توكلين عيالج قبل السنة ايداااام؟؟؟ دشي وفيدينا !!

حبيبتي نفس حالتي يحنون علي
انا بنتي عمرها 8 تقريبا من الشهر اللي فات
حطيت مع العيش شويه صدر دياي وتطحنينه مع العيش

والحمدالله تعودت عليه جم مره حطيت لحم وسمج ماجربت لان بنتي

فيها حساسيه انتي جربي حطي شويه

انا بنتي ماشاء الله عليها من سبع اشهر بديت اوكلها ايدام .. تقدرين تبدين معاها بالهريس واليريش فيهم ايدام وكمية الايدام بسيطة .. وبالعكس عوديها من الحين لانا ان كملت السنة وماكانت ذايقة هالاشياء ترى ماراح تاكلهم .. انا ولد حماتي عمره 8 اشهر ما يعجبه الا اكل القواطي او خضار … لان ما عودته ولا ذوقته .. خليها تاكل من اكلكم شوي شوي او حتى ماي الدياي اول اللحم هم مفيد ترى .. حتى سمك تونة عطيها .. والجبدة وايد مفيدة …

حبيبتي عطيها عادي لا تخافين طحنيه لها مع العيش لحمه او ديايه انا كنت اعطي ولدي من اكلنا وساعات اذا راح عند امي تعطيه عيش ومرق بطاط او مرق باميه وتحطله معاه لحمه ولا ديايه ولا هريس شويه ولا يريش مثل ماقالت الاخت الي قبلي بس مو تنسين بعد ماتوكلينها خصوصا اللحم شربيها ماي كل شوي لان يعطش انشالله اكون افدتج

بنتي من صار عمرها 8 شهور بديت اسويلها مرق دياي ولحم مع خضار بس مو كل يوم طبعا بدون بهارات بس اشويه ملح واشويه معجون طمام ،،، وعيش ابيض لين اشوي واله وااايد حبته واستانسن عليه اكثر من الماصخ

بس سمج وبيض لا تعطينها

مادري عن اللحم المفروم انا من كملت سنه قمت اعطيها

عاااااااااادي

عطيهاااااااا من اكلكم

يسلمو بنااااات مشكورين عالردود الحلوة
بس بنت خالتي دكتورة واهي اللي نصحتني ان مااعطيها ايدام الا على قريب السنة شسوي الحين احترت اهي تقول معده الياهل ماتتحمل الايدام تهضمها

مشكورين البنات اللي ردوا علي وفادوني
أما اللي تطمشوا أقولهم ترا الكلام ببلاش مو بفلوس لوووووووول

من 8 أشهر عطيت ولدي شوية صدر دجاج مع شوربة وعيش … الدكتور كان يقوللي لازم تبدين معاه … والحين الحمدلله ياكل من اكلنا احطله شوربة على العيش او مرق عشان يصير ناعم … بس سمج ما عطيته لأنه اللي اعرفه مو زين قبل عمر سنه … يسوي حساسية

الله يسلمها لج ان شا ءالله

انا لما كنت ارجع عند دكتور التغذيه قالي من يكمل 8 شهور ابدي معاه الدياي والحمدلله بديت معاها شوي شوي والحمدلله ياكله عادي بس اللحم قالي من يكمل 9 الشهور عطيه وبعد السنه قالي تقدرين اتجربين الكبده والسمج وغيرهم

انتي عطيها اشويه القيمات واشوس شوي كبري اللقمه

حبيبتي بيني وبينج لو اهي يايه عالدكاتره جان محد وكل عياله وكليها والحافظ الله لازم تتعود على اكلكم الحين عشان اذا كبرت ماتستنكر الطعم لا تخافين

حبيباتي مشكورين وماقصرتوا الصراحه طمنتوني

خنشوف اراء باجي البنات الحلوين

انا عمر ولدي 9 شهور .. بس للحين ما سنن .. خالتي ام ريلي ماترضى اعطيه شي تخاف عليه بس تبي تعطيه اشياء مهروسه

بس انا قلت مايصير الولد لازم يتعلم ومابيه يتعود كله مهروس

عاد قمت اعطيه عيش .. لحم .. دياي .. سمج بدون ماتدري

ذاك اليوم شافتني اعطيه لقمة معكرونه مع لحم مفروم قامت تصرخ بمكانها .. تخاف عليه يغص

بس عادي كل شي لازم يذوقه لانه اذا كبر وماجرب هالاشياء ماراح يحب الطعم

اصلا شوفيه الحين يعرف اذا شي مايبيه يفر ويهه ومايفتح حلجه