بسم الله الرحمن الرحيم
بنات حبيت انوه وانبيه بخصوص العطور التركيب الي ابيعها انا وباجي التاجرات خواتي
طبعا الاسعار تتفاوت ليش
لان في تاجرات يقولون لكم العطر بسعر دينار ونص او دينارين او او اقل واكثر
وعروض
والفرق بينهم وبين التاجرات الي تبيع ب 2 ونص او 3
اول شي التركيز
او الحجم في تاجرات ما يذكرون ان الحجم يكون مو 50 ملي يكون 25 او 35 تخيلو
او التركيز والماده في اصلي وفي تقليد
في ناس تحط نقطه وناس تحط بضمير
وهني الفرق
بس حبيت انوه بنات
عشان ما تتخربطون وتقول التاجره هذي ارخص وهذي اغلا
وبالاخير من تاجره لي تاجره يفرق العطر حسب الشغل
وحسب الجوده وحسب الشغل الزين وهالشي تميزه الزبونه الي تبي الزين
من التجارب
وحياكم الرحمن
بنت الاحلام
.
.
اظم صوتي لصوتج
انا وحده من اقدم التاجرات اللي ابيع عطور التركيب بالمنتدي وبالمعارض
الحمد لله عطوري تركيزهم عالي وطبق الاصل بالفعل والزيوت العطريه بيوووووووور يعني صافيه مو مخلوطه ولا مغشوشه نفس اللى بالاسواق واييبهم من مصانعهم الاصليه والموضوع يكلفني وااااااايد
والكحول من النوع الجيد اللى ماله ريييييييحه وما يسبب حساسيه وماله ريحه نفاذه تخنق وثبات العطر على الملابس من 8 ساعات الى 3 ايام
وبهذا سعري على ال 50 مل دينارين ونص لأن الشي متعوب عليه ومكلف وربحي فيه بسيييييييييط والله مبارج لي لان شعاري
رزق قليل دائم خير من كثير منقطع
واهم شي الامانه ثم الامانه ثم الامانه والاخلاص بالعمل
وفوقي ربي شاهد ومطلع علي وعلى غيري
وشكرا حبيبتي بنوته ويزاج الله الف خير
وربي يوفقج حياتي
ويعطي كل انسان علي قد نيته