تهاوشنا والسبب .هالسفر

سلام عليكم
بدخل طوالي بالسالفه لاني متوترة وتعبانه
انا زوجي ناوي يسافر بالعيد مع جماعته لدبي او قطر..
ويخليني وهذا اول عيد يمر علي وياه..
وطبعا رفضت وتهاوشنا واتهمني بالانانيه لاني من فترة جايه من جده ومطوله عند اهلي..
وقال يوم نويتي تروحين وتطولين مامنعتك عشان ترتاحين معهم
والحين جت علي ترفضين.
الرجال شكله ملزم
وش رابكم يابنات ارضا بلامر الواقع اواحاول معه
وكيف اقنعه بالقعده هنا..؟
جاوبوني جزاكم لله خير

حبيبتي اهوا ماقصر وداج لاهلج وطولتي عندهم … عادي خليه يروح …وانتي توج متزوجه … يمكن مو دايم يسافر بس هالسفره وماراح يكررها … انا اقول خليه يروح وما يشوف شر….

يبا خليه يسسسسافر شنو يعني لاغير جو

اي والله هو مامنعج حراام يمكن بيروح يغير جو زين بيروح دبي ولايروح ديره ثاانيه

الله معاه يروح ويردلج بالسلامة
اهوة خلاج تروحين
حتى لو بالعيد
عيد الاضحى عندج ان شاء الله

نصيييييحه وانا مجربه االريال اذا منعتي بيقولج اوكي ماراح اسافر بس والله يطلعها من عيونج ساعتها تقولين ياليت قلت له سافر راح يتلكك لج ع كل شي باختصار خليه يروح ولا حقه ع الطلعات معاه وان شالله كل ايام الله عيد خليه يستانس ويردلج بسلامه حبيبتي موفقه

الله يهدي سرككككككم

خـــلي يســـااافرر ويغير جوو معاا ربعـــه

أممممم
خلييه يساافر هم اهوى سفرج وطوولتي
لاتكبريين ساالفه

البنات كفو وووفو

خل يسافر ويوعدج المره الجايه تكونين معاه

وماتسوى تكبرينها دام المره الى فاتت انتي رحتي بروحج

وترا ان سويتي مشكله ماراح ينسى والمره الجايه لما تبين تسافرين يمكن يمنعج

خليه يروح
ولا رد تدلعي عليه
وماراح يعودها

الله يهدي سركم

اهم شي التفاهم

صج حلاة اول عيد مع بعض
بس لاتنسين اهو ماقصر معاج بعد بالمقابل ارضي
وترى اذا قعد غصبا عنه بتم بخاطره وماراح ينسى موقفج معاه
باجر لو بتقوليله اي شي بقول لا

جزاكم الله خير حبيباتي
مشكورين ماقصرتو
الريال عزم على السفر الله يعين
ويصبرني عالعيد بروحي