|
|
السلام عليكم
شلوونكم بنات
بنات حدي متوهقه و خايفه انا بجر و ما اعرف ولا شي و اصلا ما اروح استقبالات من قبل ولا اعرف شي.gif "Eh S(1)")
ابي مكان يبيع كاكاو حق التوزيعات بس يكون سعره حلو و مناسب
و هم ابي تعرفوون اماكن حق حلو القهوه من وين ؟
بنات بليز ساعدووني
عطوني اماكن عشان اروح افتر و مادري وين اروح
والله يوفق كل وحده ترد علي يااارب
واكسسواراته وحطي فالعلبه كاكاوه من باتشي + بيض الصعو
واذا ماتحبين اتسوينهم بروحج فيه اماكن تلقين التوزيعات جاهزه او على حسب طلبج
مثل لاكشيت جاكليت فيه بعد بن الملوك اللي بحولي عنده توزيعات حلوه
وحلو القهوه عندج لي روا بحولي جبال امبرس عنده حلو قهوه لذيذ
وعندج وااو حده عجييب و عندج لاقورميه باسواق القرين عنده انواع غريبه و لذيذه
وهم عندج اوبرا بس يقث شوي انا مو كل شي عجبني عندهم وسلفرينيا بعد عنده اشياء حلوه
واذا تذكرت شي كتبته حقج
ربي يسهل عليج … فديت بنت تجمعي انااااااا :***
و اشتري منهم بعد اكسسوار يعجبج تزينين فيه العلب
و همن اخذيلج منهم ستاند تحطين عليه العلب
و الككاو انا اليوم رايحة روشيه بالجابرية دايما اخذ منه لاي مناسبة لانه يهبل
عندهم مغلف جاهز و فناتق تينن
اخذيه بالكيلو و حطيه بالعلب
يطلعلج ارخص لاني همن شفت عند روشيه ستاندات جاهزة بس غاااااااااااالي
لو انتي تيبين الستاند و تزينينه على كيفج ارخص
كل شي عندهم حلووو
اول شي حلو القهوه ومعجنات التقديم المني ورق العنب خذيتهم من محل مندرين والكاكاو بعد وخذيت منه ثلاث انواع الكاكاو اللي داخله شعر بنات المكسرات الوفير واخذة العلب من بياع الورد وغلفتهم بأيدي الستاند همن خذيته من بياع الورد وزينته بأيدي بالألوان اللي أبيها
و رحت محل زهور النوير اللي بحولي وعطيته عدد. خمس فازات همن من بياع الورد وقلت له ابي جهزهم لي بألوان الورد اللي اختاره
وطبعا أنا وديت الصواني اللي ابيهم علشان الحلو والمعجنات وورق العنب اخر يوم بالثامن ودفعت عربون وطبعا اتفقت مع المحل علي اساس بس القوم بالسلامة اتصل علي محل الورد والمعجنات واتفق معاه علي موعد الاستقبال وخذيت خدمت الشاي والقهوه والشاي الاخضر منهم صراحه روووووووووعه
وأي سؤال أنا حاضره*
والتوزيعات عندج لاكدو ببنيدالقار عند فندق بستكي ،، باتشي بحولي يم دار الشفا و ريبيل موجود بحولي والسالميه
واوبرا بالصالحيه عند مجمع الصالحيه
والعلب روحي مطابع تسويهم لج رخاص مو غاليين مثلا ١٠٠ حبه اب٤٠ تقريبا وعليهم يكتبون اسم البيبي والعايله
والحلو عندج امبرس بحولي وفطايرهم تينن ومحل سلفرينيا بالسالميه عند مطافي السالميه
والله يسهل عليج يااارب
يارب تقومي بسلامة
وان اخر موعد حقي ٤/٢ ان شاء الله
توني امس رحت لاكشيت سويت استاند الككاو وشحلات غلهم اينن اهوا صاير مثل بياع الورد واحلى منه وارخص عندهم ورشه تسوين فيها الي تبين مثل ستاند ككاو او تزين لوحات الي تنحط عند باب الغرفة واسعارة حلوه بعد
اما حلو القهوة حجزته عند محل سويس لوقرميه عجييييييييب الحلو مالهم والنكهات تينن تلقينه بحولي بمجمع الزاويه بنفس الشارع الي فيه امبرس بعد الاشاره
ومنكم نستفيد بروح اشوف حولي
وشكرا بنات
ووين محل مندرين؟
|
المشاركة الأصلية كتبت بواسطة ماي ورد-
 وين صاير لا كشيت؟
ووين محل مندرين؟ |
لاكشيت في بالفحيحيل عند اولادنا وفي بحولي بعد دار الشفاء بنفس عمارة مطعم الستينات بالسرداب
ومندرين عالشارع اعتقد قبال مجمع بيروت بس مومتأكده!!!
بناات سؤالي.. متى ابدي ادور واحوس حق التوزيعات وهالسوالف؟
قصدي بأي شهر؟
انا الحين بالرابع وودي من الحين ادور واخذ افكار حق التوزيعات والكفر بس خواتي ورفيجاتي يقولولي تووو الناس
على فكره انا اول خواتي بولد ان شاءالله والبجر
يعني ميييييييييييح مانعرف شي لوول