توني يايه من معرض الراية للفرص الوظيفية كلشي بقوله

اليوم المغرب رحت المعرض بالراية .. ورزيت ويهي عند كل الشركات المقدمه
الشرات اللي اذكرها : بنك التمويل< بيتك> – الوطني – التجاري -بوبيات – جامعة الكويت العلوم الاجتماعيه – التطبيقي (التصميم والسياحه ) – مجموعة الملا – البنك المركزي – الهيكلة – جريدة الرؤية – شركة الحلول المثلى ….. ألأخ

(ألخ : يعني نسيت اباجي )

المهم الخلاصة كالآتي:

قدمت على الهيكلة .. سألتهم شنو الشركات اللي بالمعرض اللي تقبلني كشهادة تربوية وعربي بعد .. قالوا لي البنوك

بس هااااااا

مو البنوك الإسلامية .. لا

البنو العادية

وآنا ألبس عباة .. ومو مستعده أقطها علشان الوظيفة : فا يأست

بس قبل لا أطلع رحت عند بنك بوبيان قلت دام ييت ماني خسرانه خن اسألهم .. سألتهم ولا تقول ابي السي في مالتج ^_^ قلت العوض ولا القطيعه .. ماشالله عليها المصرية او مادري جنها سوريه (اللغة مختلطه) .. نفسها طيبة وبالها طويل

الشي الثاني رحت على بيت التموين وطبعا جحتوني .. لبدت لهم ولا يقولون لي اكو وظيفه بس مؤقته .. مدتها شهر تقريبا .. ( ماني قايلتها سرية :>) لا صج .. عندهم نظام تروحين كمراقبة لهم بالأفرع .. اللي حابه تعرف اكثر تراسلني او تروحلهم اضمن يمكن مادش المنتدى والمعرض بيخلص عقب باجر .. بس حلو عشرين يوم يعطونج 100 دينار وتنحسب لج خبره ابلاش

ورحت مممممممممممم وين وين وين؟؟ نسيت *_+

إي قدمت بشركة الملا
وشركة الحلول المثلى الاستثمارية

اي .. تذكرت .. الموظفة قالت لي لو حابه تجربين حظج مع الوطني ترى الحين يوظفونج .. شلون؟ اقولكم

ياحلوات مدير الموارد البشرية للبنك الوطني يكون موجود اهناك ومن تروحين تبين تقدمين طلب بيقابلج عالسيع ياخذ انطباعه عنج يعني تزكرتي لمن تروحين وفردي ظهرج وجمدي قلبج &_&

واللي ما يحالفها الحظ لا بهاذا ولا ذاك تروح صوب قسم q8cv ويسوونلج اكاونت بالموقع ويدزونلج اعلانات اوظايف اسبوعيا

وموفقين بنات سامحوني لو نسيت شي لأن اليوم افتر راسي حده

والله عليكم ادعولي ترى ماكنت بنزل الموضوع لأن امي ما تحب اتكلم عن شي بسويه إلا لمن تطلع نتيجته وبعدين اذيعه .. بس قلت مايغلى شي على حبيباتي كويتيات

ادعولي اتوفق بالوظيفه الزينه بنات تعذبت والله