تكفون بنات ابي راي الدين بالموضوع

مساء الخير

انا صراحه ضايعه بين اهلي وزوجي ، اهلي خذو فكره من زوجي لان دايم بيننا خلاف بس الاهم من هذا كله بيننا حب
واهو مو مقصر بالعكس يحبني حيييل بس انا عنيده ولا مره اذكر قلت له انشالله على طول ادري هذا غلط مني بس شسوي
ما احب يقولي شي وانا ما ابي اسويه او مو عاجبني بس مو هذي المشكله المشكله اني اخر مره زعلت امي حلفت ما ارجع له وانا صراحه خفت حيييل وواجهتها وقلت لها يما انا زعلت عشان اعاقبه على غلطه ويجي يتعذر هذا المطلوب !!

مو انج تحرمينا من بعض قالت لي انتي بزر وماتعرفين مصلحتج انا خليتج على كيفج لحد هني وبس انا راح امنعج منه وحرضت خواني وابوي عليه وكلهم شايلين عليه وانا وربي ضعت بين رضى اهلي ورضى زوجي

مشيت على رايهم شهرين تقريبا وقاعده ادوس على قلبي عشان ما اكسر بكلمتهم بس ما اقدر تعبت حيييل واليوم حطيتهم كلهم وواجهتهم وقلت لهم لو ما انتو غالين ما كان كلمتكم وانا ابي ارجع لزوجي وهو شاريني يكفي اليوم الصبح جا وعايد وسلم على اهلي

كلمتهم وشرحتلهم وضعي قد ما اقدر بس رافضين بتاتا اني ارجع له تكفون ابي حــــــــل ؟ تعبت ؟

ولا ابي احد يجرح في اهلي تكفون ادعو لهم ان الله يحنن قلبهم علي وعلى زوجي ويهديهم

بس ابي النصيحه يا بنات شسوي ؟ ابوي اخر شي قالي كيفج عقب امي كلمته وغير رايه وقالي لا انسي هذا ما وراه مستقبل وانا ما اقدر اعيش من دونه شسوي بنات ابي شوركم ؟ وابي راي الدين بالموضوع ؟

حبوبه يمكن اهلج مسوين هالحركه عشان انتى مره ثانيه ماتجينهم زعلاانه
ويخرعونج عشاان ماتكررينها
نطري جم يوم وردي كلميهم صدقيني الابو والام مهما صار مايتمنون لاعيالهم هالشي
بس صدقيني هم طفرانين منج ومن زعلج الدايم
وعسي ربي يفكك عوقج

حبيبتي
بصراحه انتي غلطاانه
شكووو كل سالفه تقولينهاا لامج
خلي كل شئ بينكم انتي وزووجج الا لماا تكون السالفه صج تستاهل انج دخلين احد من اهلج
الله يحنن قلب اهلج يااارب
وتردوون لبعض
وآسفه اذا كلامي ماعجبج بس هذا الصج

لا طاعه لمخلوق في معصية الخالق

اذا رجعتج لزوجج اللي تشوفينه زين معاج ومع اهلج ومو مقصر معاهم ,,مافيها شي اذا رجعتي ومالهم حق اهلج اذا زعلوا

بس اهلج ليش لي هالدرجه مو راضيين؟!!! اكيد في شي جاايد!

والله حبيبتي ما اعرف راي الدين شنو
بس اللي اعرفه ان هذي حياتج انتي وياه وانتي تحبينه وهو زوجج على سنه الله ورسوله والغلط منج انتي ترى الحياه الزوجيه تفاهم مو حرب اتقولين انتي عنيده حاولي تقلليل من عنادج شوي والله ما في اعند مني ولا اعوب مني بس الحمد لله لما تزوجت هديت شوي ترى البنت ببيت اهلها شي وببيت زوجها شي ثاني اهلج يستحملونج بس زوجج مو مغصوب عليج لا شافج زدتي الحمل عليه بيقول الحرمه بدالها اربع حريم
ادري طولت عليج
بس انا اقول ارجعي لزوجج واهلج بيزعلون يومين وبالاخير اكيد راح يرضون عليج
والله يوفقج

والله ما اقول غير الي يدري يدري والي ما يدري لا يعور غيره ويجرح غيره بالكلام

يعلم الله ما قلت أهـ لهلي الا وهي من القلب واتحدى غيري يتحمل كذا

انا ما ابي تاخذون فكره عن اهلي او عن زوجي بالغلط

اهلي حيل حنونين وياي وخايفين علي وخاصه اني صغيره

وزوجي هم ابن الحلال اجودي ويحبني حييل ويكفي هالشغله لان صعب الحين تلقى الي يحب بضمير وما يخون

بس مدري حياتنا كلها هواش مع ان من نزعل بنفس اللحظه يبوس راسي ويتاسف واهلي يعلم الله 4 مرات نمت عندهم بسبب كبير غير عن الاسباب الي تبلعها كل زوجه من زوجها

بس انا وهو خاطرنا في بعض حيل ولا ودي اقول لهلي لااااا افهموني بنات وش الحل ؟

رسول الله عليه افضل الصلاة والسلام يقول في حديث معناه لو رجعله الامر جان خلى المره تسجد لزوجها ..!!
شوفي مكانة الزوج وين ..!! ماقال تسجد لامها ولا ابوها قال لزوجها ..
حبيبتي الشرع مايسمح للمره تطلع بدون شور زوجها وتلعنها الملائكه اذا سوت هالشي . فمابالج وانتي صارلج ايام طالعه من بيته بدون رضاه وقاعده عند اهلج ؟؟
هالشي بالعقل ماعتقد يحتاج راي عالم دين انتي ليلحين على ذمته وليلحين حقوقه ساريه عليج
ومالهم حق يحرمونج منه لانج زوجته ..
لو ماكنتي على ذمته جان قلنا معاهم حق بس الحين انتي زوجته ابدا مالهم حق ..

شاريه رضاهم اكثر من مااي عيوني والله

ايه هذا الي معور قلبي ضعت بينهم رضاه واجب ورضى اهلي واجب

اهو مراعي شعوري وقالي ما ودي اخذج واهلج مو راضين

راح نقنعهم لين الله يهديهم اهو مو مقصر صااابر علي وعلى اهلي مع انه مو من حقهم انا عارفه

بس احتراما لهم ما ودي اطلع الا اذا قالو لي روحي لزوجج

حبيبتي تردين ان زوجج له حق يدش بيتكم وياخذج بدون رضى اهلج انتي على ذمته يعني زوجته يعني طلعتي من شور اهلج شورج بيده ..!!
واهم راح يزعلون بس ماراح يغضبين ربج لو رديتي لزوجج اصلا يمكن اهما يغضبون رب العالمين لانه حارمين الزوج من حقوقه الشرعيه اللي الله شرعها له ..!!
مافي شي اسمه ماتردين لزوجج
اذا مايبونه يطلقونج منه اما قاعده على ذمته ويمنعونه شوفتج هاذي مو من حقهم ولا فيها زعل
وكلمي امج مره ومرتين وثلاث وقوليله حطي نفسج مكاني
وريلج مردج بترديله الحين ولا بعدين ليش تطولين السالفه ؟؟
وشنو امج تقول ماتعرفين مصلحتج هاذي حياتج امج عاشت حياتها الزوجيه مثل ماتحب ومحد فرض عليها راي او قرار
فماتوقع لهم حق يسوون فيج جذي ويطبقون رغباتهم عليج
زوجج انتي اكثر وحده تدرين فيه اكثر من اهلج واهله اهم يشوفون الظاهر بس انتي تعرفينه من الظاهر ومن الباطن
يبا جهزي جناطج وقوليلهم ياجماعه استودعكم لله وبرد لزوجي كافي رب العالمين يحاسبني على اللي قاعده اسويه زوجي له حق علي بالشرع ماقدر اخالف رب العالمين وامنعه حقه .. اذا توج عليج باجر وزهق من النطره محد راح ينفعج بيقول اهلج يبون هالشي

حبيبتي انا ماابي اعاتبج

بس عشان تعرفين وتتاكدين

ان اكبر غلط لما تصير مشكله بين الزوجين تطلع لبرا البيت

واكبر غلط لما يتدخلون اطراف ثانيه بالموضوع

سوااء اهلج او اهله

انا اقوول يمكن اهلج يبوون يعطونه درس

او صج شالوا عليه

وامج قدرت تاثر عليهم

فاذا انتي تبين الكل يرضى

روحي للي شيشيهم وخلاهم يشيلون عليه

اللي اهي امج

كلميها وفهميهاا

انج ماتقدرين تستغنين عن ريلج

وانج ماتبين تتطلقين

وحراام تحرمج منه

ومن هالحجي

وربي يهديهم ويحنن قلبهم عليج وعليه

حبيتي امج حلفت امج تصوم عن حلفانها

ثاني شي اذا تطلقتي انتي بتشيل لقب مطلقه مو امج وابوج

ثالث شي تعلمي ما تقولين حق امج مشاكلج وانتي معترفه انج تنعادين ريلج

ليش يا حبيتي ليش كل هذا تسوينه؟؟ عاجبج حال النكد الي انتي فيه؟؟

حبيتي أهلج راح يرضون مع الوقت اذا انتي دايما تمدجين ريلج جدامهم بتذمينه جدامهم اكيد ماراح يحبونه

تعوذي من ابليس ورجعي حق ريلج انتي الحين مو على ذمة اهلج

انتي على ذمة هذا الريال

أهلج على العين والراس بس انتي ملزومه بالشرع الحين تسمعين الا كلمة ريلج
امج وابوج مالهم كلمة عيج طول ما انتي على ذمته

حاولي تفهمين اهلج انه ما تبين الطلاق وتحبين ريلج وتبنيه
وخلاص

انتهى الموضوع

حياتي انتي ما تقصرين تعبتج وياي

انا اليوم كلمتهم واقنعتهم اني احبه وابيه وشاريته مثل ما هو شاريني وابوي واخواني قالو هذي حياتج وكيفج بس امي ماتبي تقولي ماتعرفين مصلحتج وكلمت اختي وراح تكلمها مره ثانيه وعسى الله يحنن قلبها

على فكره انا مو قاعده اقولج تناقشينهم لأ
انا اقولج لمي أغراضج وصكري جنطتج

ودقي على ريلج ايي ياخذج
وتقولين حق امج وابوج
الكلام الي قتلج اياه

بس تذكري تقولينه بكا محبه واحترام تقولينهم يما يبا أنا على ذمته وطلعت من شوركم
انا مابي اعصيكم

بس انا غلطانه وندمت وكابي لقب مطلقه واحب ريلي وابيه

وانا داقه علي ايي ياخذني

احترمو حياتي وقراري

عاا شنو يطلع منهم شينه زينه تبوسين راسهم وتقوليلهم انتو امو وابوي وماطلع من جزاكم

بس هذي حياتي الحين مرتبطة مع شخص وبعيشها مثل ما انتو عشتو

يعني مو تناقشينهم خلاص اتخذي قرار بس فهميمهم سببه