|
|
( الموضوع منقول للإفاده )
انا كاتبه الموضوع فقط لسبب واحد,اني حابه اساعدكم وافيدكم واريحكم من هالنفر العلّة,اللي
سبب لي عقده من سادس ابتدائي الى اولى جامعة والحين الحمدلله ارتحت
هالموضوع الا اني عارفة ان نص شباب وبنات العالم يعانون من هالمشكلة ,وما كتبت الموضوع
عشان اسوي دعاية لهالدواء,انا بس راح اقولكم عن تجربتي معه ,فاللي حاب يستفيد يشتريه من
الصيدلية واللي مو حاب فالله يكون معاك.
محتويات الموضوع:
#تعريف بالروكتان
#كيفية استخدامه
#تنبيهات قبل وبعد الاستخدام
#صور لبشرات قبل وبعد الاستخدام
#اثاره الجانبية
#تفاصيل تجربتي انا واختي ومالاحظناه قبل وبعد الاستخدام
#مدة العلاج
#اقتباسات لردود اشخاص قاموا بتجربة حبوب الروكتان وتعليقي الشخصي عليها
#مدة العلاج
#اسئلة شائعة بخصوص حبوب الروكتان
# محاسن استخدامها
#بعد كل هذا هل الروكتان دواء آمن و مفيد؟
أولاً ما هو الروكتان ؟
الروكتان او الروكاتين Roaccutane أو ما يعرف علمياً بإسم Isotretinoin هو دواء
نستخدمه في علاج حالات حب الشباب المستعصية والشديدة، وأيضاً نستخدمه في حال عدم تحسن
حب الشباب بعد علاجه بحبوب المضادات الحيوية وكريمات ال Retinoin ، أحرص تماماً على أن
يكون المريض على دراية تامة بالروكتان و بالآثار الجانبية له كذلك قبل أن أصرفه له. لذا أنصحك
بشدة بالتحدث مع طبيب الجلدية لديك إذا كانت تراودك أي أسئلة حول الروكتان قبل أخذه أو إذا
كنت تواجه أحد آثاره الجانبية العديدة خلال فترة العلاج
كيفية استخدام الروكتان؟
تناول الروكتان مع الوجبة الرئيسية وذلك لزيادة إمتصاصه من المعدة
أبق الروكتان بعيداً عن أشعة الشمس و لا تتركه في مكان حار أو في الثلاجة, , درجة حرارة
الغرفة تعتبر مناسبة
تم وصف الروكتان لك أنت فقط , لذا لاتشاركه مع أي شخص آخر إطلاقاً
لاتنس أن تضع الروكتان في مكان بعيد عن متناول الأطفال
لاتتبرع بالدم في حال تناولك للروكتان، يمكنك التبرع عن التبرع بالدم بمدة لا تقل عن شهر واحد
بعد توقفك عن أخذ الروكتان
احم احم اختكم في الله في يوم من الايام رايحه وبكلللللل ثقة تتبرع بالدم وسااااعةوهي واقفة في
الطابور تنتظر دورها وساحبه على محاضراتها
لما وصل دوري قامت الدكتورة تسالني كم سؤال
بعدين سالتني اذا اخذ اي علاج؟
فقلت اني اخذ روكاتين .gif "Eh S(4)")
وعلطول تقول توكلي على الله 
ابدا ابدا ماينفع تتبرعين ياعيوني.gif "Eh S(10)")
لاتعمل أي ليزر أو تقشير للبشرة تماماً أو أي إجراء تجميلي يجعل البشرة أكثر نعومة طوال فترة
تناولك الروكتان, يمكنك ذلك فقط بعد 6 شهور على الأقل بعد التوقف عن الروكتان
أخبر طبيبك ما إذا كنت تعاني – أنت أو أحد أفراد أسرتك – من أمراض الكبد، أمراض القلب
والكلسترول أو الإكتئاب
كذلك يجب على طبيبك أن يكون على عِلم إن كنت تعاني من حساسية اتجاه أي نوع من الأدوية، و
خاصة Parabens الذي يوجد في كبسولة الروكتان ويوجد أيضاً في مستحضرات التجميل و
المرطبات
المتعددة الفيتامينات التي تحتوي على فيتامين A أيضاً
لاتأخذ أي نوع من أنواع المضادات الحيوية إطلاقاً إلا بعد إعلام طبيبك أولا بأنك تأخذ الروكتان
لأن بعد المضادات مثل ال Tetracyclines تزيد بصورة كبيرة من الآثار الجانبية النادرة
للروكتان
أخيراً تأكد من إخبار الطبيب عن أي دواء آخر تتناوله حتى تلك التي تصرف دون وصفة طبية .
يتبع .gif "Eh S(7)")
كم وحده فيكم متعقده من بشرتها؟
كم وحده منكم ماتطلع من بيتها الا وهي حاطه كريم اساس عشان تخفي حب الشباب؟
كم وحده حامت كبدها من الخلطات وحاليا قاعده تقرأ موضوعي وهي حاطه قناع طبيعي او
كيميائي على وجهها بسبب حب الشباب؟
كم وحده منكم تقعد بالسااااعات عالنت تدور حل لحب الشباب؟
كم وحدة تركت اكل الكاكاو والشطة والفلفل لانها سمعتهم يقولون انها تطلع حب الشباب؟
طبعا انا واختي كانت حالتنا مثل اللي فوق مابقى شئ الا وجربناه ,وياما جربنا صابونات
نيتروجينا السائلة والجامد سواء ديب كلين او العادية
ومنظفات جونسون clean & clear
,وكريمات ومراهم وصفوها لنا الدكاتره في المستشفيات الحكومية والاهلية ……والنتيجة بشرة
تزداد سوءا
لدرجة انه وبقدره قادر النفر زااااد بشكل مو طبيعي في وجهي بالذات العام والبنات لاحظوا
وكل من شافني قال يابنت الناس وش اللي قاب في وجهك وش انتي ماكله؟ وانا لاتعليق
لدرجه اني صرت كل يوم اروح الجامعة وانا حاطة بودره لوريال على وجهي عشان يخفف مظهر
النفر
وللمعلومية هالبودره خطيييييييييرة وحلووووه انصح الكل يستخدمها وهاذي صورتها
طبعا اللي بشرتها دهنية وبقوة مثلي راح تتفهم حالتي بالضبط
خصوصا عند ازالة الشعر
اذكر اختي قبل من سنتين سوت فتلة,الله لا يوريكم وجها كيف صار كله نفرررررررر
وانا اذا شلت كتفي وقسم ان النفر يطلع بشكل رهيييب من بداية الكتف لنهاية الكوع لدرجه
ان خالتي لما شافت كتفي قالت يرحم امك بلاش تشيلين مره ثانية
طبعا مايحتاج اوصف لكم صدري وظهري كيف كانوا ونفس الحالة مع المحروسة اختي
ولو تشوفون مغسلة حمامي وانتوبالكرامة تقولون انكم داخلين صيدلية موحمام ,الغسولات
والمنظفات ماااليه المكان.
لدرجة اني نويت اني استخدم حبوب منع الحمل لاني قد قريت في الجريدة انها تساعد على تخفيفة
وان الكثير من الشابات يستخدمونها بس الحمدلله ربي اغناني عنها
طبعا وللخلطات الطبيعية نصيب في اللعب ببشرتي
جربت قناع الزبادي والعسل واعوذ بالله كل ماله يزيد مو يخف
جربت قناع المرّه وياما نشف وجهي ولا جاب نتيجة
جربت قناع الزبادي والبطاطس المهروسة وياما وياما قرفني استغفر
على فكره اللي يقول يمكن العيب فيك مو في الخلطات لانك مااستمريتي عليها ,اقووول شهوووور
وانا اجرب نوع واحد من اي خلطة ومافاد
واللي يقول ان سبب ظهور النفر هو قلة النظافة الشخصية ارجع واقولة نتسبح كل يوم ومع ذلك
مافيه فايده
احب انبه كل واحد فيه نفر انه مايسوي هالحركه ابدا
لانها هي اللي من جد تحفر وتشوه الوجه وبعدها لا روكتان ولا غيره راح يزيل هالاثار فخلوا
النفره في حالها ولا تفقعونها
المهم
اختي خلاص حامت كبدها وقررت انها تستخدم حبوب الروكتان
راحت الدكتور ووصفه لها
والحين هي خلصت العلاج
والله ثم والله ثم والله ان بشرتها طلعت تلق بسم الله ماشاء الله
الصدر والظهر والاكتاف والوجه كل واحد يقول الصفااااوة عندي
لدرجه انها لما سوّت فتلة مره ثانية بعد العلاج ,ولا نفره تجرأت تطلع على وجهها
طبعا خلصت العلاج من سنتين تقريبا ولله الحمد لحد الان البشرة ماشاء الله ماطلع فيها نفر
اللهم من كم شهر وحده الله يهديها شافتها وقالت اهب يانورة وين نفرك مير اختفى كله وعلطول 
من بكره طلعت نفره كبر قريح في وجهها.gif "Eh S(2)")
<<ترى ذكر الله زين على فكره
حتى صديقتي كتنت بشرتها معدوووومة بالحرف الواحد ياقلبي عليها والله النفر كان كبييييييير
وفوق بعض وياالهي بالضبط مثل اللي بالصورة
ولمااستخدمت هالحبوب بسم الله ماشاء الله تقولون ان بشرتها ماذاقت شئ اسمه نفر
وربي ياعالم اني ماابالغ في كلامي
صور لاشخاص قبل وبعد استخدام الحبوب:
بيني وبينك انا اول كنت اقول مستحيل ان البشره تصفى بعد كل هالنفر بس التجربة خير برهان
المهم انا من بعد ماشفت النتائج الباهره على اختي وصديقتي<<متعوب عليها كلمة الباهره
وانا طيراااان عالمستشفى عشان اخذ حبوب زيها
خلوني اوريكم صورة لبشرة كانت مثل بشرتي
على فكره انا واختي عالجنا في مستشفيين مختلفيين والسبب انها كانت تكررره دكتوري لانه
بااارد وانا كنت اكره دكتورها لانه عصبي بس يالبى قلوبهم والله لولا الله ثم هم كان شفتوني لحد
الان احط قناعات على وجهي
طبعا هم في البداية ماراح يعطونك الحبوب اول ماتطلبينها
لازم اول شئ يعطونك كريمات ومقشرات وبلاوي يقولون لك جربيها لشهر واذا مافيه تقدم راح
نعطيك الحبوب (قعدت ساعة اقنعهم واقولهم انا مجربة نفس هالادوية بالضبط من قبل ومافيه
نتيجه لكنهم اصروا اخلاء للمسؤلية لان الروكتان دواء موسهل ابدااااا له اثار جانبية راح اتكلم
عنها ان شاء الله)
وعدا الشهر والحبوب هي هي وحولوني عالاستشاري عشان يصرف لي الحبوب
اول شئ قام يسأل عن تاريخي وتاريخ العائلة الكريمة الطبي وعن وزني و الخ الخ
لكن اهم خطوة اللي من دونها ماااافيه امل يسمحون لكم باستخدام الحبوب
الا وهي تحليل الدم عشان يعرفون نسبة الدهون والكليسترول والشحوم الثلاثية والخ الخ
بعدها اذا طلعت النتيجه كويسة راح يسمحون لكم باستخدام الحبوب
والحمدلله صرفوه لي 
وبدأنا بالعلاج……… في شهر 7 عام 1445 (العام الماضي)
يتبع
لا يغركم جحم القصديرة ترى الحبة صغيروووونه
كذا حجمها بالمليمتر
هاذي مو ايدي للمعلومية بس
طبعا انا مده علاجي استمرت لمدة سنة وكل شهر كنت اروح احلل عندهم عشان
يوافقون على
الاستمرار في استخدامة
لماقربت على نهاية العلاج قالي اخذ حبة 10 غرام لانه ماينفع اقطع العلاج مره واحده
وهاذي صورتها
طبعا حجمها اصغر بكثير من اللي 20 غرام
بعض الاحيان ماكنت الاقي في الصيدلية علب الـ20 غرام فكنت اخذ علبتين من الـ10
غرام واصير اخذ حبتين مره وحده بعد الاكل
يعني خلو لكم وقت محدد مثلا العصر
مو يجي يوم تاخذ الحبة العصر وبكره تاخذها العشاء ماينفع ابداااا
وانتبهوا تاخذون حبه عالريق ماينفعش خاااالص
الاعراض الجانبية:تنقسم الاعراض الجانبية الى قسمين:شائعة و نادره الحدوث
طبعا مو شرط كلها تصير فاأنا راح احط علامة * عند الاعراض اللي تعرضت لها
اولا:النادرة في حال حدوثها لاسمح الله يجب عليك الاسراع بالذهاب الى الطبيب
1_جفاف شديد في العين
2_اصفرار البشرة و العينان أو البول بلون أصفر داكن
3_الشعور بالتعب الغير اعتيادي، أو انعدام الشهية
4-الصداع، الغثيان، التقيؤ، أو عدم وضوح في الرؤية
5-ألم حاد في المعدة، الإسهال، أو نزيف في المستقيم
6_الاكتئاب أو التغيرات المزاجية المفاجئة كالحزن أو الغضب
ثانيا: الشائعة
1-جفاف بسيط البشرة *
2-حساسية في الجلد *
3-جفاف في الجيوب الافنيه +نزيف من شده الجفاف *
4-جفاف الشفاة وتشققها لدرجة خروج الدم *
5-تسبب الم في المفاصل والعضلات وتخلي النفسية زفت
6-تساقط الشعر
7-جفاف بسيط في العيون-أصحاب العدسات اللاصقة طلعوا نظاراتكم الحين!
8-زيادة الحساسية والحروق من الشمس – إستخدم كريمات الحماية من الشمس*
9-تقشر الجلد في راحة اليدين و أخمص القدمين – المرطبات مرة أخرى!
10-جفاف الجلد و الشفاه – ضع كريمات مرطبة لتخفيف هذه المشكلة*
11-إرتفاع الكلوسترول وإنزيمات الكبد في الدم
12-ألم في العضلات – اللي عنده دورة أو بطولة مهمة أنصحه بتأجيل الروكتان
13-العشى الليلي
كل هالاعراض تزول بمجرد التوقف عن الروكتان
بالنسبة لجفاف الشفاة انصحكم وبشده انكم تخلون لابيلوا معاكم في كل مكاااان لانه
مايمديكم ترطبون شفايفكم الا وهي ناشفة بعد فتره قصييرة
بالنسبة لي كنت حاطة لابيلوا في شنطة السوق وشنطة الجامعة وعلى التسريحة وعلى
المغسلة وفي شنطة الابتوب ويالله السلامة مع أنه في بعض الاحيان ماكان يفيد معي الا حبيب الشعب فــازلـــيــن والله توني احس بقيمته
وبالنسبة للحساسية انا تقريبا في الشهر السادس او الخامس <<حسيت اني وحده
حامل تسولف
جتني حساسية في يدي بس العيب مني لاني ماكنت ادري انها من اثار الروكاتين
فلمار حت الدكتور قال حطي كريم او فازلين وبالفعل من ثالث يوم وهي بادية تروح
وبالنسبة لجفاف الانف ومادراك ماجفاف الانف الحل الوحيد انك تدهنين خشمك
بالفازلين كذا مره في اليوم<< مو قلت لكم اني عرفت قيمة الفازلين
جفاف العين الحمدلله ماجاني بس جاء اختي وعلطول وصف لها قطره ترطب العين
اما باقي الاعراض من تساقط ونفسية وعضلات والخ فلله الحمد ماجتني.
طبعا لما جاء شهر رمضان الله يبلغنا واياكم هالشهر الفضيل,صار لي مستخدمته لشهر
ونص طبعا خف النفر وانا كنت طماعة كنت ابي العيد يجي وبشرتي تلق فرحت
لموعدي وقلت ابي ازيد الجرعة واخليها 40 غرام في اليوم بدال 20
زدتها وياليتني مازدتها
الحين على 20 غرام مغير داقتها صداقة مع الفازلين واللابيلو عشان الجفاف ومع
ذلك كنت اتجرح
فمابالك بـ 40 غرام ولا بعد صيام (شين وقوة عين)
اسبوع واحد اذا ماكان اقل وانا على 40 غرام وتوووووبة اذا كررتها كل شئ فيني نشف
صرت مثل الانشوفة<< ابدا ماقصدها مثل انهيوك ^_^
ورجعت على 20 غرام ويالله السلامة فالمقصد من هذا كله بلاش عجلة في العلاج.
اذكر لمابديت اخذ الحبوب قالت لي بنت خالتي :
صدق انك مجنونة احد ياخذ هالحبوب ؟انا صديقتي اخذتها وشوهتها؟البنت صارلها
حروق ومدري ايش وماعاد صارت تطلع من البيت واعتذرت عن الدراسة و و و
ياسااااااتر كل هذا؟؟
اقول بس انا الحمدلله اخذتها وتمام صديقتي بعد اخذتها وتمام واختي اخذتها وتمام
لاننا اخذناها عن طريق طبيب اما اللي مستعجل ويبي ياخذ على كيفيه فذنبه على جمبه
لان هالدواء له تأثير على وظائف الكبد والكلى تراني علمتكم واخليت مسؤليتي.اللهم
اني بلغت فاللهم اشهد
يتبع
بالظهور وان ظهرت بعد الاستخدام تظهر بشكل خفيف
2-تزيل الاثار والبقع الداكنه التي سببتها حبوب الشباب
3-اختفاء الحبوب السوداء بشكل كاااااااامل 
4- تودعين شئ اسمة شامبوللشعر الدهني لان شعرك ماراح يزيت عليك ابدااااا
5- راح تقضين نصف يوم تمقلين في خشتك في المراية من جمال بشرتك
مدة العلاج:
مثلا اختي قعدت تقريبا 9 او 7 شهور
صديقتي ماذكر للاسف
انا قعدت سنه
بس الغالبية يقعدون 6 شهور
هاذي صورة توضح مراحل التطور وتحسن البشرة بالفعل كذا كانت بشرتي وكيف
صارت في النهاية وربي يشهد اني صاادقة<< تنرحم تبي الكل يصدقها
اسئلة شائعة بخصوص حبوب الروكتان:
1-ما الذي يمكن توقعه أثناء فترة تناول الروكتان ؟
قد يزداد حال حب الشباب لديك سوءاً، لكن لا تقلق سيستمر ذلك لفترة قصيرة فقط. إذا
حدث ذلك لك، قد يصف لك طبيبك بعض الأدوية التي ستتناولها مع الروكتان في هذه
المرحلة
نصرف جرعة الروكتان حسب وزن الشخص. و خلال فترة العلاج، قد نقوم بتغيير
مقدار الجرعة لذا يجب عليك تناوله بالطريقة التي أوصاك بها طبيبك
عادةً تكون مدة كورس الروكتان من 15 إلى 20 أسبوع تقريباً حسب الجرعة اليومية
و إستجابة المريض
لانصرف الروكتان إلا لشهر واحد حتى نضمن رؤية المريض كل 4 أسابيع لقياس
مستوى التحسن لديه و فحص مستوى الكولسترول و وظائف الكبد
إن نسيت أخذ جرعة في وقتها لا تعوضها بالمرة القادمة.(يعني ياحلوين اذا نسيتم
تاخذون حبة اليوم لا تاخذون بكره حبتين عشان تعوضون )
الآثار الجانبية تزول تدريجياً خلال أيام أو أسابيع من التوقف عن تناول الروكتان. في
حالة استمرار الآثار الجانبية لأكثر من بضعة أسابيع من التوقف عن تناول الدواء يجب
استشارة طبيبك
المريض على الكورس الثاني بعد 8 إلى10 أسابيع من إنتهاء الكورس الأول .
3-هل هناك أي ملاحظة خاصة للفتيات و النساء؟
نعم هناك ملاحظات وليس ملاحظة واحدة فقط وخاصة للمتزوجات, الروكتان يسبب
تشوهات خلقية شديدة في الجنين لذا منع الحمل ضروري هنا
عادة نجري فحصين للحمل قبل أن نبدأ المريضة على الروكتان بشهر واحد و نقوم كل
شهر بإعادة فحص الحمل
يجب على المرأة إستخدام وسيلتين لمنع الحمل قبل تناول الروكتان بحوالي الشهر و
أثناء تناول الروكتان أيضاً و حتى بعد التوقف عن تناوله لمدة شهر واحد
لاتتناولي الروكتان خلال فترة الحمل إطلاقاً أو فترة التخطيط له. و ذلك لأن ، بما في
ذلك تشوهات عديدة و قد يسبب الإجهاض (كان الصيدلي دايما يقول لأختي قبل
مايعطيها الحبوب:من شان الله ماتحمليش يانورة وهي مغير تقوله يابن الحلال كم
مره اقولك انا مو متزوجه.
يجب على كل من تريد تناول هذا الدواء قراءة استمارة الموافقة و التوقيع عليها
للتأكد من أن من ستتناوله على دراية تامة بالآثار الجانبية الخطيرة الناجمة عن الحمل
أثناء تناول الروكتان و منها العيوب الخلقية و كذلك الموافقة على تناول نوعين من
عقاقير منع الحمل
في حالة تأخر الدورة الشهرية عن النزول يجب التوقف عن تناول الروكتان و
استشارة الطبيب في الحال .
تنبيهات الاستخدام:
عدم عمل تنظيف او تقشير
عدم استخدام المنظفات والمقشرات
استخدام فازلين او كريم مرطب للجلد والشفاه وداخل الانف
عدم التعرض للشمس اطلاااااقا
استخدام واقي الشمس
يتبع
1_انا استخدمتها ستة اشهرمن سنتين وفعلا جف شعري وهاذي كانت بالنسبة لي نعمه لان
شعري دهني ولكن بعد سنه رجع دهني ولكن ولله الحمد بشرتي تحسنت ولكن اصبحت جافه وبا
النسبة لي ارحم من الدهنيه ومشاكلها لان شوية كريمات وعنايه وتحل المشكلة واحرصي على
كريم ضد الشمس يوميا حتى لو ما طلعتي من البيت لانه خلال العلاج تكون البشرة حساسة من
الشمس اكثر واهم شي تحرصين خلال اسخدامها على متابعة الطبيب والتحاليل وكثري من شرب
السوائل ووضع القطرة المرطبه للعين وانشاء الله ما يكون الا خير بصراحة انا اشجعك على
استعمالها .
2-السلام عليكم
صديقتي استخدمتهاااااااا
وهي ممتازه كونها تشيل الحبوب اللي بالجسم
بس تسبب بلاوي متلتلة
يعني اذا بتستخدمينها لازم تبعدين عن الدهون لانها تزيد الكوليسترول بالدم
وكمان مثل ماقالوا الاخوات تسبب جفاف شديد
3-السلام عليكن….
بنات انا استخدمت هالحبوب لمدة 6 أشهر ……ونوع الحبوب لي كنت أعاني منهن صغيرة يعني
هب من النوع لي يلتهب ….بس كان فيني طمع ان بشرتيه تغدي شرات اليهال يعني صافية
وناعمة.والحمدلله الحمدلله الحمدلله والفضل لرب العالمين اني نلت مرادي وغدت بشرتيه شرات
ماكنت احلم….الحمد والشكر لك يارب.. بنات ربية يوفقكن ويعطيكن مرادكن لازم تعرفن ان قابلية
اي جسم عن غيرة يختلف<<<< يعني ردة فعل الاجسام والبشرات هب شرات بعض…بس انا
بعلمكن بلي استوا لي…….
المشاكل لي كنت أعاني منها خلال فترة العلاج……بسيطة وما عنتني لها الزود
*جفاف بسيط فالبشرة<<<<<يعني كل حين لازم تحطين مرطب عسب ما تتشقق
*جفاف فالشفايف<<<<<<< كل حين لازم تحطين فازلين
*جفاف في العيون<<<<<<< لزوم استخدام مرطب
*حالتية النفسية كانت مغربلتني<<<<<< بس كنت اعرف انه من الحبوب لان الدكتورة علمتني
قبل لا اتعالج بان هالحبوب بتأثر عليج ….فكنت احاول اتحكم بعمرية شوي….يعني اصلي واذكر
ربية والتهي ويا هلية ودراستية
بعد العلاج…..
الحمدلله مضى على فترة علاجي 4 أشهر تقريبا والين احينة بشرتية ماشاءلله تبارك الرحمن قمة
في الروعة….والحمدلله ما أعاني من مشاكل لا صحية ولا نفسية….بس لا تنسون أهم شي خلال
فترة العلاج وعقب فترة العالج تستخدمون كريم ضد الشمس لانه فذيج الساعة يرطب البشرة
ويحميها من الشمس اخ من الشمس
ملاحظه( بنات دخيلكن لا تستخدمن هالحبوب الا باستشارة طبيب…..لان شرات ما قلتلكن طبيعة الاجسام تختلف)
وتوكلن على الله وباذن الله يعطي كل وحدة عقد نيتها ان شاءلله وزود……ويارب كلكن تغدي
بشراتكن شرات ما تحلمن وعسا الرحمن يملي دنياكم افراح ورضا وسعادة..
بنات لا تنسني من الدعاء ان رب العالمين يتمم لي كل شي على خير………الله يحفظكن
4- تكملة للرد اللي قبلة
اطلب السموحة منكن…نسيت اعلمكن باثر من اثا ر الروكتان لي الين احينة
ماخف ………شعرية يا بنات شعرية راح فيها…..سبحان الله فقدت غلاظة شعرية وحلاته بس
نلت بشرة صافية والحمدلله على النعمة………..يعني باختصار الروكتان يطيح الشعر وااااااااااايد
وشعرية خف يا بنات بشكل ملحوظ ……..يعني صح مستانسة فبشرتيه بس يوم اناظر الشعر
اتكدر واذكره كيف كان قبل العلاج…..بس ماعليه ان شاءلله بيرد مع الاهتمام باذن الله
هاي هيه قصتيه مغ الروكتان…..واتمنى لكم الخير زود وزود ان شاءلله ولا تنسون تذكرون ربكم
فكل خطوة تخطونها وباذن الله تتوفجون فحياتكم….
ادعولية يا بنات ان الرحمن يتتم لي كل شي على خير…..الله يحفكن خواتي
تنبيه:
بالنسبة لي اني ولله الحمد مشكلة تساقط الشعر مالاحظتها
واختي اصلا شعرها من زماااان يتساااقط فمالاحظت شي
مع اني اول مره اقرا ان الروكاتان يسبب تساقط للشعر؟؟
5-انا بعد استخدمتها
مره روووعه صحيح تسبب جفااف ومشاكل وقرقه
خلصت منها الحين والحمد لله كل شي تمااام التماام فرق السماء والارض عن بشرتي اول
والحين …. صحيح باقي اثار الحبووب بس مع التقشير ان شاء الله تروووح
لازم تحلليلات واستشارة طبيب قبل وكل شهرين تحليل
الحمد لله نفسيتي كانت عال العال ماتأثرت ولا شي بس شعري حسيته طاح وعيوني للحين جافه
(( تركته من شهرين او اكثر))
ماسمرني ولا بيضني عادي
6-اهليــــــــــــــــــــــــــــــــــــــــــــــ ن
انا الحين قاعده استخدمها والحين انا باخر شهر مره تسبب الجفاف وماينفع تستخدمين معها
خلطات لان تكون بشرتك حساسه وقتها وماينفع يستخدمونها المتزوجات لانه اذا حملو يجي
الجنين مشوه بس بشرتي ال حين مره خطيره صح طلعتلي امس حبه مدري وش تبي بالحياه بس
عموما مره حلوه استخدميها بس خليك مع دكتور يتابعك
ايه صح قالولي ممكن يجيلك رعاف بخشمك وجفاف بعيونك والخ
بس ماجالي شي يمكن جفاف بعيوني بس بسيط مره وامنعوني من العدسات ومن الحلاوه قالو اذا
بتشيلين جسمك شيلي بآله ومنعوني برضو من المشقر ومن الدهون ومن الدسم والزبده والسمن
والسلمون واشياء كثيره……
ملاحظتي:
انا لبست عدسات بس مو كثير يدوب مرتين في السنه << تكلفتي
وعادي ماحسيت بشي
وكنت اشقر بس للامانه شقرت مرتين بس طوال سنه كامله اللي هي فترة استخدامي .واشيل بالشمع عاااادي مافيش اثااار جانبية ولله الحمد
والدكتور نفسه مامنعني من اكل اي شئ
7-انا كملت اربع شهور الحين والحمدلله ماعندي ولا حبة
كلها راحت وباقيلي شهرين واخلص
8-والله الحبوب والكورس يهبل بصراحه انا استخدمتها مرتين
مره ما كملت الكورس للاسف عشان زواجي ولكن وربي نتايجها تهبل وتجنن بياااض وجفاف
وتصفي البشره وتوحد اللون
بس على حسب بشرتك وايجابياتها
وهم على حسب مدة الكورس وكم جرام تاخذين على وزن جسمك
لكن ما تسمر ولا شيء وبعدين تزيد الحبوب عندك لكن تنقطع للابد باذن ربي حتى النثرات
الخفيفه تروح وتزول
مع الاستمرار بالعلاج لكن ما تنفع لاي متزوجه لانها تسبب تشوهات للجنين وموت له
يعني اذ مو متزوجه استخدميها ولا تتزوجين الا بعد ما تتركينها ست شهور ياله ينتهي مفعولها
من جسمك انا الحمد لله والفضل له اني استخدمتها وتطلعت النتائج كويسه مرررره ومرضيه لكن
بعد البياض اللي حصلت عليه راح لكن تزيل الحبوب لابد ودعواتك لي بالزوج الصالح اللي
يعوضني عن طليقي يارب وجميع بنت المسلمين
9-بس انا سمعت عن وحدة تقول قبل لا تاخذها وقعوها على تعهد انه اذا صار لج شي على
مسؤوليتج
انا دكتوري كلش ما وقعني على شي و يقول اذا تركتيها لمدة شهر يروح مفعولها
10-انا استخدمتهم كورس كامل لمدة 6 اشهر وبصراحة مفعولها *** ***
والدكتور وقعني انا وزوجي على تعهد اني ما احمل خلال فترة العلاج وبعده ب 3 اشهر للامان
فقط . واذا وقفتي العلاج ما ترجعين تاخذينه مرة ثانية
تنبيه:
اهم شئ قبل صرف الدواء انك توقعين على تعهد انك قد المسؤلية وراح تنتظمين في العلاج عشان الدكتور يخلي مسؤليته لو حصل لك شئ بسبب اهمالك
وبالفعل انا وقعت واختي بعد
11-واااااااااايد اعرف شباب وبنات من العايلة خذوها النتيجة مشالله *** تهبل البشرة ترجع
12-حبوب الروكتان تقضي على حبوب الوجه البكتيرية ولا تقضي على حبوب الحساسية
مضارها انها تنشف الجسم كلة من الدهووووون يعني جلدج نااااااشف طول فترة العلاج بس هذا
اللي حاصل معاي وانا بدايه فيه من 5 شهور
وهم بعد لازم تاخذينة تحت اشراف دكتور حتى يسوي فحوصات على طول
حتى يشوف تأثير هالحبوب على الكبد ووظائف الكلى اذا سبب لها مشاكل او لاء
من كلام دكتوري يقول خاصة في منطقة الخليج لحد الان ما شفنا نتيجة سيئة اللي يستعلمون
هالادوية واغلب النتايج السيئة اللي تأثر على الكبد في اوروبا وامريكا والسبب تعاطي الخمور ..
الخ
مدة العلاج 6 شهور وقد تستمر 8 شهور
تقضي على الحبوب نهائيا
يتبع
.gif "Eh S(17)")
نعم لأنه الدواء الوحيد تقريباً الذي أثبت قدرته على علاج حب الشباب الشديد وتقليل
فرصة حدوث الندبات وأعراضه العديدة التي ذكرتها بالأعلى يمكن التحكم بها وبصورة
كبيرة جداً عن طريق المتابعة المستمرة مع الطبيب المعالج كل 4 اسابيع, عادة أرى
بعض المراجعين الكبار بالسن والذين كانوا يشكون من حب الشباب الشديد أيام
مراهقتم ولكن لسؤء الحظ لم يكن الروكتان متوفراً بوقتهم فنشاهد أثار حب الشباب
واضحة رغم قدمها
يأتي كل من لديه حبة أو حبتين من حب الشباب على وجهه ويسألني أن أعالجه
بالروكتان, طبيب الجلدية هو المسئول عن معاينة مريضه و علاجه العلاج الازم حسب
حالته.
ختاما:
انا هالموضوع من زمااان كان ودي اكتبه عشان افيدكم لاني اول كنت بالضبط مثلكم
متوهقه مع النفر والحين الحمدلله صاافية
وياليت اي احد قرا كلامي انه يذكر الله من بعد ماصفت بشراتنا انا واختي
وصديقتي<< ترى العين حق وشئ طبيعي ينخاف منها
انا مده علاجي خلصت الشهر اللي راح ولله الحمد بس بقى حبه واحدة في الكرتون
ولحد الان ماأكلتها مخليتها عشان اصورها واكلها لاتلوموني تراني صرت اعشق
حبوبي من غير شر كيف لا وهي اللي شفتني من بعد ربي
عالعموم اذا احد عنده اي استفسار او سؤال لا يرده الا الكيبورد
اسالوا ولا تستحون
واتمنى من اعماااق قلبي انكم تكونوا استفدتم من موضوعي
طبعا بنات لاتسألوني شئ لان توني استعملهم اليوم صارلي اسبوع
وان شاء الله يفيدوني
واتمنى تستفيدون من الموضوع واللي لها تجربه مع هالعلاج ياريت اتفيدنا
وعندي سؤال هل الجفاف يبدي باول العلاج ولا بعد فترة اسبوعين او شهر
وهل يجف الشعر ؟ واذا ايي هل يروح بعد ترك الحبوب ولا لا لان انا شعري
بطبيعته جاف من غير شي
ومشكورة وايد على الموضوع ويعطيج الف عافية
|
المشاركة الأصلية كتبت بواسطة قمر حياتي
 ياليت اذا تعرفين دكتور او دكتورة زين نعالج عنده سواء خاص او حكومة(غير عيسى بشور)
وعندي سؤال هل الجفاف يبدي باول العلاج ولا بعد فترة اسبوعين او شهر وهل يجف الشعر ؟ واذا ايي هل يروح بعد ترك الحبوب ولا لا لان انا شعري بطبيعته جاف من غير شي ومشكورة وايد على الموضوع ويعطيج الف عافية |
هلا اختي …
انا اراجع باسعد الحمد عند الدكتوره رنا سوريه بالبدايه ماعطتني الحبوب
عطتني مطهر ومرطب وكريم للحبوب وتحاليل بعد شهر ماكان في فايده
عطتني نفس الادويه وزادت عليهم ىمضاد حيوي وسوتلي تحاليل ثانيه
عشان اذا مافاد العلاج تصرفلي الروكوتان ….
وبعد شهر رحت الموعد والحمدلله تحاليلي كانت زينه وصرفتلي العلاج
والحين لي اسبوع استعمل العلاج بس بشرتي شي بسيط جفت
بس يمكن تبين الاعراض الثانيه بعد فتره
بالنسبه لجفاف الشعر اللي اعرفه ان يروح بعد شهر او اثنين من انتهاء الكورس
بس سالي دكتور افضل
والعفو حبيبتي اسعدني مرورج وانا بس نقلت الموضوع للافاده
رووووعه روووووعه رووووووووووعه كلمة رووووعه شويه عليه
ماشاء الله بشرتي صارت صااااااااااافيه
والحلو فيه مفعوله طويييل >> أنا ماخذه الحبوب من شهر 1-2010 يعني تقريبا صارلي سنه
والحمدلله رب العالمين مارجعت الحبوب كللش
وعساني أودعها نهاااااااائيا
|
المشاركة الأصلية كتبت بواسطة Esraa.a
أنا عن نفسي استخدمتهم لمدة 6 أشهر بعد معاناة مع الحبوب >> مافيه علاج ما جربته .. مافادني إلا الرؤكيوتان
رووووعه روووووعه رووووووووووعه كلمة رووووعه شويه عليه ماشاء الله بشرتي صارت صااااااااااافيه والحلو فيه مفعوله طويييل >> أنا ماخذه الحبوب من شهر 1-2010 يعني تقريبا صارلي سنه والحمدلله رب العالمين مارجعت الحبوب كللش وعساني أودعها نهاااااااائيا |
|
المشاركة الأصلية كتبت بواسطة Esraa.a
وأي استفسار انا حاضر بس دزولي عالخاص أخاااف أضيع الموضوع لأني ما ارجع حق المواضيع مره ثانيه
|
مشكووووووره ياقلبي على ذكر تجربتج والله يبعد عنا وعنج الحبوب على طول
وانا الصراحه عانيت وايد من الحبوب تخيلي عمري 34 وليلحين ويهي محبب مليييييت
لكن مو وايد نفس الصور لا بس لازم فيه حبتين ثلاث
رفــــــــــع لــلإفـــاده
و حتى اللون توحد مشكوره على المروووووور والرد