|
|
السلام عليكم
توني متوظفه – فوق هذا خدامتي يديده ( ماتعرف عربي ) – ورمضان قرب
عن جد حدي توهقت
ابي مسااعتدكم –
شلون عن اليهال ؟؟
شلون تطبخون الغداء ؟؟
يعني اليهال ساعه جم تقعدونهم علشان بليل ينامون مبجر ؟
اعود نفسي اني انام الظهر ولا لا ؟
متى تخلص الخدامه من الشغل كله الاوتي والمطبخ … يعني ساعه جم اقعدها ؟
لاني انا قبل التوظيف عيالي ينامون معاي ونقعد مع بعض وانا ماسكة البيت طباخ واغسل اعيالي
الله ياجركم وينفع فيكم امة الاسلام ردوا لي وعطوني خبرتكم ..
آلف مبروووك حبيبتي الوظيفه ..
الخدآمه قعديهآ الصبح تنظف البيت وتغسل وتسمح ..
وتطلع لج الدجآج او اللحم حق الغدآ >> وامرج لله انتي لمآ تطلعين من الدوآم تسوين الغدآ على مآ اتعلم خدآمتج ..
والجهآل حسب انتي شنو معودتهم ..
وشغل البيت ترآ كله يخلص بسرعه ،، وغسيل الملآبس والكوي تسويه العصر لآن مآ يكون عندهآ شيء ..
ونوم الظهر اذآ نومج خفيف نآمي عآدي مآ يضر بالعكس حلوو ويريحج ..
امآ اذآ نومج ثقيل ومو بسرعه تقعدين لآ تنآمين خلي نومج مره وحده بالليل ..
امآ برمضآن دوآم رمضآن يخلص السآعه 1ونص الظهر وآذآن المغرب السآعه 7
يعني في وقت ويمديج تسوين كل شيء ..
>> صرآحه انآ مو متزوجه بس هذآ اللي شوفه من خوآتي واللي معآي بالدوآم ..
والله يوفقج ..
أنا بتابعج وبشوف رد البنات عليج أسفة ما راح افيدج بشئ
لأنئ نفس حالتج بالضبط بتوظف قريب وخدامتى تؤها واصلة اليوم
وعيالى والطبخ كلة فوق رأسئ مدرئ شلون أعتمد. وشسوئ بالضبط
و أن راي من راي الأخت ضاقت عي دنياي
الله و ياج
علميها شلون اطلع الدجاج وتغليه او تبهره حق الفرن
وشلون اطلع اللحم
وشلون تسوي السلطة ـ وجم قلاص عيش تغسل . والساعه جم تغسله .
انا مرات اكون طالعه الصبح ادق عليها اقول لها غسلي العيش ونقعيه . اجي بس الاقي كل شي قدامي . الخضار مقصصه والبصل والثوم والدجاج مفيوح على النار او اللحم . والسلطة زاهبه وصوص السلطة زاهب
يعني كل شي هي تسويه . بس انها اطبق الاكل .
بس حاولي بعد تترسين الفريز . معجنات وسمبوسه وكبب عشان رمضان يسهل عليج اكثر بالزوارات والجمعات تاخذين لج صحن بيدج 
والبنات يبيعون بالمنتدى شكثرهم
انا الحين اشتريت كبب . و ملفوف . ورق عنب . وابي اسوي بس السمبوسه بالبيت
واذا ماتفهم عربي ؟؟
علميها شوي شوي خليها تشوفج ,,,
وطبق والله يسهلها عليج…
ألف مبروك الوظيفه >> وجدامج مشوار طويل مو اقل من 15 سنه
أنا متقاعده حالياً وحاسه بالمشوار اللي راح تمشينه الله يعينج عليه
وعيالي كلهم جبتهم وانا بالدوام فحاسه بالمسئوليه والخوف اللي انتي حاسه فيه الله يعينج
بالنسبة للخدامه لازم اعيالج يحبونها وصراحه هذا اهم شي عندي لما كنت اشتغل لأنه اذا حبوها وحبتهم يكفي انج راح تحسين بالامان وانتي بالدوام
وجدامج اسبوعين قبل رمضان لازم يتعودون عليها العيال وبنفس الوقت تعلمينها بطريقتج بالشغل
صراحه انا ما أيد نومة الظهر الا اذا كنتي تعبانه اخذي غفوه وانتي بالصاله مو غرفة النوم لأنج ان دخلتي غرفة النوم لايمكن تقومين من النوم قبل ساعتين
بالنسبة للخدامه بوقت الفطر حالياً خليها تقعد معاج الصبح وتشتغل ، اما برمضان اذا مسلمه خليها تقعد معاج الصبح اما اذا كانت مسيحيه خليها تقعد قبلج بساعه وتبلش الشغل لأنها فاطره وما راح تتعب
كثر ما تنظمين حياتج بترتاحين
|
المشاركة الأصلية كتبت بواسطة حرم الاسلمي
 مرحبا اختى أم عمر
أنا بتابعج وبشوف رد البنات عليج أسفة ما راح افيدج بشئ لأنئ نفس حالتج بالضبط بتوظف قريب وخدامتى تؤها واصلة اليوم وعيالى والطبخ كلة فوق رأسئ مدرئ شلون أعتمد. وشسوئ بالضبط |
ههههه ربعي واجد بالكويت – ربي لك الحمد – الله يسر لنا يارب
|
المشاركة الأصلية كتبت بواسطة منيرة خالد
اول شي
ألف مبروك الوظيفه >> وجدامج مشوار طويل مو اقل من 15 سنه أنا متقاعده حالياً وحاسه بالمشوار اللي راح تمشينه الله يعينج عليه وعيالي كلهم جبتهم وانا بالدوام فحاسه بالمسئوليه والخوف اللي انتي حاسه فيه الله يعينج بالنسبة للخدامه لازم اعيالج يحبونها وصراحه هذا اهم شي عندي لما كنت اشتغل لأنه اذا حبوها وحبتهم يكفي انج راح تحسين بالامان وانتي بالدوام وجدامج اسبوعين قبل رمضان لازم يتعودون عليها العيال وبنفس الوقت تعلمينها بطريقتج بالشغل صراحه انا ما أيد نومة الظهر الا اذا كنتي تعبانه اخذي غفوه وانتي بالصاله مو غرفة النوم لأنج ان دخلتي غرفة النوم لايمكن تقومين من النوم قبل ساعتين بالنسبة للخدامه بوقت الفطر حالياً خليها تقعد معاج الصبح وتشتغل ، اما برمضان اذا مسلمه خليها تقعد معاج الصبح اما اذا كانت مسيحيه خليها تقعد قبلج بساعه وتبلش الشغل لأنها فاطره وما راح تتعب كثر ما تنظمين حياتج بترتاحين |
صاجه اهم شي انها تحبهم ويحبونها 
ثاني شي الطبخ مو بسرعه يخلص … اذا زوجي يرجع معاي .. بينطر 
ثالث شي : انا عندي بيبي عمره 4 اشهر … اذا بدش المطبخ اخاف مغتسمعه و ماتقدر
رابعا : لازم اليهال تقعدهم على العشر علشان ينامون مبجر معاي بليل
آخر شي : ابي رايكم ايب خدامه للطباخ ؟؟ 
ولي عندها خدامتين تقولي رايها ؟؟
ولي يبارك بدنياكم واخرتكم فيدوني
ييبي خدامه ثانيه
بيت اهلج خليها تعلم من الخدم هناك اذا شايفة نفسج ما عندج وقت ما بين الدوام والبيت والله يوفق الجميع
انتى عليميها وله وديها عند امج وله بيت خالتج اضمن
واذا تقدرين اتيبن خدامه ثانيه احسن وحده بس حق اليهال اتراقبهم الصبح والثانيه بلمطبخ اخف تدش المطبخ وماتسمع بو 4 شهور حرام
اذا هي ماتعرف شي شلون تقطين اليهال عليهااا ؟؟؟؟!!!!!!!!!! قفلي الباب عليها
والطبخ من الليل مثلاا بتسوين مجبوس سلقي الدياية من الليل و شخلي ماي الدياي بروح والدياية تبليهاا
يوم ثاني بس سلقي العيش بماي الدياي واقلي الدياية
والدقوس زهبي من قبل يبي لج كمية طماط وعصريها وسويها دقوس وحطيها بقراش زجاج وخليها بالثلاجة وقت ماتبينها طلعيها سخنيها
والبصل والثوم قصصيهم وحطيهم بالثلاجة بعلب بلاستيك طبعاا كميات كبيرة تكفيج اسبوع او اكثر وكل نهاية اسبووع سوي لج كمية
والبقدونس والكزبرة والشبنت كله ققصيهم ونفس الشي حطيهم بعلب بلاستيك
السلطة من الليل قصصيها بدون لاتحطين عليها شي لاليمون ولاملح ثاني يووم بس حطي الصوص عليهاا
ومثلا بتسوين برياني سوي حمسة البرياني جاهزة
ويوم ثاني اسلقي العيش وحطي حمسة البرياني ماياخذ كل هذا ربع ساعة