تخطى إلى المحتوى
الرئيسية » تكفون ساعدوني . ولي ترد لها الأجر يارب

تكفون ساعدوني . ولي ترد لها الأجر يارب

ودي أسوي عملية باي باس تحويل مسار المعدة يس ما تدرون أشكثر أنا متردد لأن:
1. زوجي ما يدري…راح تكون مفاجأه بعد ما يرد من السفر
2. أبي أعرف أشكثر أظل تعبانة لين ترد عافيتي … لأني طالبة وراح تكون عندي شهر تقريبا إجازة ويعدين أرجع الكلية… وهل راح أقدر استوعب المحاضرات ويكون استيعابي مثل السابق ولا يقل بسبب قلة الأكل؟
مع العلم وزني 103 كم وطولي 161سم

طبعا الوزن باستمرار يزيد بمعدل تقريبا 5 -9كيلو كل سنة
اشرايكم يالي مسوينها الله يخليكم ردو علي تنصحوني أسويها ولا عملية ثانية أحسن منها ؟
أكرر تكفون ردو على لا طنشوني؟!

ماانصحج تسوين العمليه روحي طبيب تغذيه وسوي رجيم بدون عمليات وايد احسن
كل عيادات التغذية رحت لهم وانزلي 10 كيلو أذبح عمري بسنة
وبعدين أردهم وجنا العيد بأقل من 3 شهور
اقتباس:
المشاركة الأصلية كتبت بواسطة نونا العنونة خليجية

ودي أسوي عملية باي باس تحويل مسار المعدة يس ما تدرون أشكثر أنا متردد لأن:
1. زوجي ما يدري…راح تكون مفاجأه بعد ما يرد من السفر
2. أبي أعرف أشكثر أظل تعبانة لين ترد عافيتي … لأني طالبة وراح تكون عندي شهر تقريبا إجازة ويعدين أرجع الكلية… وهل راح أقدر استوعب المحاضرات ويكون استيعابي مثل السابق ولا يقل بسبب قلة الأكل؟
مع العلم وزني 103 كم وطولي 161سم

طبعا الوزن باستمرار يزيد بمعدل تقريبا 5 -9كيلو كل سنة
اشرايكم يالي مسوينها الله يخليكم ردو علي تنصحوني أسويها ولا عملية ثانية أحسن منها ؟
أكرر تكفون ردو على لا طنشوني؟!

حبيبتى انا بسوى التحوير تغير مسار ومتردده الحين اقتنعت بقص المعده الطولى وانشاله يوم الثلاثاء الياي اجلت الموعد يوم ادعولى

حبيبتي لاتسوين شي من وره زوجج
هذي عمليه حياة او ممات
لاقدر الله
استخيري وشوفي الانسب
وطمنينيا عليج
ان شاء الله خير… أستخيير وأمري لله
الموت وحدة والعمر واحد والله يسهل

ما غير بس يعايرني ويطنز علي ….على طول

قمت أبدل ملابسي بالحمام عزكم الله إذا كان موجود بالغرفة على شان ما أسمع لي كلمة تسم البدن

انا مسوية العملية

واشجع الي بتسويها اذا ما نفعت معاها الرجيمات
وتكون اخر حل لها

حركتج بتكون طبيعيه جدا بعد اسبوع بالكثير والاستيعاب مادري عادي ما حسيت ان فيني شي الحمدلله

بس ماكو اكل اول الايام
كله شرب والاكل عقب اسبوعين ويكون مهروس
يعني يبيلها صبر

بس لا تسوينها من دون لا يدري
لازم يدري
اذا اهوا قاعد يطنتز على قولتج مراح يمانع انج تسوينها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.