تكيس المبايض

قوه بنات شلونكم بغيت اسألكم اذا كان لاسمح الله بالوحده تكيس بالمبايض شلون الطرقه الي يسوون فيها الكوي؟

والله حبيبتي ماعندي فكرة وانشالله تتشافين منه ويرزقج بالذرية الصالحة يارب

الله يشافيج حبيبتي …ما عندي فكره…بس ان شاء الله البنات يفيدونج

مشكورين عالرد بنات بس اسمالله علي مافيني شي انا ومافيني تكيس بس انا حبيت اسأل عنه

انا بعطيج علاج بالاعشاب وان شاء الله بفيدج ويفيد الجميع

توجد عشبة اسمها المردقوش او البردقوش اوراق خضراء

ياخذ منها ملعقة وسط من اوراقها توضع بكاس فارغ ويصب عليها ماء مغلي ويغطى الكاس لمدة 15 دقيقة ثم يصفى ويحلى بعسل صافي او سكرا او يشرب سادة 3 مرات في اليوم .

ممكن تعمليها وتغطين الكوب وتاكلي وجبة طعامك ثم تشربية بعد الطعام لانة يصرف الاكل ويخرج الغازات ايضا وآمن الاستعمال لمدة طويلة لايوجد ضرر سوف يقوم بتثبيتها خلال 3 شهور (ينظم جميع هرمون في جسد المراة) … هذة العشبة لتضبيط الهرمونات للنساء تنزل الهرمون العالي وترفع الهرمون الواطي …البردقوش تشربينه من أول يوم دورة لليوم 15 ثم توقفين.

وعندج المرميه زينه للتكيس ولتنشيط المبايض تأخذ بمقدار كف الايد وتغلى مع لتر ماء وتشرب مرتين في اليوم من ثاني يوم الدوره حت تغسلين وتوقفين …

الحلبه مع حبة البركه تشربينها من اول يوم الدوره حتى تغسلين ووايد زينه للمبايض تنشطهم .
المره يستخدم من اول يوم بالدورة لمدة 3 ايام وهذا يساعد علي تنشيط المبايض بالاضافة الي انه ينزل الدورة وينظف الرحم.

الزنجبيل يغلى ويشرب وهو كذلك ينشط المبايض .

ورزقكم الله بالذرية الصالحه ان شاء الله

لا شكو ؟ كوي انا اعرف ان التكيس له علاج ادوية يعني ؟ واعرف بعد ان حبوب منع الحمل علاج للتكيس بعد

دمعة طير مشكوره وماقصرتي ويعطيج العافيه وانشالله يكون فيه فايده بس انا الحمدلله مافيني تكيس بس حبيت آخذ فكره

استشيري دكتور بهالامور وايد افضل

العفو يا الغاليه واللهم لك الحمد ان مافيج شي

دمتي بخير

انا بأول رمضان سويت كوي تكيسات عند د فوزيه القطان

وماشالله حملت بعدها

يعطوونج بنج عام لا تحاتين توكلي علي الله وسوويها