جت العروسه تفرح ما لقتلهاش مطرح

هاي بنات

بقولكم سالفتي
انا تخرجت من اتصالات و ملاحه بتخصص فني شبكات لاسلكيه تعرفون لما عطونا الورقه يوم بنتخصص ككككككل الوزوارات يبونه والله من غير مبالغه و هالتخصص و صيانه حاسب الي الوحيدين باتصالات و ملاحه اللي يتوظفون عالدرجه الخامسه و 3علاوات
انا قلت يالله ندشه دام تخصص يديد و دفعه وحده قبلنا يعني بنتوظف بسرعه
المهم مرت ال 3 سنين و تخرجت الحييييييييييييين يايين يقولون لنا انه هالتخصص مو مرغوب و لا مكان يبونا
نعم
درسنا عشان اتقولون لنا الحين لا احنا ما نبي تخصصكم تخيلو مو راضين يقبلون البنات بولا مكان كل ما نسال يقولون تخصصكم مو لاقين له مكان يناسبه مو لاقين له مكان اشماله اتقولون حق المعهد فتحو هالتخصص نبيه
الحين بنات بشنو تنصحوني شسوي احط ايدي على خدي و انطر 4 سنين ولا 5 على ما يتكرم الديوان و ينزل اسمي
اللي عندها فكره تساعدني الله يخليكم حدي متنرفزه و متضايقه

هلا اختي

ليش ؟؟؟ بالعكس تخصصج حلووو فنيه واي وزاره تبي هالتخصص احنا عندنا بالدوام وحده فنيه لما خذت اجازه بصراحه ضعنا من غيرها

اهي تسويلنا الاجهزه اذا فيها مشكله او شي وماشاءالله المعاش قوي بعد انتي جيكي على اسمج بالديوان شوفي اي رقم واصل

او روحي لهم انتي بنفسج وساليهم عن تخصصج الديوان ادرى فديتج ولا تضايقين نفسج ولو اني ما الومج بصراحه ثلاث سنين وقاعده والله حرام

وان شاءالله الله يكتب لج اللي فيه الخير

حبيبتي تكانه مشكووووووره يا قلبي الديوان نفسهم متوهقين فينا
مادري ليش و مو بس انا ثلاث ارباع البنات اللي بهالتخصص مع انه اهم اللي طالبين انه المعهد يفتحون التخصص هذا
الله كريم كل ما كلمنا وحده بالديوان اتقول نطرو انتو تخصصكم مو مطلوب؟؟؟

حبوبه دشي معهد وخذيلج تخصص مرغوب فيه وصدقي شهاده بالتطبيقي وقدمي على شهادتين بدال القعده بالبيت

الله يعينج .. زين جربتي القطاع الخاص عندج شركة زين وشركة الوطنيه ولا فيفا تره يا خذونج هناج رواتبهم حيل روعه فوق 1000 دينار
مع دعم العماله

شوفيلج واسطة

حنين مشكوره يا قلبي بس من صجج ارد ادرس من يديد انا لو بدرس جان كملت هندسه و صرت مهندسة شبكات بس خلاص مليييييييت من الدراسه
مشكوره المكسيكيه بس ريلي ما يرضى بالقطاع الخاص بحكم اني ملتزمه فيه و عندنا بيبي و القطاع الخاص شفتين او دوام واحد لي وقت متاخر
ايمان حبيبتي وييييييييييين يا حسره