جنيني في وضع الولاده وانا في الشهر الخامس .هل هذا طبيعي؟؟

مساء الخير اخواتي..
بغيت استفسر…انا في بدايه الشهر الخامس وطفلي يوم شفته بالسونار الدكتوره قالت لي ان راسه تحت ورجوله فوق…وانا اللي اعرفه ان هذا وضع الولاده او ما قبل الولاده…هذا طبيعي ولا …؟؟هذا اول حمل لي وانا خايفه…
والدكتوره من قبل كانت تقول لي ان المشيمه نازله…
طمنوني

ليش مافي رد…..؟شكلها حالتي غريبه

بيبتي عادي بس سالي دكتورتج احسن لان ان عيالي يفترون من السادس و ما اولد الا اخر التاسع

حبيبتي حاولي ماتمشين وايد وكله منسدحة ورفعي اريولج فوق وسنديها على الطوفة..وانشاءالله ماكو الى العافية..
والدكتورة مانصحتج اشي؟؟

شكرا حبيبتي lailalaila …يعني عادي ..الطفل يتحرك ويغير وضعيات..

شكرا اختي ReeNoo &WooDee ..ابدا ..دكتورتي ما قالتلي اي شي..وانا نسيت ما اسالها…
بصراحه اخاف يصير اجهاض بعدين…

لا انشاءالله ماكوالى العافية..بس اذا ماقالت شي يعني عادي ومثل ماقالت الاخت الى قبلي الجنين يفتر وهذا طبيعي انشاءالله

حبيبتي دام دكتورتج ماعلقت يعني الوضع طبيعي
انا يوم سويت سونار من شهر كنت باول الخامس مثلج وكانت ريوله شوي على فوق وراسه على الحوض بس شوي نازل بس مو وايد
عادي ماكو خوف الياهل اللحين يبدا يحوس ويلعب ويتشقلب سلم قلبه لاتخافين

صح..مادام الدكتوره ما علقت يعني ما في شي يخوف…

شكرا حبيبتي عروسه….كلامج طمني اكثر الحمدلله ..

الحين صرت احسن …جزاكم الله خير…انا خوافه…قريت وسمعت حريم يتكلمون عن الاجهاض..صرت اخاف منه…
وهذا اول حمل لي وما عندي اي خبره بس احاول ادور مواضيع الحمل بالنت.

حبيبتي
كلنا بالبجر نحاتي هههههههههههه لا بعد بتحاتين زود اذا وصلتي اخر الخامس بيتحرك وايد واذا يوم ماتحرك بقعدين توسوسين
ههههههههه انا يوميا اهلي يهاوشوني على الوسواس لووووووووول

عادي يا عمري يغير و ضعيته اكثر من مرة

لاتخافين

عادي ياقلبي انتي الياهل يلعب ويقلب وكل ساعه يتحرك لاتحاتين

عادي حبيبتي بالخامس البيبي وااايد صغير يتقلب كل ساعه وصدفه بالسونار كان وضعه جذي عاديو رايحه وراها بساعه يرد راسه فوق لا تحاتين تو الناس وعااااااااادي جدا

طبيعي اختي ما تخافي المهم ما تحركي كتير وخلي مشيك بضئ جدا
اختي عندها نفس المشكلة طول الوقت نايمه بسرير وادا تمشي تمشي علي مهل كدا نصحتها الدكتورة بتعتها