حبايبي اللى ولدوا قيصريه مرتين والحين حامل تدخل بليييييييييز

السلام عليكم
اشلونكم وشخباركم
عساكم بخير انشالله
انا صارلي والده تقريبا 7 اشهر وهذا ثاني قيصريه لي ولله الحمد
وابي استفسر اللي احملت بعد القيصريه الثانيه جم شهر او سنه وحملت
على فكره انا بحملتي الاولى قيصريه وحملت بعدها ب6 اشهر وولدت قيصريه ثانيه وعندي بنوتين
وابي الله يرزقني بولد عشان ارتاح من التعب القيصريه ومفكره احمل
وبالنسبه لحبوب منع الحمل انا استخدم الياسمين وصارلي 7 اشهر وودي اوقف بس اتقولي الدكتوره اذا وقفتي تحملين وموزعين على احمل الحين
وماني عارفه علموني
وابي اللي الله عطاها ولد شنووو نظام اللي اتبعته نظام الغذائي ووين راجعت اي دكتوره اب التفاصيل بالضبط
والله يجازيكم الف الف خير ياحبايبي ومالي غيركم

اشدعووه ماحد فيكم يرد
ردواااااا على ولوا بدعوه حلووووه منكم

انا ولدت قيصري
وقالت لي دكتورتي الامريكية اقل شي لازم انتظر 15 شهر حتى أحمل مرة ثانية

مشكوره اختي على المعلومه
انا حاطه في بالي سنه وبعدين انشالله
بس بالنسبه لحبوب منع الحمل اشلون مومعقوله استمر عليهم اخاف ياثر موزين على انا الحين ماخذتهم صالي 7 اشهر وشعري يطيح
ابي ردود تريح بليييييييييييييييز

وينكم ياكويتيات ووين وقفتكم ناطرتكم ؟؟؟؟؟؟؟؟؟؟؟؟؟؟؟؟؟؟؟؟؟؟ظ

لم اميرة يفضل تنطرين على الاقل سنة بعد القيصرية الثانية

و استشيري دكتورتج قبل الحمل لانها هي الي تقدر اتحدد لج هل الرحم رح يتحمل او لا و كل شي بيد الله سبحانه و تعالى قبل كل شي

شوفي حبيبتي انا والدة مرتين قيصرية وبنتي عمرها هالحين اربع سنين ونص ما شاء الله وتوني فكرة بالحمل لاني بولدي البجر حملت وهو عمره 10 شهور وهذا الي خلاني اولد قيصرية مرة تانية فانتي خافي على صحتج لانه مو زين هاذي عمليات حبيبتي مو اي شي تخيلي انتي واحد او وحدة كل سنة مسوي عملية شلون رح تكون صحته العملية تنقص من عمر الانسان وصحته ديري بالج على بناتج ونطري تو الناس عالاقل اصبري سنتين يرد رحمج عادي وتردين صحتج حتى لو تشوفين نفسج تمام لا ترى جسمج تعبان للحين وخصوصا انها مو اي عملية لا عملية بعد 9 شهور حمل يعني الجسم رايح فيها
وبالنسبة للحبوب انا طول هالفترة اخد حبوب وما سوولي شي الحمد لله واذا لحبوب متعبينج تقدرين تغيرينهم لان مو اي وحدة يناسبونها اي حبوب غيري لين ترتاحي وانا قطيت لحبوب وحملت ما شاء الله على طول ما كنت مصدقة اني رح احمل على طول وكنت اشيل تقيل واسوي كل شي والله ما كتب وطاح وحملت مرة تانية والحمد لله ديري بالج على صحتج وعلى بنوتاتج الله يخليهم لج

ماعندي خبر

هلا والله بالغاليه ام خالد حبيبتي والله انه ادويتج خوش ادويه وتستاهلين كل خير بصراحه والله لانج حبوبه وبنت ناس وطيبه
اي ادري مو الحين بس حبيت استفسر واخذ رايكم اي والله شكلي بسال الدكتور وقالي يوم ولدت ارتاحي على الاقل سنتين او سنتين ونص
بس انا مادري قاعده افكر بهالحبوب واخاف اخذهم موزين اطول واذا هديتهم اخاف احمل وحاله مادري شنو اسوي؟؟؟

مشكوره اختي الغاليه على النصيحه والله صاجه تعب وشقى واذيه بس شنو انسوي
الله يكتب اللي فيه الخير لنا كلنا يارب

الله يرزفج بالولد الصالح نصيحة لوجه الله اذا فكرتي تحملين بعد التوكل على الله سبحانه وتعالى روحي لدكتورة فوزية القطان او معصومة مخصيد اخذي نظام الحمل بولد مع اليقين التام بان الله هو الرازق ترى هذي عملية ومعروف الريال لو جبتي البنت الثالثة راح يتضايق حتى لومو بين عليه توكلي على الله انا اعرف وحدة معاها اربع بنات كلهم عمليات مفكرة تحمل بتوام وتخلص من حنة الريال تقول يمكن يطلع بنت وولد متفائلة والله يرزقج بتوام صبيان

الله يسلمج ومشكوره على الدعوه والله يسمع منج
ويزقنا ويرزق كل وحده يارب
مشكوره ياقلبي

ام اميره شفتي الخاص؟؟؟؟

ليش مستعجله لسى اطفالك صغار انصحك تنسي الموضوع لمدة سنه عشان يرتاح جسمك

اختي مومستعيله بس ابي اعرف تجربت خواتي اللي مروا بوضعي وبس والله كريم انشالله انفيد ونستفيد من بعض