حاله ريلي الغريبه

سلام عليكم بنات
مادري من وين ابتدي بس ماكتبت مشكلتي الا لما احترت وياست تقريبا
بدت من شهرين بنات انا استمرضت نص شهر 12 وكان انفلونزا قويه قويه
وطحت بالفراش اسبوع كامل ولما كان يقرب ريلي مني ماكنت ارضى لاني تعبانه انشالله فهمتوا علي ومن بعدها يابنات ريلي صاير جاف معاي يكلمني من طرف خشمه وعلى طول يجعمني محسسني انه وجودي وعدمه واحد
بنات اهو ماعذرني كلش ياني بوقت كلش غلط وووقته انا اصلا كارهته لانه ماكلف على نفسه يوديني الطبيب عالجت نفسي بالادويه القديمه
والحين صار لي تقريبا شهرين مايقرب يمي كلش امس حاول بس فجاه قلب علي وسبح وطلع من البيت
صاير لايطاق واحسه كارهني كره اليهد والله انا مو مقصره عليه بشي يعني لي متى هالجفا
لحد يقولي اعتذري منه لاني جربت ويطخ شويه ويرجع لحالته الغريبه حتى سافر من شهر مع ربعه ومارديته قلت يمكن يغير جو وحالته الماديه تمام
عطوني حل ؟ احس انه الملائكه تلعني ليل ونهار

لا ياقلبي وش تلعنك الملائكة يعني انتي مامنعتية عن نفسك كذا بدون سبب بوقت مرض ومستحيل ولا وحدة فينا تعبت وصارت مالها اصلا خلق تاكل وتنام خلي عاد ….بس الرجال اللة يهديهم ياتسوين اللي يبونة يايزعلون مايتغيرون وزوجك عاد اللة يهدية المفروض عاد يتفهم الوضع وكذا مو خلاص قلبها زعل …بس انا مااشوف تعتذرين لانك ماغلطتي او جرحتية مثلا بس لازم تقعدين معاة وتناقشينة شوفي لك وقت مناسب وقول ابغى اتناقش وياك وعاد كلمية اسالية شالسبب ووضحي عذرك وانشاء اللة يفهم بس لزوم تناقشية يمكن عندة سبب ثاني والا شيء .واللة يسخرة لك

ماتناقشتي معاه عن تغيره
متأكدة ان بداية زعله بسبة فترة المرض؟
ولا في مشاكل ثانية
انت رفضتيه لانج مريضة ولا اسباب ثانية؟

اتوقع في تراكمات قديمة بينكم
الله يصفي النفوس ويهديه

اسئلية
مافية احسن من الصراحة
والله يهدية

الله يعينج ويهديه يارب شوفي حبيبتي شياي من راسج كلمت هو كارهني وما يبيني هذي بدايت الفشل ودام هو ياج وحاول مثل ما تقوليج يهني هو يوله عليج ويبيج مو مطلوب منج اللا انج تغيري من نفسج يعني سوي نيولوك لو صارلج فتره مو مغيره بنفسج غيري استايل لبسج بالبيت لبسي ملابس اغراء اكثر وعليج وعلي العطور الهاديه او الفواكه لها تأثير قوي ابعدي عن العود والعطور العربيه بالبيت غيري من شكل غرفة نومج يعني حركي مكان السرير سوي تغيير بكل شي قدر امكانج ولا تروحيله هو راح اييج اكيد راح يحس بالتغيير وبيشوفج عروس يديده انشاء الله صدقيني راح تنحل مشكلته بأذن واحد احد ولو انحلت لاتنسيني بالدعاء بالذيه الصالحه

اذا مايرضــى بالنقآش ..~ اكتبي مسج ..~ وضحـي اسبآبج وان الوضع مو عاجبج ..~ وانج خايفه عليج ذنب ..~

الله يهديه

[ الاستغفآر يغير مآفي الاقدآر ]

ردي كله بدليات لاتوخذيني كنت بكتب بسرعه علشان ما انسي شي

من شهرين وحاط في قلبه لا اله الا الله الله يهديه حاولي انج تتقربين منه وتعوضينه لا تيئسين اهو بيتدلع في البدايه بس انتي تقربي حتى لو صدج والله يصفي القلوب

حبيبتي عادي فترة ان شاء الله وبيطخ سوي له هذيك الليله السنعة وتعدلي وتكشخي وتدلعي عليه الييييييييييييييييين يطيح مافي راسه يمكن اسلوبج معاه كان موشي عاد الرجال كل شي ولا كرامته..الله يهدي نفوسكم ويسخركم لبعض..

مساء الورد … شوفي … انا عندي لج حل و انشالله تجربينه و تدعينلي … جهزي نفسج بيوم عدل و روحي الصالون سوي نيو لوك و جهزي غرفه النوم بشويه شموع و موسيقى هاديه واحلى لبس مغري و خلج شوي جريئه ..اول ما يوصل قولي له …ابييييييييييييييييك …ولزقي فيه وحتى اذا شفتي منه برود كملي وخلج حدج ذايبه لين يستسلم …ترى الريال يحتاج يحس انه مرغوب فيه و انه يثير شهيتج . و ترى مو عيب ولا حرام بالعكس من المستحبات ان المرأه تعرض نفسها على زوجها

الله يهديه

اتوقع مو هاذا السبب يمكن اهو عنده مشاكل خاصه ومتضايق

طولي بالج واقري قران وكثري الاستغفار والله يهدي النفوس

كلميه قوليله لي متى راح تعاملني بهالطريقه ؟؟

وطلعي كل اللي بقلبج بمسج

وانشالله فترة وتعدي

السلاام عليكم ورحمة الله وبركاته
شووفي حبوبه
لازم تعرفين مزاج زوجج يسمح بالنقااش واللا لا

ما تقصرين على نفسج باللبس والكشخه والميك اب النااعم عشاان يشووفج باحلى صورة سواء كان زعلاان واللا لا
والاهم نفسج تكوون مرتاحه وقابله للنقااش

اذا ما قدرتي تكلمينه اكتبي مسج ووضحي كل اللي بخاطرج
اكتبيه برساله ودزيها له او بورقه وعلقيها ع المنظره

وخلج متأهبه

بوقت النووم خلج كاشخه والابتساامه مرسوومه سوي نقش حنه ع الكتف مثلا >>>> الكشخه والفنتق لازم عشاان يتحرمص
اذا ما يحب الرسم ع الجسم بلااش منه عشان ما يهااوشج

والله يسااعدك و تتسهل بعوون الله

زعفرانــــــــــــــــــــــــــه

الله يهديه ويسخره لج
بس حبيبتي لازم تكلمينه عن التغيير اللي صارله يمكن في سبب ثاني وانتي مومنتبه

الله يصلح الحال يارب