جيراني الجدد

السلااااااااااااااام

ما أدري اذا كان هالموضوع مكانه بهالقسم او لا بس انا شفت ان يختص بالحياة الزوجية

بدش بالموضوع على طول

انا ساكنة بشقة بروحي مو في بيت حموله و باجر ان شاء الله عرس المؤجرين اللي بالشقة اللي يمي بالبيت
السؤال :

شنو لازم اسوي حقهم يعني شنو علي من واجبات تجاه جارتي الجديدة العروس؟؟
يعني اقهويها و لا ازورها و لا أهديها ما ادري قاعدة افكر بالسالفة مع العلم اني ما اعرفهم أبدا ناس جدد يايين يسكنون جمبي و بس

مع العلم اني انا بعد عروس صارلي متزوجة 6 شهور تقريبا

و شكراااااااااا

حبيبتي قهويه او اعزميه فالكي طيب

لا تخلينها تطبخ دقي عليها قوليلها ان باجر انتي بتدزيلهم الغده وبس احس كافي لان احنه اول ما سكنه يارتنه دزتلنه غده الله كبرت بعينه ياحلوها ماشالله سنعه ماقصرت

ما شاء الله عليج

مبين انج طيبه وسنعه

اي حبيبتي عادي قهويها واهدييها

بتصيرون جيران وويمكن بيصير بينكم عشرره

ياحلااااااااااااااتج عطيني خدج ابوسه
فديت السنعه والللللللللللللللللللله والله انج سنعه وبنت سنعه ومتربيه على السنع فديت البطن اللي يابج والله

انا رايي انتي فكري شنو كان ودج جارتج تهديج سيت عطور مع بوكيه ورد حلو اتوقع واايد حلو

وقواج الله حياتي
او اذا تقدرين عطيها 50 دينار بظرف او اللي تقدرين عليه
30 40 اي مبلغ

وقواج الللللللللللله حياتي وماقصرتي
وعلى يوم عقب جذي 3 ايام وديلهم غدا بس قوليلهم بالاول اذا ريلج شاف زوجها عند الباب او بالمسيد خليه يقوله ان الغدا عليكم ومو شرط تطبخين طلبيلهم من مطعم حلووووو والله يوفقهم ويوفقج يارب

فديت السنع والله

والله انج زووووووغه وسنننننننعه

انا اقول العصاري طرشيلهم كيك و مكسرات و قهوة او عزميها عندج

تسلمين حبيبتي و كلج ذوق
بس ماني عارفه متى اقهويها يعني على طول جذي بعد العرس مو لازم شوي اصبر ماني عارفه

تسلميييييييييييييين حبيبتي و كلج ذوق يا عسل

المشكلة اني ما اعرفهم كلش يعنلا لا أسامي و لا حتى لقب العايلة و لا انهم بدو او حضر او شنو عوايدهم عرفتي محتارة

حبيبتى أول ما توصل اذا عندج خدامة طرشيها لها اتساعدها

وبعدين روحى سلمى عليها وقوليلها غداكم باجر على
وانا ما أفضل تطلبين من مطعم
اذا تقدرين انتى طبخى احسن

وقواج الله

اممممممممممممم

عسل وديلها مثل ما قلتلج ست عطر حلو ارشحلج سينما اينن مع بوكيه ورد وقوليلها الف مبروك والله يوفقكم جارتج فلانة الفلاني زوجة فلان الفلاني وحطي رقمج

وطرشيه مع خدامتج اذا عندج او خلي محل الورد يوصله لهم اذا تستحين ان انتي تقدمينه

وانا ارشحلج محل جدام مطعم عش الهنا في حولي ماادري شنو اسمه بس شغله حلو ساعات عنده شغلات اتينننننننننن

وعلى يوم بعد وديلهم العصاري اذا تهقين انهم موجودين قهوة وجاي مع صحن حلو او جم قاتوه من الخباز

وقواج الله حياتي

حبيبتي ,,
أولا أحيي فيج الروح الطيبة والإجتماعية ,,,
قولي لزوجج عن أصلهم ومن منو الرجال لأنه يمكن صادفة بالشقة وأهو يأثث ,,وإذا جت العروس قولي لزوجج يعطي زوجها خبر إن الأهل يبون يزورون المدام و روحي لها معاج قهوتج والجاي وحلو وفطاير وعرفيها بنفسج ووجبيها بغدا ثاني يوم ,,,

ماشاءالله عليج سنعه الله يحفظج
ودي لها ست عطور وغلفيه تغليف حلو مع باقة ورد وكل شي من ايدج حلو ..

نطري مو علي طول…بعد شهر..هذا راي يمكن يسافرون يمكن ماتقعد بيتها …

اذا معاريس اغلب اكلهم بيصير من المطعم او يطلعون برا لان تعرفين مايخلون حريمهم بالبيت بروحهم

اذا على بتودين لهم بعد يومين او ثلاثه غدا ومن باجر قهوه وشاي مو شرط تهدينها لانج ماتعرفينها والزواره يعني بعد سبوعين او شهر

<<<< هذا رايي لانهم بروحهم غريبين على بعض يبيله على مايتأقلمون على نفسهم وعلى بيتهم

طرشي لها حلو وكيك وهالامور والصراحه انا ماحب اكون علاقات مع الجيران

اول الجيران سنعين والعلاقات الحين محد له شغل باحد

زين لو ردت عليج السلام