|
|
بنات شلونكم
بنات انا ريلي الحمد الله زين معاي لدرجه انه بنات يقولون يا حظج على هالريل
نوعه متسامح ومخليني على راحتي ويساعدني بكل شي واذا زعلت يراضيني بس عيبه الشرعي
مدمن افلام اباحيه
بنات انا مو قاصرني شي طول وجمال وجسم صج اني شوي متنت بعد الولاده بس مو وايد ودايما الكل والحمد الله يقولي انتي جميله ويا بخت ريلج فيج >يعني العيب مو فيني الي عرفته انه من قبل لا يتزوجني واهوا يطالع
اهوا ما يدري اني ادري بس لمحت له وجم مره يقول لا انا ما اشوف هالشغلات ويقول انه الي يشوف ما يستفيد شي
بنات هالشغله صج تعبتني نفسيا احس انه فيني نقص وقلت له انا فيني نقص مقصره معاك بشي يقولي لا
بنات علاقتنا الحميميه صارت بالقصب تصير بالايام الاخيره
اقول اني بقعد طول ما اهوا موجود بس بنات ما اقدر اهوا دوام شفتات وانا عندي ياهل ابي ارتاح وقت الي انام يجابل هالشغله
الحين آخر شي سويته وادعولي انه ينفع
سويت سيرج بالنت تأثير الأفلام الاباحيه السلبي وسويت كوبي وطرشته له على ايميله وانشالله يحس
بنات اذا عندكم نصايح ساعدوني علموني شلون اتعامل معاه
وعفيه ادعولي لانه صج تعبت ومشكورين
خلاااص يكفي
ودامه مايدري انك عارفه عن سواليفه
انا من رايي تشيلين هالقنوات وتشفرينها وكانها الهوتبيرد شيلي الراس من الاساس طبعا نادي الفني يصلحه لك
صدقيني زوجك اذا مالقى هالشي عنده هو بنفسه ماراح يهتم
لكن دامه عنده مركب اكيد بيطالعه
واذا سال وقال ليه الغيتيها قولي مابي اكسب ذنوب حتى لو كنا مانطالعها وجوده اثم علينا وانا خايفه من ربي
صدقيني بيسكت مستحيل يصر لانه بيستحي
ان شاء الله اكون افدتك بنصيحتي
والله يكون بعونك
فالافلام يطالعها بالنت ينزلهم
وقولي له العين تزني وزناها النظر ،،
وحثيه على الصلاة لأن (( الصلاة تنهى عن الفحشاء والمنكر ))
وبنفس الوقت تكلمي معه بطريقه غير مباشره انتقدي الشباب بهالنقطه قولي مايشوف هالافلام الا المتخلفين الي عقولهم فارغه وكل تفكيرهم بس بالحريم وهالشغلات التافهه 00 هذي حياتهم كلها وهذي حدود تفكيرهم
وانك تنقرفين من الي بالشكل هذا تحسين انه جاهل وماشاف خير 00 متى يفكرون بطريقه ارقى متى يكون عندهم طموح في الاحياة
هالشعب ماراح يتقدم او يفلح وهذي حدود تفكيرهم وجل اهتمامهم حريم وبس
كرهيه بالشخصيه نفسها 00
خليه يشمئز من نفسه ويفكر بغلطه
وبنفس الوقت امدحيه قولي يعجبني فيك انك ماتهتم بهالتفاهات والمسخره
خليه يتحمس ويبطل هالشغلات
وان شاء الله تنفع معه هالطريقه
الله يكون بعونك ويساعدك ويصلحه ويهديه
وب
ان شاءالله تفيد هالطريقة
وانتي حاولي تنظمين وقتج
ونامي وارتاحي لمن ما يكون موجود
بس لمن ايي حاولي تعطينه حقه
يمكن هالشي يخفف من مشاهدته لافلام
شوي شوي لين خلاص
وانتي دايما قطي نغزات انه هالشي حرام وما يجوز
وذكريه بربه علطووول وان شالله يحسس
الله يهديه ان شاءالله
اهم شي ذكرية بربه وانه حرام يشوف هالشغلات
ومسحي القنوات عشان ترتاحين
وسأليه مره ثانيه اذا انتي مقصره بشي وان هالشي حرام ويمكن الله يعاقبنا لا سمح الله بسبب اللي تسويه
وادعيله ان الله يهديه بكل صلاة .. والله يسخره لج ويبعده عن الحرام
لانه بعيد عن ربه علشان جذي يسوي هالشوي وسبحان الله الصلاة في جماعة وفي وقتها والله تنهي الانسان عن الفحشاء والمنكر والله الهادي سبحانه
وانشالله يصير الي فيه الخير