|
|
السلام عليكم امهات
ولله الحمد صرت ام قبل 3 اسابيع
باقي لي 20 يوم واطلع من النفاس انشالله
سؤالي اهوا اذا بغيت اطلع طبعا لازم اخذ جنطة البيبي فأبي اعرف الاغراض اللي تنحط بالجنطة شنو ؟
مثلا جم تبانة ؟ جم قطعة ملابس احط ؟ جم حبة بامبرز ؟ وهكذا
اتمنى انكم تساعدوني ويعطيكم العافية
شوفي الجنطه اول اشهر كانج مسافره و بعدين تقل
حطي 6-8 بامبرز
3 تبانه
3 بجامات
سدريه
كلينكس اطفال
كريم الحفاظات
كمبل خفيف
قطعه نايلون مالت تغيير البمبرز
و طبعا الحليب و مطاره صغيره فيها ماي حار و بطل ماي بارد
حليب
حفاظات
كلنكس مبلل
كريم حفاظه
2تبانه
2بجامه
سدريه اذا رجع احتياط
فوطه
النايلون مال التغيير
كمبل خفيف
اكو جياس معطره بسنتر بوينت لا بغيتي تغيرينله تحطين الحفاظه
بودر صغير
اذا رايحه زواره او رايحه السوق او طبيب او جمعيه
انا اذا رايحه زواره احط كل شي تقريبا
حفاظات وملابسهم وحليبهم وكل شغلهم تقريبا
واذا رايحه مشوار قريب عندي جنطه عنونه
احط فيها حفاظه
وشاريه مطاره عنونه
واحط معاهم ممتين ومقسم الحليب اذا عارفته
بس اصب الماي واحط الحليب بسرعه
واعطيج فكره تفيدج وااايد
اذا غليتي الماي وحطيتي بالمطاره لا تسكرينها
خلي الماي يبرد ويكون دافي
عشان لين بغيتي تسوين ممه على طول تسوين بدون
لا تحطين معاج ماي مغلي بارد وتبردين فهمتيني
على طول تسوين وتعطينه
لاني مجربه الياهل اذا فج حلجه وانتي جدام الناس ترتبكين اكثر
والموقف ما يتحمل الا انج تخلصين بسرعه
ابنيتج صغيرة الله يحفظها
اذا جنطه الزوارة :
حطي حفاظات ، كريم الحفاظ " سودو " ، كلينكس مرطب ، صداري " اكثر شي احطه " ، فوطه ، صابونه " افضل سيباميد الخاصه للبيبي ، الفرش الي اتغيرين عليه حفاظه الياهل ، بيجامتين على الاقل ، عطر ، كريم للجسم ، لعبه اتحبها 
اذا طلعت سوق ولا مكان سريع :
انا احط 3 حفاظات ، كريم سودو ، مناديل جونسون ، جم صدريه ، بيجامه احتياط ، فرشه التغيير ، مصاااصه لااازم، حليب ، مميتين ، ماي حار
|
المشاركة الأصلية كتبت بواسطة الشوق والدمعه
 انشا الله تطلعين من الشر ………………….ودى معاج 8 بامبرز-سدارى8-تبان 6-فوطه 2-عطر-كلينكس مرطب-عطر بيبى جونسون-فنايل 6……………………..واقولج الياهل مو مال طلعه خليه بالبيت وطلعى لج خلق تشقل (: يتربى بعزج انشا الله…………لا تنسين كريم حق الحفاضه واكياس ينباعون عند بو اميه جنهم رول حق اذا بتقطين البامبرز فى بيت الناس …اوكى..مو تخلين البامبرز عند الحنفيه وفيها بلاوى وتمشييييييييييييييييييييييين(:
|
ههههه حلوة اخليها عند الحنفية
الصراحة ماعرف اطلع واخليه بالبيت اخذه معاي احسن وخدامتي توها واصله ما أأمن اخليه بالبيت معاها
وهم مابي اخليه عند امي مابي احكرها عرفتي والله يعينا انشالله
ويعطيكم العافية
وعسى ربى يبارك فيها