الشهر الثاني وصفتهم لي الدكتوره قالتلي هذي للبيبي ولج وايد زينين وخلصوا الحين
خذيتهم لمدة ثلاث اشهر وبس

انا دكتوري قالي اخذيهم لحد ما اوقفهم لج واسأله بكل زياره يقول لي لاتقطعينهم لانهم وايد مفيدين للدم وللرحم وبالشهور الاولي للبيبي اكيد انا الحين الحمدلله بنص السابع ومستمرة عليهم والحمدلله