|
|
السلام عليكم
ابداوم قريب وولدي وين اخليه انا بشقه في بيت حمولتي وخالتي تقعد عل 10 وصعب اخليه عندها وعندي خدامة بس ما احس انها بتعرف له لاني ماسلمته لها كلششش . وعندي ولدي عمره 3 سنوات تجابله الخدامه وولدي اسم الله عليه كبير مايحتاج مجابل بس احاتي الصغير ياربي شسوي لو امي عايشه مراح اكون بهالمشكله الله يرحمج يا الغاليه
ساعدوني شسوي اجيب له خدامه .. فكرت بحضانه بس صعبه حرام انقله ودي اخذ امومه بس عندي اقساط
افتووووووني الله يجزاكم خير
الي ماعندها او ماتثق بالخدامه شتسوي بهالعمر لا راحت سوق دوام صالون؟؟
كلنا موظفات وانخلي عيالنا عند الخدم بس اهم شي اتعلمينها شلون تهتم فيه وتورينها بنفسج وصدقيني يوم عن يوم بتتعود وترتاحين
احسن ما تطلبين من اي احد
من الحين بلشي اتعلمينها وراح تتعود وخليها تكون حريصه واتحاول اتخلص شغل البيت قبل لا تروحين الدوام عشان تكون بس مجابله البيبي الصغير وولدج بو 3 سنوات
وسهالات حبيبتي
والخدامه مثل ماقالت قطوه علميها من الحين انا علي اقساط
ومضطره اخذ امومه مع انه ماراح يصفى من معائي الا 150!
بس شسوي عيالي اهم وخدامتي جديده ماتعرف اي شي للبيبي
ولا حتى عندها بيبات احتمال اذا ماتسنعت اقدم على غيرها والله يكتب
الي فيه الخير
و ممكن تييبين ممرضة اول اسبوع تجابل الخدامة و تعلمها
و ولدج الكبير وديه حضانه خلاص كبير
و حمدي ربج قاعدة في بيت حمولة انا بيت بروحي و احاتي رجعة الدوام الله يسهل
الحين ،،
ولدج ٣ سنين حصانه إذا عندج مبلغ
وخليها تنزل تحت بصالة وتقوم خالتج
وتكون معاها تتابع خدامة تخت عينها
بيت حمولة احسن من شقة بروحج
او توديج ولدج الكبير حضانه والصغير خدامته اجابله علميها
والبامبرز تبديله سهل .. وتراه فديته الا بيبدل بامبرز وبيشرب الحليب وبيرجع ينام ..
الله يحفظه يارب
أخذي إجازة امومه حتي لو يروح راتبج كله بالقسط
تضلين بدون فلوس ولا تتركين ولدج بهل عمر عند الخدامه
أنا ابنتي خلت إجازة بدون راتب لحد ما صار عمرها ٦ شهور
عقب ست شهر الحبيبي يشد نفسه ويأكل وتعدل نومته
وترا الخدم مالهم خلق ياهل بو شهرين خصوصا إذا كان عسر ويبجي وايد
وبعدين زوجج وينه ليش ما يدفع لج الاقساط
و ولدج اللي بو شهرين ..
نزلي خدامتج عند ام ريلج , قوليلها يمه مابي اتعبج بس ماحب اخلي الخادمة بروحها مع الياهل
ابيهم تحت اشرافج
يعني برزي الحليب و قياسات الماي وكل شي
و قولي حق الخادمة ششلون تسوي الحليب
و خلي ام ريلج ترضعه او الخادمة جدام ام ريلج
لأن والله صرنا ما نثق بأي خادمة حتى لو شنو كانت
لازم تمل ، ولد مو ولدها و بهالعمر يصيحون وايد
تخافين تدز الرضاعة بحلجه بالقوة او تضربه
لا تأمنين والله
خليهم تحت .. لا تنفرد بالياهل و ام ريلج لازم تقدر انج يتيمه و محتاجتها
خلي ريلج يكلم امه يقول مابي الخادمة اتم بروحها مع الياهل
يعني انا بالنسبه لي مستغنيه عن المعاش المهم اني اجابل بنتي لاني موسوسه من الخدم وماحبهم ولي يومج انا ما شتغل ومجابله بنتي بالبيت
اما اذا الشغل بالنسبه لج اولوية فمالج الا الخدامه والله يحفظه ان شاء الله
مع اني ضد ان الياهل تربيه خدامه او حضانه او سستر لكن كل واحد وظروفه والمضطر ماله الخدامه