حامل ومعاناة مع الحديد

مساء الخير بنات

انا حامل وتوني بالاسبوع السادس بعد ما سقطت بحمالي من قبل 3 شهور

بس عندي مشكله بالحديد نااااازل حيل عندي 4 الحديد

والدووخه متعبتني حيييييييل

قاعده اخذ حبوب للحديد والدوخه وهم وصفلي الدكتور امبولات فيتامينات

بس تعبانه من الدوخه اول مره يصير فيني جذي :"(

اللي عندها وصفات تساعد ان الحديد يرتفع بليز تساعدني

مشكلتي ماحب اللحم ولا الطماط

شنو في اكلات ثانيه مفيده ؟؟؟

الجرجييييييييييييير زين للحديد

الخضرا

شوفي بالنت طلعي شنو الاكلات اللي فيها نسبة حديد وإكليها

• الكبدة ، الكلاوي ، القلب ، اللحوم الحمراء ، الدجاج ، السمك ، صفار البيض ، البقوليات المجففة كالفاصوليا والعدس والمكسرات والبذور .
• الخضروات ذات الأوراق الخضراء ( السبانخ – البقدونس – الملوخية – والقرنبيط الأخضر ) .
• الفواكه المجففة ( المشمش – التين – التمر – الخوخ – الزبيب ) .
• الحبوب بقشورها ومنتجات الحبوب الغنية بالفيتامينات ، البطاطس بقشرها .

نموذج لقائمة طعام تحتوي على نسبة عالية من الحديد :-
الإفطار :-
• كوب من عصير الفاكهة ( مثل البرتقال أو الجريب فروت أو الطماطم ) .
• بيضة واحدة ( معدّة بأي طريقة ) .
• ثلاث قطع من خبز البر العربي أو الشرائح .
• كوب من حبوب الإفطار الغنية بالحديد ( اقرأ المكونات عند الشراء ) .
• كوب من الحليب قليل الدسم .

مشكووووره اختي مشتطه ما قصرتي بالرد

عاد احب الجرجير

بس وحده قالتلي اول الاشهر مو زين للحمل حار !!!!!

صج كلامها ولا تألف d:

مشكووووره اختي مشتطه ما قصرتي بالرد

عاد احب الجرجير

بس وحده قالتلي اول الاشهر مو زين للحمل حار !!!!!

صج كلامها ولا تألف d:

امبيه من صجج دمج 4!!! حيل نازل ديربالج

كثري من التمر والكبده يرفع الدم

وفي نوع حبوب حديد قوي اسمه (تريهيميك) وايد زين ونسبة الحديد فيه عاليه سألي دكتورتج عنه وبعدين اخذيه

والله يشافيج ويسهل حملج يارب

مشكوره اختي ليبرا عالرد

موعدي الياي بسأل الدكتور

لان الدوخه متعبتني ماقدر حتى اسوق

انتبهي تكثرين كبده بالشهور الاولى

الدكتوره نبهتني يوم كانت شهوري الاولى

المفروض يعطيج ابر

انا ما ارتفع الدم عندي وقت الحمل الا بالابر

واشربي عصير رمان يقولون يرفع الدم

ويييه حبيبتي ماتشوفين شر
كلامي نفس البنات بس يزيد ان حبوب الحديد لازم تشربين معاها عصير برتقال لان الحديد حتاج فيتامين سي عشان الامعاء تمتصه
الا اذا بتاخذين تريهيميك ما تحتاجين عصير برتقال لان تريهيميك في فيتامين سي بس سأالي دكتورتج
الله يساعدج ويشافيج يا ربي

انا ماكل جبده ماحبها

مشكووووره اختي ماقصرتي

قاعده اشرب برتقال عشان الامساك وانتي بكرامه

قالي الاسبوع الياي ان مارتفع بيعطيني ابر :"(
وانشالله بكثر من عصير الرمان ماقصرتي اختي عالرد

كثري من السبآنخ وعليج بالقريب فروت فرش كل يوم وبرتقآل كل يوم عصير او تآكلينها والفلفل ترى مفيد وآيد شوفي فوآيده بالنت وعصير الرمآن بعد يرفع الدم إم زوجي كآنت تقول لي عن عصير الرمآن والبنآت كفو ووفو ولآتنسين التبوله حآولي كل يوم تآكلينها

مشكوووووره اختي
مشكلتي ماحب كل انواع الاكل ماحب التبوله

بس عصير الرمان احبه
والسبانخ هم احبه

اشكرج