جهاز تحليل بكاء البيبي؟؟؟؟؟؟؟؟

بنات بغيت أسألكم منو استخدمت جهاز تحليل بكاء البيبي؟؟

يحطون صوره قبل فترة بالجرايد..

و ما ادري اهني وين ينباع؟!

هل تحسون في منه فايده..

طبعا للي مايعرف طريقته هذا يقولج شنو سبب بجي الياهل هل يوعان او مريض او دلع الخخخخخخ

ياليت اللي امجربته اتفيدني لان ودي اشتريه و متردده هل راح استفيد منه او لا..

مع العلم انه حاصل هالاختراع على جوائز وايد…

فياليت تقولولي عنه او حتى اذا تعرفون احد عنده منه تقولولي عن تجربته..

والله ام فروحة احسة خرابيط وانتي شكلج بجر باجر تولدين وتعرفين تفرقين بين الدلع والتنهوص البجي الصجي

الله يرحم ذيج الايام حملت وولدت ويبت ورعان وعلمتني امي قالت لي الله يطول بعمرها يمه لي سمعتي الياهل يبجي يعني يكون يوعان والا حفاضته مضايقته اكرمكم الله والا غازات فبطنه

عاد انا لي بجا الياهل سميت عليه بالرحمن اذا انا متأكده انه توه ماخذ رضعته وحفاضته نظيفه وبطنه مو متفوخه احطه بحضني واقرا عليه ويسكت شحليله وينام

لاحطينا اجهزه استخبارات ولايحزنون

احسن جهاز استقبال وارسال للطفل الصغير اهو قلب الأم وآآآآآآآآه ياقلب الأم

وااااااااااااااااااااااي يالغالية نونو ذكرتيني بامي وااااااااااااااااااااه يا امي اشتقت لها حيييييييييييييييييل<<<<بتقلبها مناحة ههههههههههههههه

حبيبتي ام فروووحة ما اظن بفيدج هالجهاز لانه على قولة نونو والبنات قلب الام يحس سبحان الله يعني اذا ماكان يوعان او يبيله تبديل او ممغوص تلاقينه يبي يطلع يلعب ويشوف العالم نفس بنتي العوبة مااااااااااا تحب الغرفة بس تدور الطلعة دوااااارة عشان اليهال !!!!!!!

اول مرة اسمع عنه

انزين يمكن كل ياهل تختلف طريقة بجيته عن اليهال الثانيين !!

اي والله رغد انا بجر..

و حاطه في بالي ان مو كل ماقال الياهل آه اشيله..عشان مايتعود عالحضن..

فاخاف عاد الحاله تستدعي و انا حاقرته وعليه فقلت اشتري هالجهاز بس اذا مدحتوه او لقيت احد مجربة..

هلا والله بنووووووتة الكويت..

عاد امس قاعده اقرا المواضيع القديمه و اشوف ردودج قاعده اقول جنج مختفيه عن الساحة..لعل المانع خير ان شاء الله..

>> لو طارية مليوون ههههه

اي والله صدقتي احساس الأم ان شاء الله أحسس فيه قرييييييييب يااااااااا رب

الله يخليلج الوالده ان شاء الله و يطول بعمرها

ان شاء الله اعرف افرق بين كل بجوه و الثانية..

حلوه اجهزة المخابرات ههههههههه

مشكوره يا الغالية عالنصيحه..اي والله شكلج بتخليني اوفر على عمري ماقصرتي

ما حللوا بكا الجاهل الا يوم طلع الجهاز هههههههههه

الجهاز اسمه واي كراي …و كان نازل صار له 4 سنين تقريبا بس و الله ما فكرت اني اشتريه

و ظنتي ماله داعي بفلوسه ممكن تشترين شغله ثانيه تنفعج …نفس الجهاز اللي شسمه ( استغفر الله الحين نسيت ) هو صاير نفس التلفون اتحطين وحده بغرفه البيبي والثانيه عندج و تسمعينه اذا قعد او شي …صراحه الجهاز هذا حددده مريح يعني كنت اخلي بنتي نايمه بالغرفه و اروح اشوف التلفزيون بالصاله و لا قعدت اسمعها ……..

سن شاين الله يخليلج بنيتج ان شاء الله و تولدين بالسلامه

اي والله خلاص شكلي هونت من كلام البنات..ان شاء الله ماراح احتاج له و اعرف افرق..

ذكريات..

بشرحلج طريقته اهي تشوق..

مع اني هونت عنه ماراح اشتريه..

هذا الله يسلمج قريت عنه بالنت و كنت شايفته منزمااااااان بجريدة الوسيط الحين ما ادري ماقاموا يحطونه..

اهو حائز على براءة اختراع و جوائز عالمية و وايد تعليقات على المنتج ان حلو و عاجب الاوادم..

طريقته كل مابجى الياهل تطلعلج صورة بالجهاز يا اما ان غيري حفاضته او صورة ياهل مريض او صورة شي مضايقه مثل حر او برد او انه قاعد يدلع او يوعان الخخخخخخخ

كلشي يطلعلج..و اهم امسوين دراسه على وايد يهال كلهم سبحان الله طلعت نفس الاعراض اللي يبجون عشانها يعني نفس البجوه تطلع نفس الصورة و تضبط..

فمايحتاي اتجيكين على حفاضته مثلا عشان اتعرفين من شنو قاعد يبجي..

عبالي ان الجهاز مشتهر ماتوقعت موسامعين عنه بالذات اللي عندهم يهال ..

بس على قولتكم اذا احساس الام بيعرف كل هذا ان شاء الله بجرب احساسي ولو انه بو طقه هههههه