جسوة الشتاء شرتوها ولا للأ ؟؟؟؟؟؟؟

قوة بنات بسالكم عن جسوه الشتاء شرتوها ولا لأ؟؟؟؟؟
ومن وين ناوين تشترونها؟؟؟؟؟ وهل تحطون ميزانيه معينه او لا ؟؟؟؟

والله للحين ماشريتها .. بس طقطقت من فيينا وميونخ حق عيالي .. بالنسبه وووين بشتريها ماكو مكان معين راح أشتري من عدة أماكن يعني ملابس داخليه من مكان وملابس البيت من مكان والملابس العمليه من مكان .. والميزانيه حدث ولاحرج الله يعين زوجي بس ..

انا شريت من هني من v.i.p وسنتر بوينت وبمر المذركير بحكم ان سفرتنا بعد العيد حق لندن وهالفتره الجو بارد فمحتاجه لها لبس

أنا لي الحين ما شريت خليني أخلص من لوية القرقيعان والعيد بعدين الواحد يروح يشتري علي راحته
مع أن بيني وبينج السوق كله نزلو شتوي مادري شمستعيلين عليه

واي الدنيا للحين حر ومووووووووت وبقه

وشتانا بس شهر ويروح

بس ريلي يايب حق ولدي بدل من اسبانيا فكني البدل روعه قلت هالبدل يبلهم سفره شهر واحد عشان يكشخ فيهم ولا بالكويت اعتقد بيخيس فيهم

انا طقطقت بس ما شريت كل شي .. و مثل ما قالت جكوره ملابس الطلعه من مكان و العملي من مكان .. وعلى شوي شوي كل ما اروح للسوق اتشرى شوي على الاقل لا دش الشتا و الا شغلنا زاهب و المقاسات مو مخلصه

والله انا حايسه الحين بين التجهيز للعيد وبين التجهيز لولادتي وبين جسوه الشتا والسوق ولله الحمد لوعه بشوف سنتر بوينت(لاند مارك سابقا) وبشوف مذركير والمعاش مفقود مفقود ياولدي

انا شريت الملابس العملية من بره …
وشغلات من النت ..
بس باقي التناتيف البجامات والملابس الداخلية هلاهوبات وهالسوالف ..

عيل نزلوا الشتوى بالسوق لاهيه فى رمضان وفى النقل من شقه لشقه
<<< موداريه عن الناس

السوق الحين كلة شتوي…………

أنا للحين ماشريت شير خبركم أول ياهل وماني عارفه شسالفه يزاكم الله خير نبهتوني عبالي مثلنى متى ماحتج شي نزلت وشريت بس طلع ماعندي من الأساس شي لأنه الأول
بعد نسيتو تقولون أهدوم حق البببببببببببببببببببببببببببببببببر

عندى ملوت العام الزين جاشته .. وكل ما اروح مكان اشترى والميزانيه مفتوحه على مصراعيها

انا عن نفسي امي الله يطولي بعمرها يايبتلي جنطه كامله فماكو لويه الحمد الله
بس بقولكم ترى اتش اند ام يشوووق و اسعاره وايد حلوه و خذولكم بدلتين ثلاث كشخه و بس مو من طول شتانا

حماتي يحليلها راحت خمتلها من مذركير

انا بشوف شنو اللي محتاجينه وبعدين اروح ان شاء الله اشتري

بس بصراحه ماني مكوده هدوم

عيالي صغار وكل سنه لازم اشتري والشتا قصير مو من طوله ولا من كثر طلعااتهم عاد

آنا أوووووول شي ابتدي بالجامات من المعلم لان البجامات يطيرون بسرعه ما يمديج

وطبعا سنتر بوينت لا غنى عنه

وتالي آدمز وهالسوالف