حالتي النفسيه في الثامن

السلام عليكم بنات
بنات أنا أبي أكتب عن شي وهو حالتي النفسيه أثناء الحمل وخص بالثامن
النوم لالالالالالالا مافيه القوم مفزوعه من النوم القلق الخوف باستمرار من أي شئ
بنات أنا حاسه إني بأنفجر من الحاله هذا بس هل أنا لوحدي جذيه مع إنه مو أول حمل لي
وإلي عندها نفس الحاله تتكلم معي أقله تفضفض إلى فيها
سلالالالالالالالالالالالالالام

اتوقع هالشي عادي بسبب تغير الهرمونات انا الحين بالشهر الرابع احس باكتئاب غيرررر طبيعي و ساعات ابجي بدون سبب كل هذا بسبب تغير الهرمونات والله يقومنا بالسلامه انشالله
بس اذا تبين نصيحتي دايما اقري المعوذات قبل النوم و دعاء الهم والحزن و اكثري من الاستغفاارررررر يابنات شنو عجيب الاستغفار يبدل الاحوال سبحان الله و ماتشوفين شر يالغاليه

اتصدقين خرعتيني انا هذا أول حمال وانا الحين بالسادس وما انام شلون بالثامن الله يعينا , بس ماله داعي الخوف ادعي الله يسهل عليج وماكو الا العافيه لأن ترى الحاله النفسيه تأثر على البيبي .

مشكوريييييييييين يابنات كنت أحس إني بروحي
بسألحين الحمد لله وإلى cuteya22يعطيش العافيه على النصيحه الحلو أممموه
وإلى noniaلاتخفين ولاتخرعين كلها مجرد فتره وتعدي والله يهون علينا كلنا حوامل المنتدى اللهم آآآميييييييييييييييييين

شي طبيعي حبيبتي انا من دشيت الثامن ثقلت …
ما اقدر انام عدل بس حلوم و كوابيس بالولاده …
غير اني ما انام إلا ورا راسي مليون مخده عشان ما يدور راسي …
يالله كلها ايام قلائل و ترتاحين …
الله يهون عليج و على كل حواملنا وتولدون بالسلامه

مشكوره حبيبتي , الله يهون علينا كلنا .

انا الحين باخر السابع يعني ما بقى شيعالثامن بس جنج قاعة تتكلمين عني لاني نفس الحالة لا اقدر انام وعلى طول تفكير ومالي خلق شي لا طلعات ولاهم يحزنون حتى الدوام قطيعة كرهته واعد الايام بس احس اني اكتفيت ابي اولد
بس الي قاعد يهون علي ان كلها شهرين واولد يعني فات الكثير وما بقى الا القليل

الله يهون عليج وتقومين بالسلامه

حبيبتي

انا مثلج بالثامن

وتعبانه وثقيله والنوم بالحسره جسمي متكسر وعظامي مفججه

وريوله مورمه وتعورني

وحاطه مليون مخده وهم ماكو فايده

والدوام غصب اداوم

والكوابيس لابد منهااااااااااااااااا

كلنا بالهوا سوا

وكله بأجره عند الله حبيبتي

والله يسهل عليج وعلينا يارب

مشكوورين ياأحلى حوامل في النت ريحتوني شوي
والله يهون علينا ويقومنا بالسلامه

سبحان الله انا بعد من دخلت الثامن وانا حالتى حاله…
والله ان نفسيتى تعبانه وما لي خلق لأي شيء.. وثقلت
ما اقدر اقوم ولا اقدر اقعد…والنوم حدث ولا حرج..
كله كوابيس وبس رايحه جايه تكرمون على الحمام..
ولا اقدر انام على جنبي الايمن ولا الايسر وما ارتاح على نومه الظهر
والله مرات يقوم زوجي نص الليل يقول انتى شفيج قاعدة ما تنامين
الله يعين ان شاء الله..والله يسهل علي وعلى كل البنات…
وانا من الحين قمت امشي لان الدكتورة تقول ان المشي زين ..

إلى مي الحلوه الله يعينج لأني حاسه فيج صج والله صج النفسيه تعب في تعب بس هانت ماباقي شي يالمزيونه والله يهون علينا كلنا يارب

صج نسيت أقول كل وحده تدخل تقرأ تحاول تكتب عن اللي في نفسها خص فترة الحمال ترى الفضفضه حلوه
لأني إرتحت وكان كلام البنات حلو وايد الله يجزاهم خير

ياقلبي انا بعد بالثامن والله ما اقدر انام اقعد فجأءه مخترعه واتقلب ومابقه مخدات ماحطها بين ريوولي والله صداع ونفسيه زفت مالي خلق احد احس بس بصرخ وبتهاوش

الله يقوم كل حامل بالسلامة