توحيد لون الجسم وتفتيحه

السلام عليكم

أخواتي الكويتيات ..

كثير ما نسمع بخلطات لتوحيد اللون وتفتيحه

واللي تكون مكوناتها : صابون غار ـ وجليسوليد ـ ومجموعة من الزيوت ـ وكركم جسم ….. إلخ

بس يا أخواتي أنا جربتها بس ما لقيت نتيجة واكتشفت إذا لاقيتها ألاقي فيه اختلاف في بعض المكونات

فاللي تعرف يا حلوين الخلطة ومجربتها تعلمني اياها

لأني من جد محتاجتها مررررررررررة بس ما ضبطت معاي

بليــــــــــــــــــــز وإلا بتجيني خيبة أمل أخواتي

أنتظركم لا تردوني

ياقلبي الخلطات ملينا منها روحي دكتورة جلديه والا اوباجي
والا خلطة مزيونه وشقره

ما أعرفها

ان شاءالله البنات يفيدوونج

أنا من السعودية وين أحصل خلطات مزيونه وشقره فيه عندنا وإلا لا ؟

مزيونه وشقره ..هني عضوه معانا بالمنتدى

شوفي ملفها واقري خلطاتها ..

بالتوفيـق

انصحج بخلطة مزيونه وشقره كلمه رووووعه اشوي عليها الله يوفقج ويوفقها

جربتي اوباجي وعلاجهم ينفع ولا لا؟؟؟
عفيه قوليل وشلون اسعارهم

ليش انتى مجربة خلطتها؟؟ امانة اذا مجربتها قوليلي شنو النتايج واى خلطة فيهم الصابةنية ولا شنو؟؟

حبيبتى انتى مجربة خلطتها مزيونة وشقرة اذا مجربتها امانة قوليلي شلون نتايجها حلوة وبسرعة ولا شلون؟ واى خلطة فيهم الخلطة الصابونية ولا شنو شسمها لانة عندها كذا خلطة قوليلي اوكى

اي عرفتها هالخلطه بجد روووووووعه

ونتايجها تفتح النفس

انا جربتها ورديت سويتها مره ثانيه والحين استخدمها مع البخااااااااااار وشفت نتيجه ترضيني ولله الحمد

بس جسم عن جسم يفررررق والخلطه اخلى مافيها انها ماتضر كلها شغلات طبيعيه وانا من انصار الطبيعه

وهذي الخلطه بنفس المقادير بس انا مااحط فكس اخاف منه مادري ليش

جبتها لج من منتدى ثاني !

ملاحظة هامه :
خلطة شالسالفه تستخدم للجسم فقط
لا تستخدميها للوجه لانها قويه

المقادير :
صابونة غار + ماء ورد + علبه فكس + 2 ملعقة كركم للجسم تاخذيه من عند العطار + 2 علبه جليسوليد صغير لون العلبه احمر+ فنجان قهوة من : زيت لوز مر + زيت زيتون + زيت خروع + علبه جلسرين سائل تاخذيها من عند العطار
الطريقه :
نبشر صابونة الغار في كاس من ماء الورد ليلة كامله تنقع فيه 0 ثم نضيف جميع المقادير في الخلاط ونحفظها
بالثلاجه في علبه زجاجيه 0

واستخدمي بعدها ملح الحليب وشوفي شلون تصيرين زبده ومع الاستمرار يتوحد لونج باذن الله

عن تجربه !

ولاتنسينا من الدعاء

والله انا جربت الخلطات وجربت جلسات تبييض في صالون فزك اللي بالسره
مافي اي نتيجه ولا حتى 1%

مشكورين حبيباتي

ومشكوووووووووووووورة أختي عرووووس الكون

بس سؤال الجلسرين السائل هو زيت الجلسرين ؟

أنا مرة سألت وقالي البايع إنه هو زيت الجلسرين ، ممكن تفيديني ؟

وجزاااااااااك الله أللللللللللف خير

أختي شروق الصالونات وغيرها همهم المادة وما عليهم منك

إنتي حاولي بهالخلطات مثلنا

ونقول ياااااااااارب تنفع معنا

انا بعد جربت الخلطة الصابونية مالت مزيونه وشقرة .. روعه روعه روعه يعطيها الف عافية
وبالنسبة لزيت الجلسرين اهو زيت

اي ياقلبي اهو زيت الجلسرين يجي شفاف وثقيل

وخلطة مزيونه وشقرا هم حلووووووووه بس ماشفت منها نتيجه غير النظافه !!

واي سؤال ياقلبي حاظرين للطيبين !