توزيعات الاستقبال

السلام عليكم بنات

انا وايد قريت انه الاستاندات والتوزيعات صارت موضه قديمه

وانا هذا بجري صراحه وكل اللي اعرفهم سوو توزيعات

ماعليكم امر ممكن تقولونلي شنو الموضه اليديده واذا صج انتهت هالسالفه او لا؟؟؟

واذا بعد ممكن صور للاشياء اليديده

واكون ممنونه لكم وااااااااااااااااااااااااااااااااااااااااااااااااي د

مشكورين مقدما

شوفي الموضوع هذا……..

استقبال المواليد القفت والتوزيعات افكار غريبه وجديده ملينا من المواضيع القديمه حياكم

مشكوره حبيبتي

انا نفسج هذا بجري.. ومحتاااره مرات احس صج التوزيعات صارت قدديمه وبايخه
وبنفس الوقت افكر اسويه مرات

متردده للحين !! وابي شي على خط الموضه مابي قديم وابيه يكون راقي

اناا شكلي قررت اسوي توزيعات بس بدون ستاند

الناس اللحين قامت توزع كوكيز أو توزيعات من لازورد او أوبرا بدون استاند
مري وشوفي انشاءالله يعجبونج

مشكوره حبيبتي

صح

اي شي ماله معني و ماله فايدة صار موضه قديمه

مثلا اللي يوزعون شغلات صغيرة و تماثيل و اشكال كله موضه قديمه

الحين اذا بتوزعين وزعي شي مفيد مثلا كاكاو او كوكيز مثلا شي ما ينقط

الله يوفقكم ويهون على كل وحده حامل

مشكوره حبيبتي انا الحين بوزع كاكاو وعطر شكلي

الحين كل كوكيز او كب كيك

حبوبه سوي اللي يعجبج مالج شغل باحد موضه قديمه ولا يديده اللي داش خاطرج وعاجبج سويه ..
ترا مو لازم تسوين نفس اللي العالم يسوونه ، كل شي عندنا هبه . استقبالات الولاده اروح كل فتره نفس الافكار حتى اسامي اليهال هبه وبهالفتره متشابهه . خلصوا من جنى وليان وجود وضي ومسكوا رناد اوكي حلوه هالاسامي بس مو لازم التقليد ، تروحين نفس الاستقبال ونفس اسم البيبي بس الام والياهل غير ..
حلو الواحد يكون له شخصيته المستقله وافكاره مو كلشي هبه ونركض وراها .. خليلج بصمتج حتى لو قديمه المهم تتميزين ..

بعرف شلون يعني فكره قديمه
حبيبتي الي تقول جذي هذه بخيله وماتبي تخسر
احلى شيء الستاند لي صار كشخه ورزة عند الباب حلو شكله
وايد ناش أنا ملاحظه قاعده اروح استقبالاتهم ماشوف توزيع بس موالح وجاي وعصير. وهالشي والله مو حلو

انا اقول اخذي توزيعات ككاو طعمه حلوو ، وما انصحج بالاستاند ، حطي على طاوله وكشخيه بمفارش ، وحركات من عندج

الله يهووون عليكم وتولدون بالسلامة يارب