|
|
وطمنينا
انشالله ماكو الا العافيه
وهم سألي دكتورج صج منو دكتورج ؟؟؟؟
بس اهم شي تطمني على عينج
استمري عالكمادات ودقي عالدكتور ساليه شنو اتسوين
طمنينا عليج
يومين باذن الله يروحون بالكثير ثلاثة بس لازم المضاد
واستمري على الثلج عشان لا يزيد الدم تحت الجلد
ودقي على دكتورج بعد عشان تطمنين
لاخلا ولا عدم ياربي
اللهم لك الحمد والشكر الي قلتوه سويته رحت للدكتور ووصف لي جل لون مثل الماي يقول نحطه بالعاده عقب عمليات التجميل كمساج اسمه ريبالير وحبوب معاه
ويوم جيت البيت شفت رد بنيتي الله يبارك لها يارب (سما) عن المضاد الحيوي واركض الثلاجه تذكرت عندي نص باكيت لونه بنفسجي ومتحسفه اني شاريته لبنتي وماستخدمته انقذني الحين
وكمادات الثلج مواظبه عليهم اليوم الصبح قمت متروعه من الخوف مابي اشوف ويهي واطل بنص عين في المنظره لكن الحمدلله خف شوي اللون والانتفاخ عين خف والثانيه موجود
توبه اطق ابر قبل العيد نصيحه قبل المناسبه باسبوع او اكثر حتى مايصير لكم مأساتي اسم الله عليكم (على موته اغني ) ودلول هذاني ماشيه على المضاد يارب يجي العيد وماتشوفني امي منفخه
( عاد شوفو الطنايز والنقزات )
بس ترى العين اليمين الي خف انتفاخها تبين ملامحها شبه حلوه ههههههه يعني الحفره الي تحت العين شوي انملت مايخرب عليها الا الكدمه الي باذن الله بتروح شكلها تبي اسبوع نفس ماقالي الدكتور
حبيبتي الي سألتي عن الدكتور عيادة مركز التجميل في قطر (انا قطريه) والدكتور اسمه حمد الجابر يده خفيفه وشغله حلو مسويه نضاره عنده ماشالله يبرق ويهي وماعطه شوية امتلاء ونعومه في البشره
والله يحفظكم يارب
قتلج ماكوو الا العافيه :$
لان انا مشكلتي سواد عيوني لانها غائره وسبق وسويت فلر للخد وورمت عيوني لان الدكتور اهبل بس حيل حبيت الورمه علي عيوني لونها صار فاتح من تحت فودي اعرف هل الفلر يرقع هالسواد ولا ؟
ياختي عن تجربه والله حتى المكياج مو حلو كلش مع هالات العين السودا او الحفره الي تحت العين
فنصيحه اهم شي عندنا كحريم جمال الوجه حتى قبل الجسم طقي ابرة الفلر تحت العين وسوي معاها ابر نضاره بنفس الجلسه واخذي معاج المضاد الحيوي خذي حبه قبل وحبه بعد الجلسه بست ساعات افضل حتى يقلل الكدمات لاتسوين مثلي انا رحت على عماي لكن الحين ماشاء الله اسأل البنات يبين ان عيني ارتاحت ؟ يقولون واااايد حتى جربت احط مسكرا وكحل لصق شوي منه تحت عيني لان الحفره تحت العين انملت هو عطاني ابره كامله للعينين
والنضاره يكفي الحين احط كريم العادي نيفيا او دوف والله كأني حاطه كريم اساس كل شوي اطالع ويهي بالمنظره السواد خف وايد مو شوي ارتاحت العين وانملى تحتها صارت حلوه للكحل والمكياج
وبيتم مفعول الفلر لين ست شهور والنضاره شهرين تقريبآ
ووالله لو بيضل اسبوعين بعد بسويه الزم ماعلي شكلي
كلفني 2500 ريال قطري الفلر 2000 والنضاره 500 اظن عندكم بالكويتي 250 دينار والله يسوى اكثر لو قالي عشره بعطيه
لاتوسوسين اي شي ممكن يغير شكلج للأفضل اعمليه لان الوجه انعكاس للنفسيه
اخذي المضاد والجل مال الكدمات والحبوب نفس ماركة الجل لونه اخضر معروف بالصيدليه للكدمات والثلج واصبري 5 أيام بالكثير واستمتعي ببشرتج الجديده