تناجرنااااا والسبب النووووووووم

بنات شلونكم عساكم بخير

اول شي سؤال وجاوبي عليه متى تنامين ومتى تقعدين ؟؟ بصرااااااااحه

اللحين اسمعوا سالفتي

بنات انا ما اداوم للحين اوكيه يعني للحين عندي عطله

المشكله يابنات عيالي كل يوم لهم حزه نوم يعني مرا والله مبجر وشحلاتهم مرا لا يفصلون يقعدون الفجر وعليها للصبح ويطخون نومهم ملخبط عالمزاج

المهم بنات انا فيني قلة نوم دايم اقعد مع روحي اقول ودي ارد عزابيه خخخخخخخخ يوم كامل وهاليوم اقضيه كله نوم

الله يرحم ايام اول المخده تصيح تقول يرحم امج قومي هههههههههههههه وانا من الملل انام وانام

اللحين نومي شويه شويه ومقطع وتوقيعي يعبر ابي اناااااااام حدي 5 ساعات اذا مقطعه النوووم
المهم ماعلينا قمت اشكيلكم حالتي

امس انا وزوجي نتناقش وشوي شوي حمى النقاش وضربنا شوط وتناااجرنا وهااات يهواش

المهم قالي زوجي انتي بسسسسسج نوم في وحده تنام لين الساعه 1 الظهر

بنات انا متى انام ياحظي المنكسر انام 9 الصبح واقعد 1 الظهر يعني اول ما احس زوجي جا من الدوام افز للحمام او ساعات اهو يدش يقول يلا يلا قومي ههههههههههه

عاد يقول ماصارت

بنات اهووووو مو حاااس بحضانه الاطفال اللي اعيشها بليل اهو ماشا الله منظم ينام مبجر وماله شغل بالعالم يصك عليه باب الغرفه واللي وراها ماله شغل فيهم

وانا بروحي مع الجهال اغسل وابدل وارضع وأأكلهم واشربهم واناقز واغني عشان يسكتون وما يتانجرون وارتب الصاله يوصخونها صايره مثل النحله احوس واحووووووووووس

اول ما ينامون عقب شنو عاد انا اروح اسويلي شي اشربه قلاص شاي قلاص كبتشينو

واطقطق شوي بالمنتدى اسلي روحي وعقب انام يعني الواحد لازم يعطي وقت لنفسه وابو الشباب نايم

يقوم الصبح للدوام يلبس ويطلع ماله شغل بالأمه

ولا يبيني اربعه وعشرين ساعه قاعده ما انام يبيني ارتب له الفراش واعطره وابخره واقول تفضل نام واصك الباب واخليه

يقوم يلفى الاكل زاهب امسك العيال عشان حضرته ياكل حشى ملك

انزين بنات اللحين فيها شي اذا نمت للظهر قولولي انا غلطانه ولا هو ؟؟؟

والله لا يجيب الزعل مجرد مشاحنات خخخخخخخخخخخ

على حسب بعض الناس تحب السهر وبعضهم لا ما تحب السهر

لول

لازم تنظمين نوم عيالج

عوديهم من الحين لانه لي كبرو مستحيل تقدرين تسيطرين عليهم

اول ما يردون من دواماتهم غديهم وسيدااا خليهم يجابلون الدراسه

عقب لهيههم بالتي في

ع السبع عشيهم

وثمان نوميهم

وانتي قعدي جابلي عمرج ودلعي روحج

ودلعي ريلج لا تنسينه :/

ونامي ع ١٢

وقعدي الصبح وزهبي لهم الريوووق ولبسيهم وبوسيهم ووخليهم يطلعوون واهم مستانسين

وردي لمخدتج الغاليه

ناميلج خمس ساعات

وقعدي الظهر استقبليهم بابتسامه

<~ شرايج فيني :$

دااامه مو بالبيت الصبح ليش تقعدين @@

عادي يبا نامي مو غلط بعد ترى انتي انسانه قبل لاتكونين زوجه وام !!!!

شوفي حبيبتي انا اشوفها عادي اني انام لي الظهر شنو المشكله يعني اهو بدوام شنو بيضره اذا نمت ولا لا
مالج حل الا انج تحسسينه بمسؤولية الجهال شوي عشان يحس فيج
لانج لو تسويله هدوووء تام وتبعدين ازعاج عيالج عنه اكيد ماراح يحس بشي ويفكر انه عياله هاديين اصلا وما يتعبون
انا ما اقولج ازعجيه بالعكس بس خليه شوي يذوق طعم التعب مال العيال
عشان يقدر شوي

ااااااااااه ييتي على الجرح

يعني من سنه تقريبا جذي كان يبيني اقعد الصبح اجهز ريوق وابسط وياه بس انا اكون تعبااانه لان بنتي وولدي اسم الله عليهم وايد يقعدون بليل اتعب وانا رايحه راده عليهم

واهو يقعد من الصبح ويبيني مثله قاعده وظليت مده اقعد على ال1 وزعل ويسويها سالفه انتي وانتي الناس تطبخ والناس تسوي … الخ
ونومهم منظم 11 ينامون بس هم انا ابي شوي استجمام وهدوء << اهم شي بأستجمام هه
اسوي شويها خضره اكل ابلع على راحتي محد ينط معاي

لو انام مبجر وكل اشوي اقعد واقوم خلاص لو اظل لي ثاني يوم ماشبع نوم لان متقطع

بس اهم مايقدرون هالشي اهم يشبعوون نووم ولا عليهم من الزوجه واقوله ولدك يقعد انت شخري ماتحس بالي تقوم وتقعد طول الليل

اهو غلط بس شنسوي يعني بعمرنا قعدو انتو بدالنا طول الليل وشوفو شلون تصيرون

لا انا ما اشوف فيها شي هذا بدال ما يقول نامي وارتاحي وراج سهره مع الجهااال حرام جذي
انتي فهميه قوليله انا ما انام من الجهاال ومايصير انا مو اّله او مكينه انا انسانه اتعب حرام والله سبحانه وتعالى قال بكتابه الكريم بسم الله الرحمن الرحيم (( لا يكلف الله نفسا الا وسعهاااا ))

لا حبيبتي نامي وارتاحي وما عليج اهم شي عاد النوم حرام جذي .. ترا انا نفس حالتج اسهر معاهم للساعه 10 الصبح ونومي متقطع
ما انام الا اربع ساعات او ساعتين واقوم تخيلي اهىء اهىء ..

… تكمله رد هع

الحين مشاء الله كبرو بالمدارس 8 يناموون وتعالي انا شوفيني كلشي اسويه هههههههه ساعات انام وياهم لان صار هدووء عندي بس اقعد حق تجهيزهم للمدرسه وارد انام ومايردون الا 12 و2 الظهر فصرت اخذ كفايتي بالنوم وزياده حبتين بعد

وريلي بحكم شغله مو موجود وياي على طول فلمن يكون موجود اسنع روحي انام وياه واقعد متى ماشبعت نوم بس قبل ال12 او 12

عااادي يبا نامي لي الظهر بس حرررصي كل الحررررص انه مايدش الا وانتي قاعده عشان مايحسج طوول الوقت نايمه وهذا الي حاره ههههه يعني مثلا بدال لا تخلين النت بليل خليييه الظهر بحيث انج تقعدين قبل لا يرد من الدوام بنص ساعه او ساعه مثلا تكونين معوضتها نووم بليل

حبيبتي ترا لزم تحملينه مسؤلية اليهال ولا الله ان تندمين لزم له وقت ولك وقت
بالجلوس معهم ومقابلهم والله ان راح تتعبي حسسيه بالمسؤليه وموبس ياكل ويشرب وينام لا
كلنا نبي الراحه بس بالتعاون والتحمل تطلع الحياة سهله
ومن كلامك ولا لاغلط ولا حاجه حبيبتي فهميه ان نفسيتك تعبانه منهم ولزم فيه وقت لك ترتحين منهم
والله يكون بعوننا

سويت قيرل انشاالله يكبرون ينتظمون والله اقول حق زوجي توهم صغار وكل ام تعاني مثلي من يكبرون ويدشون مدارس تتنظم حياتهم ويفهون الصح من الغلط وحتى حياتني تتنظم

بنات انا ودي اقعد قبل يجي من الدوام بس مشكله اكون تعبانه وحاطه منبه والله ما احس فيه هلكانه اصك لا شعوريا وفجاه القى ابو الشباب داخل الغرفه يقووول للحين منبطحه عالسرير

واذا عن احمله المسؤوليه قلت له انا ابيك ليله بس تجي وتقعد معاي شنو رده

يقول انتي ام والام تتحمل اكثر من الابو ليش الام قرانديزر مثلا

دايماا يحسسني ان الام لازم تنكرف كررااااف عشان صجججججج تصير ام

واذا عصبت وقلت تعبانه يقول شتبيني اسوي امسك العيال عنج واخليج تتبطحين على الفراش يتطنز حضرته

والنت بنات استانس اقعد بالهدء اتصفحه العيال نايمين والخدامه نايمه هي وقرقتها لا جهال لا رجال قمه الريلاكس خخخخخخخخخ

عاد انا نضامي عيال الجيران كلهم عندنا تصير لجه العصر فارتاح حزه الصبح قبل النوم

انا عندي اقتراح خليه عندهم لو يوم واحد<<<نفس هيا الشعيبي والفنان السعودي نسيت اسمه

خلي الي انتي تسوينه هو يسويه وبعدين بنشوف ردة فعله

الله يعينج… انا كنت جذي لانه اهوا مايعطل والحين بلشت الدوامات اشوا صرنا نقوم مع بعض وننام مع بعض….
لما تداومين راح يتعدل الجدول عندج

هذول هم الرياللللييييييييييييل ما يتغيروون يبونج سوبر وومن
يبونج نشيطه وعلى طول كاشخه
وعلى طول تضحكين
وعيالج نظاف

وبيتج نظيف
وما تنامين لين ينام

وما يقعد وانتي نايمه

وما تطلعين وهو قاعد

وما يرد وانتي طالعه لازم تنطرينه

وهدومه مرتبه

واغراضه جاهزه

وكل شي جاهز قبل لا ينطق بكلمه
واحنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الشكوه لله

ان قلتي العيال قال قصب عنج عيالج

ان قلتي دوام قال قصب عنج يعني اداوم عنج

ان قلتي تعبانه قال عجوز

استغفر الله
لنا الجنننه
انا غاسله ايدي من زمان

حاولي تنظمين نوم عيالج
عشان راحتج