|
|
بنات انا أول مرة اطرح لي مووضوع هني بهالقسم
ومكادري هالموضوع مكانه الصحيح هني أو لا بس انا اغلب اللي اعرفهم موجودين هني عشان جذي ابيكم تساعدوني
انا اول امس لقيتلي خدامة اللي تجي تنظف البيت ساعتين ثلاثة وتمشي لأني مثل ما قلت في أكثر من موضوع اني ماحب الخدامات بالبيت .. بس انا اشتغل وانهد حيلي شغل برة وداخل فا لقيت وحدة تنظف وتمشي تحت عيوني وتاخذ المقسوم
المهم أمس بليل نمت مبجر على الساعه 11 تقريبا كنت تعبانه .. والا اتحلم حل أعوذ بالله
للحين كل ما اتذكرة جسمي كله يقشعر !!!
حلمت ان البيت عندي كله مظلم مافي غير ليت واحد بس مبطل وكنت انا يا أختي الصغيرة بس ,, مافي أحد لا زوجي ولا ولدي .. والا الاقي الطباخ مالي اللي بالمطبخ مولع نار كله … والنار عاليه حيل .. شكله يخوف والا قمت أقول هذا شيطان بالبيت يا فلانه ( أختي) قمت أقول قل أعوذ برب الفلق .. لا اله الا الله .. الله أكبر
وقمت انفخ بالبيت … والا لقيت ماكو فايدة رحت على المسجل أبي اشغلة على أساس عندي سورة البقرة شريط والا أحط الواير بالكهربا والا الواير يذووب مني ومو عارفة أدخله بالكهربا قمت اصارخ أقول شنو هذا يارب ساعدني .. هذا شيطان قوي اللي عندي بالبيت ؟… واختي قامت تصارخ وتقول لازم نطلع مني .. انا قتلها بيتي ما خليه لشيطان .. والا الاقي المسجل بروحة اشتغل بدون كهربا والا أسمع قرآن استغفر ربي العظيم ويا دق عوود .. قمت اسكر اذوني واصرخ .. والا قلت لا انا ايماني بالله أكبر والا رحت وقطعت الواير وحطيته غصب بالكهربا والا اشتغل القرآن لقيت النار بالمطبخ طفت الا العين اللي بالنص ظلت مولعة بس خفيف .. والا أطل عند باب الحمام لقيت أعوذ بالله شي فوق المرعب ماراح أنسى شكلة .. بس كان على هيئة مرة مو ريال .. مرة شكلها يخوف .. والا اقول .. أعوذ بالله والا تسحبني من شعري ادخلني الحمام قمت اقول لا اله الا الله الله أكبر.. وانا بالحمام والا زدتني طيحتني برة الحمام والا أقعد من النوم وانا اشهق على أذان الفجر يقول الله وأكبر ؟؟؟؟
انا من ساعتها وانا مرعوبة معقولة الخدامة هاذي مسوية شي ؟؟ وليش تسوي انا زينه معاها والله وايد .. أستغفر الله .. يارب يبعد عني وعن بيتي كل شر ادعولي بنات .. وقولو شرايكم ؟؟
اطردها ما خليها ترد البيت بعد ؟؟ والا ما أظلمها لأنها مسكينه وايد صراحة ونظيفة حيل ومتحجبة وكلة تسمع الكلام يعني احس ما منها خوف مادرس شسوي ؟؟
ادري قرقت بس ساعدوني .. مو نايمة من أمس الفجر وانا افكر بهالحلم ؟؟ 
ملاحظة الخدامة اندونيسية ومسلمة ومحجبة
في بس عليج تقرين سوره البقره والمعوذات
الله يهدي بالج ان شاء الله
اذا حلمتي بأحلام جذي انفثي يا قلبي وتعوذي من الشيطان
ترا هذا الشيطان قاعد يلعب …ويبيج تتهيئين أِشياء مو موجوده اعوذ بالله منه
ماكو إلا العافيه حبيبتي وداومي على المعوذات
تعوذي من ابليس وشغلي قرآن في بيتج
وحصني نفسج الله يكفيج شرهاا واذاهااا
يمكن نومتج كانت غلط بهاليوم يعني نايمه على ظهرج او بطنج ترى هالنومتين واااااايد يأذون البني ادم سئليني انا
واذا على هالخدامه من تدخل البيت شغلي سورة البقره وخليها تعيييييييييد وماتوقف ابد ابد واذا كان فيها شي أو بلاء كلام رب العالمين يردها عنكم ان شاءالله
وتقبلي مروري
تحياتي
واهم شي ياقلبي تقرين اذكار النوم قبل لا تنامين
لأن هذا كله من وساوس الشيطان
واذا انتي تقولين الخدامه تشتغل تحت عينج يعني ماكو مجال اتسويلج شي
تعوذي من ابليس وماكو الا العافيه ان شاء الله
اذا اندونيسيه اطرديها لانهم معروفين
بهالسوالف واشكالهم بريئه واذا
انتي حاسه انه فيها شي لاتترديين
وايد خدامات في يشتغلون نص دوام
اعطيج ارقامهم اذا تبين واقري على بيتج
وان شاء الله مافي الا العافيه
عاد والله دايخة وراسي صداع واذا على النومة انا فيني ربو يعني مستحيل اقدر انام على ظهري أو بطني اختنق .. نومتي كلها على جنب
وأنا الحين بالدوام مجرد ما أرد البيت راح اشغل سورة البقرة بالبيت وراح أبخرة وصراحة نفسي كشت من هالخدامة مابيها بعد .. راح اشوفلي وحدة هندية أبرك ..
تسلمون حبيباتي .. خواتي كلكم أشكركم ما قصرتو
عسى الله يحفظج من كل شر حبيبتي
ماكو الا العافيه ان شاء الله..
كل ما صار شي قلتو الخدامه مسويه ***
شسالفه ليش تسوي *** يعني شنو القصد منه .. ماكو شغل كلما دشت بيت سوت *** ..
اتعوذو من ابليس والله الحافظ
وترا اللي يخاف من العفريت يطلعلو ( على قولت اخوانا المصرين)
يعني اللي تخاف من شي يصير فيها
واللي تخاف من الخدم بيضرونها